Материалы отфильтрованы по дате: Вторник, 07 Июнь 2022

Вторник, 07 Июнь 2022 13:59

Урматтуу ишкерлер!

Ош шаарынын мэриясына караштуу мамлекеттик тил комиссиясы бардык жарнак объектилерин жана коммерциялык түйүндөрдүн аталыштарын мамлекеттик тил, жарнак жөнүндө мыйзамдардын нормаларына шайкеш келтирүүнү өтүнөт. Учурда тиешелүү рейддик иш-чаралар жүрүп жатат. Керектүү эрежелерди сактабагандарга мыйзам чегинде чаралар көрүлөт.

Жарыяланган категория Жаңылыктар

Подробнее ...

Вторник, 07 Июнь 2022 13:57

Ош шаарында Финансы жана экономика кызматкерлеринин күнү белгиленди

Бүгүн, 7-июнь күнү Ош шаарынын мэриясында каржы тармагынын кызматкерлерин кесиптик майрамына карата сыйлоо аземи болуп өттү. Сыйлык тапшыруу аземине Ош шаарынын биринчи вице-мэри Марс Исаев, шаардык кеңештин төрагасынын орун басары Шайырбек Нуранов, мамлекеттик, муниципалдык мекемелердин жана калкты тейлөө кызматкерлеринин профсоюз комитетинин төрагасы катышты.

Марс Исаевдин айтымында, каржы тармагынын кызматкерлери шаардын экономикалык өнүгүүсүндө чоң роль ойноп, анын экономикалык потенциалынын өсүшүнө салым кошууда.

Шаардын каржы тармагынын кызматкерлери, анын ичинде чарбалык бөлүмдөрдүн бухгалтерлери жана адистери, банк жана микрокредиттик компаниялардын кызматкерлери Ардак грамоталар жана акчалай сыйлыктар менен сыйланышты.

Экономикалык потенциалды жогорулатуу, каржы тармагын өнүктүрүүгө кошкон салымы, шаардын коомдук-саясий иштерине активдүү катышкандыгы үчүн 25ке жакын адам сыйланды.

Жарыяланган категория Жаңылыктар

Подробнее ...

Вторник, 07 Июнь 2022 13:01

Ош шаарында жарнактардагы мамлекеттик тил мыйзамынын сакталышы текшерилүүдө

Бүгүн, 7-июнда Ош шаарынын мэри Алмаз Мамбетовдун тапшырмасынын негизиндк мэриянын алдындагы мамлекеттик тил боюнча комиссиясы “Сулайман-Тоо” МАБынын аймагында рейд өткөрдү.

Курманжан-Датка көчөсүндөгү рейддин жүрүшүндө жарнак объектилерин Кыргыз Республикасынын “Мамлекеттик тил жөнүндө”, “Жарнак жөнүндө” мыйзамдарынын нормаларына ылайык келтирүү боюнча 20га жакын буйруктар жана эскертүүлөр берилди. Бир катар мыйзамсыз орнотулган жарнак такталары алынды.

Рейддик иш-чараларга Ош шаардык мэриясынын алдындагы тил боюнча комиссиясынын төрагасы Нурлан Закиров, комиссия мүчөлөрү, муниципалдык менчик башкармалыгынын тиешелүү бөлүмдөрүнүн адистери, МАБ өкүлдөрү катышууда. Бул текшерүүлөр бардык муниципалдык аймактык башкармалыктарда жума сайын үзгүлтүксүз өткөрүлөт.

Жарыяланган категория Жаңылыктар

Подробнее ...