Материалы отфильтрованы по дате: Пятница, 28 Январь 2022

Пятница, 28 Январь 2022 17:16

Ошто этномаданий борборунун жаңы имаратынын маселеси каралууда

Бүгүн, 28-январда Ош шаарынын мэри Алмаз Мамбетов Кыргызстан элинин ассамблеясынын Ош шаарындагы бөлүмүнүн 13 улуттук маданий борборлорунун жетекчилери менен жыйын өткөрдү.

Жыйындын жүрүшүндө Ош филиалынын жетекчиси Балтагул Нурумбетов бөлүмдүн ишмердүүлүгү жана анын борборлорунун иштери тууралуу айтты. Ошондой эле быйылкы жазда "Достук кербени" деп аталган этномаданий иш-чараларды уюштуруу боюнча пландалган фестивалдар, көргөзмөлөргө токтолду.

Этномаданий борборлордун өкүлдөрү тиешелүү шарттар түзүлгөн жаңы борбор ачуу өтүнүчү менен мэрге кайрылышты. Мэр учурда жаңы имарат куруу маселеси каралып жатканын, анда этностордун өзгөчөлүгүн, маданиятын, үрп-адатын, каада-салтын өнүктүрүү үчүн бардык шарттар түзүлүшү керектигин белгиледи.

Мындан сырткары Алмаз Мамбетов туризм тармагын өнүктүрүү, анын ичинде тарыхый эстеликтерге QR-код системасын киргизүү, кызмат көрсөтүүлөрдү санариптештирүү, Ош шаарында инфраструктураны өнүктүрүү, тротуарларды куруу, коомдук транспорттордогу заманбап тейлөөнү жакшыртуу пландары тууралуу айтып берди.

Жолугушуунун жыйынтыгында калаа башчы улуттар ортосундагы достукту, тынчтыкты жана өз ара түшүнүшүүнү чыңдоо маселелерине өзгөчө токтолду. Ага улай Ош шаарынын мэриясы менен Кыргызстан элинин ассамблеясынын Ош шаарындагы филиалынын ортосундагы эки тараптуу кызматташтыкты өнүктүрүү боюнча пикир алмашуу жүрүп, сунуштар айтылды.

Жарыяланган категория Жаңылыктар

Подробнее ...

Пятница, 28 Январь 2022 15:10

Ош шаарында "Алай" футболдук клубунун жаңы машыгуучу аянтчасынын курулушу жүрүп жатат

Бүгүн, 28-январда Ош шаарынын мэри - "Алай" футбол клубунун президенти Алмаз Мамбетов келечекте футбол академиясын ачууга негиз боло турган жаңы машыгуу аянтчасынын курулушу менен таанышты.

Учурда жаңы дренаждык системаны төшөө иштери жүрүп, эскилиги жеткен тосмолордун ордуна металл конструкциялардан турган тосмолорду орнотуу иштери башталды.

"Алай" футболдук клубунун директору Улан Алымкановдун айтымында, аянтты реконструкциялоо жумуштарын март айынын башына чейин бүтүрүү пландалууда. Аянтчаны оңдоп-түзөө иштери Ош шаарынын мэриясынын, Футбол федерациясынын колдоосу жана донорлордун жардамы менен жүргүзүлүүдө. Мэр курулуштун сапатына тыкыр көңүл бурууну жана белгиленген убакытта бүткөрүүнү тапшырды.

Жарыяланган категория Жаңылыктар

Подробнее ...