Материалы отфильтрованы по дате: Среда, 18 Май 2022

Среда, 18 Май 2022 14:38

Быйыл 30дан ашык көчөдө тротуарлар жаңыланып, 20дан ашык аялдама курулат

Бүгүн, 18-майда Ош шаарынын вице-мэри Жасур Азимов мэр Алмаз Мамбетовдун тротуарларды, жолдорду асфальттоо жана квартал ичиндеги көчөлөргө кирүүчү жолдорду куруу боюнча протоколдук тапшырмасынын аткарылышы менен таанышты.

Анын алкагында Анар кичи районундагы, Ирригатор көчөсүнүн Дача тилкесиндеги тротуарлардын курулушу, Абакир уулу Төрөбек көчөсүнүн боюна аллея куруу максатында убактылуу жана мыйзамсыз соода түйүндөрүнүн жана тосмолордун бузулушу, Көкүмбий, Абдыкадыров, Курманжан-Датка көчөлөрүнүн боюндагы аялдамалардын курулушу, Раззаков көчөсүнө кирүүчү жолдорду асфальттоо иштери менен таанышты.

Жыйынтыгында тиешелүү кызматтардын жетекчилерине иштерди сапаттуу жана өз убагында аткаруу боюнча тапшырмалар берилди.

Жалпысынан 2022-жылы Ош шаарында 30дан ашык көчөдө тротуарларды жаңылоо жана 20дан ашык коомдук транспорттор үчүн аялдама куруу пландалууда.

Жарыяланган категория Жаңылыктар

Подробнее ...

Среда, 18 Май 2022 13:33

Ош шаарында Энелер күнүнө карата салтанаттуу иш-чара өттү

Бүгүн, 18-майда Ош шаардык мэриясында Энелер күнүнө арналган салтанаттуу иш-чара болуп өттү.

Шаардын ардактуу айымдарын, баатыр энелерди шаардык кеңештин төрагасы Салман Назылбеков, Ош шаарынын вице-мэри Венера Рыскулова куттукташты.

Чогулгандар үчүн шаардык маданият бөлүмү тарабынан майрамдык концерттик программа уюштурулду. Иш-чарага жалпысынан 250 аял катышып, ар бирине белектер тапшырылды.

Жарыяланган категория Жаңылыктар

Подробнее ...

Среда, 18 Май 2022 12:37

Ошто 19-майда «Куттуу эл» биринчи Улуттук форуму өтөт

Ош шаарында 19-майда «Куттуу эл» биринчи Улуттук форуму өтөт.

Форум президент Садыр Жапаровдун «Инсандын руханий-адеп-ахлактык өнүгүүсү жана дене тарбиясы» жөнүндө жарлыгынын алкагында мамлекеттик катчы Сүйүнбек Касмамбетовдун демилгеси жана Оштун мэри Алмаз Мамбетовдун колдоосу менен өтөт.

«Глобалдашуу жаңы чакырыктарды жаратып, өнүгүүнүн ылдам темптерин белгилейт. Бүгүнкү күндө адамзат жаңы доордун босогосунда турат. Өз убагында кабыл алынган жана ийкемдүү чечимдер гана ийгиликке жол ачат. Жаңы көз караштар, стратегиялык программалар, концептуалдык сунуштар жана чечимдер – мунун баары “Куттуу эл” улуттук форуму», - деп белгилешти уюштуруучулар.

Форумга белгилүү окумуштуулар, ар кайсы тармактын эксперттери, саясатчылар, ишкерлер, активдүү жаштар жана жарандык коомдун өкүлдөрү катышат.

#Ош_мэрия

Жарыяланган категория Жаңылыктар

Подробнее ...