Бүгүн Ош шаарында Ак калпак күнүнө карата салтанаттуу иш-чара өттү. Иш-чаранда улуттук кийимдерди кийген жаштар патриоттук ураандар менен борбордук аянттан Султан Ибраимов атындагы улуттук драма театрына чейин параддан өтүштү.

Жүрүшкө 700дөн ашык жаш активисттер, жогорку окуу жайлардын студенттери, маданият жана искусство ишмерлери катышты.

Андан соң драма театрда аскер кызматкерлери арасында “Ыйык милдет” аттуу сынак болуп өттү.

Анын жеңүүчүсү болуп №7703 аскер бөлүгүнүн аскер кызматкерлери табылып, 20 миң сом сыйлык ыйгарылды.

4-март күнү Ош шаарында 5-17 жаштагы спортчулар арасында “Таэквон-до ITF” боюнча Кыргыз Республикасынын Кубогунун ачылышы болду.

Турнирдин ачылыш аземине Ош шаарынын мэринин орун басары Нурбек Кадыров, “Таэквон-до ITF” федерациясынын президенти Юрий Тэн, Ош шаардык дене тарбия жана спорт комитетинин өкүлдөрү катышты.

Турнирге өлкөнүн 7 облусунан, ошондой эле Бишкек жана Ош шаарларынан 400гө жакын спортчулар катышууда.

Мелдештин максаты – дене тарбия жана спортту кеңири жайылтуу, Кыргызстанда спорттун ар кандай түрлөрүн өнүктүрүү, мыкты таэквондочуларды аныктоо жана Кыргыз Республикасынын курама командасын түзүү.

Турнирдин жеңүүчүлөрү быйыл Өзбекстан Республикасынын Ташкент шаарында өтө турган таэквон-до боюнча Борбордук Азиянын биринчи чемпионатына жолдомо алышат.

Белгилей кетсек, бул Кубок Ош шаарында биринчи жолу өтүп жатат.

Бүгүн, 4-мартта Ош шаарында жарыяланган үч айлыктын алкагында жалпы ишембилик өткөрүлдү.

Ага мекеме-уюмдардын, муниципалдык ишканалардын жана кызматтардын эмгек жамааттары, саламаттыкты сактоо жана билим берүү мекемелеринин, жогорку окуу жайлардын жана бала бакчалардын кызматкерлери, жашоочулар активдүү катышты. Ишембиликтин алкагында аймакты таштандылардан тазалоо, бак-дарактарды актап-сырдоо, мекеме-ишканалардын фасаддарын жуу жана сырдоо, тротуарларды, арыктарды тазалоо иштери жүргүзүлдү.

Жыйынтыгында 2100 кубдан ашык таштанды чыгарылды.

Ошондой эле, билим берүү уюмдарында жалпы 1200 түп декоративдик жана мөмөлүү дарактардын көчөттөрү отургузулду.