Материалы отфильтрованы по дате: Четверг, 28 Апрель 2022

Четверг, 28 Апрель 2022 18:48

Ош шаарынын мэриясынын коллегиясында 6 маселе каралды

28-апрелде Ош шаарынын мэриясынын коллегиясы болуп өттү. Күн тартибинде 6 маселе каралды:

- Ош шаарынын 2019-2020-жылдарга социалдык-экономикалык өнүгүүсүнө, жергиликтүү бюджеттин түзүлүшүнө жана аткарылышына аудиттин жыйынтыгы жөнүндө;

- Ош областтык шаар куруу жана архитектура башкармалыгынын ишмердүүлүгү жөнүндө;

- 2021-2022-жылдардын күзгү-кышкы жылытуу мезгилинин жыйынтыгы жөнүндө жана 2022-2023-жылдардагы күзгү-кышкы жылытуу мезгилине даярдык көрүү жөнүндө;

- Ош шаарынын муниципалдык аймактык башкармалыктарынын ишмердүүлүгү жөнүндө;

- Кыргыз Республикасынын “Ден соолугунун мүмкүнчүлүктөрү чектелүү адамдардын укуктары жана кепилдиктери жөнүндө” Мыйзамынын аткарылышы жана Ош шаарында ден соолугунун мүмкүнчүлүгү чектелген жарандар үчүн түзүлгөн шарттар жөнүндө;

- Ош шаарында коомдук-саясий кырдаалдын курчушуна жол бербөө, терроризмге жана диний экстремизмге каршы күрөшүү, алардын алдын алуу максатында тиешелүү укук коргоо органдары тарабынан мекеме-ишканалар менен биргеликте профилактикалык түшүндүрүү иштерин жүргүзүү жөнүндө.

Жыйынга Ош шаарынын мэри Алмаз Мамбетов, Кыргыз Республикасынын Президентинин Администрациясынын Президенттин жана Министрлер Кабинетинин чечимдерин даярдоо боюнча башкармалыгынын башчысы Алтынбек Эргешов жана КР Президентинин Аппаратынын башка өкүлдөрү, шаардык кеңештин төрагасы Салман Назылбеков, калаанын вице-мэрлери, мекеме-ишканалардын жетекчилери жана МАБ башчылары катышты.

Биринчи суроонун алкагында Ош шаарынын биринчи вице-мэри Марс Исаев баяндама жасап, 2019-жылдын 1-январынан 2020-жылдын 31-декабрына чейинки аралыкта Кыргыз Республикасынын Эсеп палатасы тарабынан Ош шаарынын мэриясына караштуу 22 бюджеттик мекемеде жана 8 чарбалык ишканаларда бюджеттик, атайын жана башка каражаттардын максаттуу жана натыйжалуу пайдаланылышын текшерүү жүргөнүн белгиледи. Текшерүүнүн жүрүшүндө бир катар мыйзам бузуулар жана кемчиликтер аныкталган. Шаар мэри Алмаз Мамбетов азыркы жетекчилерге бул маселени бир айдын ичинде чечүүнү тапшырды.

Андан соң Ош шаарынын вице-мэри Жасур Азимов областтык шаар куруу жана архитектура башкармалыгынын ишмердүүлүгү жөнүндө баяндама жасады. Анда мыйзамсыз объектилер, анын ичинде соода түйүндөр, көп кабаттуу үйлөр боюнча маселе көтөрүлдү. Калаа башчы Мамбетов тез аранын ичинде мыйзамсыз объекттерди бузуу боюнча иштерди күчөтүүнү тапшырды.

Ошондой эле мэр Юго-Восток кичи районундагы жеке клиникалардын биринин тосмолорун эки жолу бузууга туура келгенин эске салды. Бул маселе боюнча мыйзам бузуучуга тиешелүү административдик айып салуу тапшырмасы берилди. Ага улай мэр муниципалдык мекемелерде жана кызматтарда заманбап пандустарды куруу иштерин активдештирүү тапшырмасын берди.

Жарыяланган категория Жаңылыктар

Подробнее ...

Четверг, 28 Апрель 2022 15:44

Ошто РЭТтин жаңы имаратын курууга капсула салынды

Бүгүн, 28-апрелде Ош шаарынын батыш тарабында бөлүштүрүүчү зонанын жаңы имаратынын курулушуна капсула салынды.

Иш-чарага КР Энергетика министри Доскул Бекмурзаев, Ош шаарынын мэри Алмаз Мамбетов, облустук жана жергиликтүү энергетикалык ишканалардын жетекчилери, аксакалдар, жергиликтүү тургундар катышты. Ошондой эле жаңы “Барсбек” көмөкчү чордонун куруу иштери башталды.

Жарыяланган категория Жаңылыктар

Подробнее ...

Четверг, 28 Апрель 2022 14:39

Ош шаарында Орозо айт намазы борбордук аянтта окулат

Ош шаарынын мэри Алмаз Мамбетовдун буйругуна ылайык, Орозо айт намазы шаардын борбордук аянтында окулат. Бул тууралуу бүгүн вице-мэр Венера Рыскулова жетектеген Орозо айт намазын окууну уюштуруу комитетинин отурумунда белгилүү болду. Жыйында тиешелүү кызматтардын жана бөлүмдөрдүн өкүлдөрүнө уюштуруу маселелерин чечүү боюнча тапшырмалар берилди.

Белгилей кетсек, Орозо айт намазы 2-майда саат 07:30да окулуп баштайт.

Жарыяланган категория Жаңылыктар

Подробнее ...

Четверг, 28 Апрель 2022 13:35

Балдар үйүнүн тарбиялануучуларына кайрымдуулук акциясы өткөрүлдү

Бүгүн, 28-апрель күнү Ош шаарында Рамазан айынын алкагында “Боорукердик” жатак үйүнүн жана балдар үйүнүн тарбиялануучуларына кайрымдуулук акциясы өткөрүлдү. Ага Ош шаарынын вице-мэри Венера Рыскулова, меценат Шумкар Пазылов катышты.

Акцияда “Боорукердик” жатак үйүнүн карыяларына жана балдарына майрамдык тамак-аш баштыктары, таттуулар, мончо буюмдары, самын жана жуучу каражаттар тапшырылды. Ошондой эле балдар үйүнүн тарбиялануучуларына самын, жуучу каражаттар, памперстер, балдар үчүн кийим-кечелер, канцелярдык товарлар менен жардам көрсөтүлдү.

Жарыяланган категория Жаңылыктар

Подробнее ...

Четверг, 28 Апрель 2022 11:22

Ош шаарынын мэри Алмаз Мамбетов ЕРӨБнын КРдагы өкүлдөрү менен жолугушту

Бүгүн, 28-апрелде Ош шаарынын мэри Алмаз Мамбетов Европа реконструкциялоо жана өнүктүрүү банкынын Кыргыз Республикасындагы өкүлдөрү менен жолугушту.

Жолугушууда тараптар ЕРӨБ колдоосу менен Ош шаарында ишке ашырылып жаткан долбоорлорду, тагыраагы Ош шаарындагы катуу тиричилик калдыктарын башкаруу системасын жакшыртуу долбоорун, “Ош шаарынын электр коомдук транспортун модернизациялоо” долбоорун талкуулашты.

Өз сөзүндө мэр Ош шаарынын инфраструктуралык долбоорлорун ишке ашырууда колдоо көрсөтүп жаткандыгы үчүн ыраазычылык билдирип, тыгыз кызматташууга даяр экенин белгиледи.

ЕРӨБнын Евразия инфраструктура департаментинин банкири Мээрим Аманова Ош шаарынын муниципалдык кызматтарынын долбоорлорду ишке ашыруудагы тыгыз байланышын белгилеп, ЕРӨБ бул багыттагы иштерди эртерээк баштоого кызыктар экенин баса белгиледи.

Жолугушуунун жүрүшүндө санитардык-коргоо зонасын түзүү, учурдагы таштанды полигонун жабуу жана рекультивациялоо, инфраструктуралык долбоорлорду ишке ашыруунун процедуралык маселелери талкууланды.

Жарыяланган категория Жаңылыктар

Подробнее ...