Исаев Марс Асанович, 1981-жылы 14-августта Ош шаарында төрөлгөн. Үй-бүлөлүү, 6 баланын атасы. Кыргыз, орус жана англис тилдерин билет. 
Ош облусунун Кара-Суу районунун, Каарман айылында 1985-жылдын 29-июлунда төрөлгөн. Yй-бүлөлүү. Кыргыз, орус тилдеринде сүйлөйт 
1988-жылдын 21-майында Баткен областынын Лейлек районуна караштуу Достук айылында төрөлгөн. Үй-бүлөлүү. Кыргыз, орус тилдеринде сүйлөйт. 
Ардактуу апалар!
Урматтуу айымдар!
Кадырлуу эже-карындаштар!
Сиздерди жаз менен кошо кирип келген 8-март Эл аралык аялдар күнү менен Ош шаарынын мэриясынын жана жеке өзүмдүн атымдан чын жүрөктөн куттуктайм!
Жаратканыбыз аялзатына дүйнөнү көрккө бөлөгөн, турмушубуздун маани-мазмунун арттырган, сүйүүнүн жана боорукерликтин улуу күчүн ыйгарган экен.
Анткени ак пейлиңиздер, энелик мээримиңиздер, ошондой эле жүрөгүңүздөрдөн чыккан жылуулук бүтүндөй камкордуктун жана боорукерликтин улуу күчүн өзүнө камтып, келечекке ишеним арттырат. Кандай гана коом болбосун аялзаты элибиздин улуу көчүн, урпагын улап, жашоонун маңызын арттырып келесиздер.
Кылым карыткан элибизде “бейиш эненин таманында”, “аял үйдүн куту”, “кыздын кырк чачы улуу” - деп таамай айтылган накыл сөздөрүбүз аркылуу асылзат айымдарыбыздын нарктуулугун, баалуулугун даңазалап келебиз.
Ал эми Ош шаарынын айымдары өндүрүштө, саламаттыкты сактоодо, билим берүүдө, искусство менен маданиятта, спорт жана бизнесте, айтор баардык тармакта бараандуу салымыңыздарды кошуп келе жатасыздар. Мамлекетибиздин өнүгүүсүнө салым кошууда өздөрүнүнүн жаратман эмгектери жана аракеттери менен мырзалардан ашса ашып, кем калбаган аязлатына дагы бир жолу таазим кылабыз!
Жашоо менен өмүрдүн, сулуулук менен аруулуктун, мээрим менен кайратмандыктын улантуучу күчү сиздерсиздер!
Ылайым ар бир үйдүн коломтосунан от өчпөсүн, асыл апаларыбыздын жүзүнөн жылмаюу кетпесин, жараткан сиздерди жамандыктан сактасын деп тилек кылам.
Сиздерге бакубат бейпил турмуш, бекем ден соолук, үй-бүлөңүздөргө бакыт-таалай каалайм! Ар бир күнүңүздөр бакытка, кубанычка бөлөнсүн!
Майрамыңыздар менен!
_________________________
Маалыматтык камсыздоо бөлүмү
