Материалы отфильтрованы по дате: Четверг, 02 Июнь 2022

Четверг, 02 Июнь 2022 20:46

“Мэрдин кубогу-2022” футбол боюнча эл аралык турнирдин ачылышында Оштун “Алай” клубу жеңишке жетти

Бүгүн, 2-июнда Ош шаарынын борбордук стадионунда футбол боюнча “Мэрдин кубогу-2022” эл аралык турнири башталды. Ош шаарынын мэри Алмаз Мамбетов катышуучу командаларга ийгилик каалап, боордош элдерди жакындаштырып, тажрыйба алмашууда спорттун маанисин арттыруу үчүн эл аралык турнирлерди өткөрүүнүн маанисин белгиледи.

Турнирге Кыргызстандын футболдук клубдары — Оштун “Алай”, Кочкор-Ата шаарынын “Нефтчи”, Өзбекстандын футболдук клубдары — Ташкенттин “Бунёдкор” жана Андижандын “Андижан” командалары катышууда.

Ачылыш оюнунда “Алай” (Ош) жана “Андижан” (Андижан) командалары беттешти. Беттештин жыйынтыгы 2:1 эсебинде "Алай" футболдук клубунун пайдасына чечилди.

Белгилей кетсек, турнирдин жобосу боюнча жарым финалдык беттештердин жеңүүчүлөрү баш байге үчүн ат салышса, жеңилгендер жооткотуучу финалда беттешет. Эртең борбордук стадиондо экинчи жарым финалдык оюнда “Нефтчи” (Кочкор-Ата) жана “Бунёдкор” (Ташкент) командалары беттешет.

Мелдештин уюштуруучулары — Ош шаарынын мэриясы, Кыргызстандын Профессионалдык футбол лигасы, Ош шаарынын жана Ош облусунун футбол ассоциациясы жана “Алай” футболдук клубу.

Бул турнирди жыл сайын өткөрүү пландалууда.

Жарыяланган категория Жаңылыктар

Подробнее ...

Четверг, 02 Июнь 2022 16:44

Тазалыкчыларга жаңы футбол аянтчасы ачылды

Бүгүн “Ош-Тазалык” муниципалдык ишканасынын автогаражынын базасында кичи футбол аянтчасы ачылды. Иш-чарага Ош шаарынын мэри Алмаз Мамбетов катышып, тазалык кызматкерлеринин ден соолугун чыңдоо үчүн зарыл болгон социалдык шарттарды түзүүнүн маанилүүлүгүн белгиледи. Объекттин курулушунун тендердик баасы 3 миллион сомду түздү.

Жарыяланган категория Жаңылыктар

Подробнее ...

Четверг, 02 Июнь 2022 12:42

Ош шаарынын Озгур айылында ФАП ачылды

Ош шаарынын Озгур айылында фельдшердик-акушердик пункт ачылды.Ачылыш аземге Ош шаарынын вице-мэри Венера Рыскулова, шаардык саламаттыкты сактоо тармагынын өкүлдөрү, аксакалдар, жергиликтүү тургундар катышты.

ФАПта дарылоо бөлмөсү, УЗИ кабинети, алгачкы жардам көрсөтүү, эмдөө бөлмөлөрү, гинекологиялык отургуч бар. Бул мекемеде 4 медицина кызматкери иштейт.

Жергиликтүү тургундар бул мекеменин өз айылында ачылганына ыраазычылыктарын билдиришти. Белгилей кетсек, Озгур айылында 4000ге жакын калк жашайт.

Жарыяланган категория Жаңылыктар

Подробнее ...

Четверг, 02 Июнь 2022 12:40

Ош шаарынын мэри Алмаз Мамбетов “Бунёдкор” (Ташкент) жана “Андижан” (Андижан) футбол командаларынын башкы машыктыруучулары менен жолугушту

Бүгүн, 2-июнда “Алай” футбол клубунун президенти, Ош шаарынын мэри Алмаз Мамбетов “Мэрдин кубогу - 2022” футбол боюнча эл аралык турнирге катыша турган Өзбекстан Республикасынын “Бунёдкор” (Ташкент), Андижан (Андижан) жана “Алай” (Ош) футбол командаларынын башкы машыктыруучулары менен жолугушту.

Жолугушууда мэр аталган командалардын бул турнирге катышуусу күйөрмандар үчүн чоң майрам экенин белгилеп, турнирдин бардык катышуучуларына ийгилик каалады.

Өз кезегинде командалардын машыктыруучулары мэрге жылуу кабыл алгандыгы үчүн ыраазычылык билдирип, келечекте да өлкөбүздө өтүүчү эл аралык клубдук мелдештерге катыша тургандыктарына ишеним билдиришти.

Жолугушууда Ош шаарынын футболчулары менен Өзбекстандын футболдук командаларынын ортосунда тажрыйба алмашуу, ошондой эле Ош шаардык стадионунун инфраструктурасын жакшыртуу, стадиондун электрондук таблолорун, жарыктандыруу системаларын жаңыртуу боюнча тажрыйба алмашуу маселелери талкууланды.

Жарыяланган категория Жаңылыктар

Подробнее ...