Материалы отфильтрованы по дате: Вторник, 08 Февраль 2022

Вторник, 08 Февраль 2022 16:10

Рейддин жыйынтыгы: Ошто Бабараимов көчөсүндөгү кийим-кече базарындагы мыйзамсыз тосмолор бузула баштады

Ош шаарынын мэри Алмаз Мамбетовдун тапшырмасына ылайык Бабараимов көчөсүн бойлой базардын жанындагы мыйзамсыз тосмолорду алуу иштери башталды. Буга чейинки рейдде мэр тарабынан айтылган тапшырмаларды вице-мэр Жасур Азимов көзөмөлдөп, жеринде тийиштүү кызматтар менен иш алып барууда. Базар ээлери мэриянын тротуарларды калыбына келтирүү демилгесин колдоого алууда.

Ош шаарында тротуарларды талапка ылайыктоо жана жөө жүрүүчүлөргө тоскоолдук жараткан курулуштар менен күрөшүү улантылат.

Жарыяланган категория Жаңылыктар

Подробнее ...

Вторник, 08 Февраль 2022 13:13

Бюджеттик коомдук угуу өттү

Бүгүн, 8-февралда Ош шаарынын жергиликтүү бюджетинин 2022-жылга карата долбоорун талкуулоо боюнча бюджеттик коомдук угуу өттү. Ага Ош шаардык кеңешинин төрагасы Салман Назылбеков жана депутаттар, Ош шаарынын мэриясы, мамлекеттик жана муниципалдык мекеме-ишканалардын жетекчилери, жарандык коомдун жана жалпыга маалымдоо каражаттарынын өкүлдөрү катышты. Долбоорду Ош шаардык кеңешинин депутаты Данияр Абдуллаев тааныштырып, маалымат берди.

2022-жылга жергиликтүү бюджеттин киреше көлөмү (бюджеттик мекемелердин атайын каражаттарын кошкондо) 2021-жылдын бекитилген бюджетине салыштырмалуу 117,9%га өсүп, же болбосо 242 810,0 миң сомго көбөйүп 1 600 510,0 миң сом деп аныкталды, анын ичинен:

- салыктык кирешелер 1 365 600,0 миң сомду (85,3% жалпы бюджеттин көлөмүнөн) түзүүдө;

- салыктык эмес кирешелер 154 910,0 миң сомду (9,7% жалпы бюджеттин көлөмүнөн) түзүүдө;

- бюджеттик мекемелердин атайын каражаттары 80 000,0 миң сомду (5,0% жалпы бюджеттин көлөмүнөн) түзүүдө.

Бюджеттин чыгаша бөлүгүнүн эң көп бөлүгү, тагыраагы дээрлик 35 % турак жай жана коммуналдык чарбага, 25,2 % билим берүү тармагына каралган.

Коомдук угуу жарандардын суроо, сунуштары менен коштолуп, талкуу иретинде улантылды. Катышуучулар тарабынан бюджетти максаттуу пайдалануу багытында бир катар сунуштар айтылды. Мында көтөрүлгөн маселелер алдыда бюджетти бекитүүдө каралат.

Жарыяланган категория Жаңылыктар

Подробнее ...