Материалы отфильтрованы по дате: Пятница, 29 Апрель 2022

Пятница, 29 Апрель 2022 19:15

Согуш ардагерлерине Президенттин атынан Орозо айтка карата белектер тапшырылды

Бүгүн, 29-апрелде Ош шаарында Улуу Ата Мекендик согуштун ардагерлерине КР Президенти Садыр Жапаровдун атынан ыйык Орозо айт майрамына карата белектер тапшырылды.

Ош шаарынын мэри Алмаз Мамбетовдун тапшырмасына ылайык, вице-мэр Венера Рыскулова ардагерлердин үйүнө барып, Орозо айт майрамы менен куттуктады.

Белектер Салахидин Тохтабаевге (97 жашта), Анна Тягуновага (99 жашта), Самибай Артыковго (101 жашта), Касымбай Жолдошевге (97 жашта) тапшырылды.

Жарыяланган категория Жаңылыктар

Подробнее ...

Пятница, 29 Апрель 2022 18:12

Ош шаарынын өндүрүшчүлөрү жана ишкерлери өз продукциясын Ростов-на-Дону шаарына экспорттой алышат

29-апрелде Ош шаарынын биринчи вице-мэри Марс Исаев Евразиялык “Улуттар жүзү” компаниялар тобунун өкүлдөрү жана Ош шаарынын ишкерлери менен жолугушуу өткөрдү. Жолугушуунун жүрүшүндө тараптар жергиликтүү өндүрүшчүлөрдүн, ишкерлердин продукциясын Орусиянын рыногуна, анын ичинде Ростов-на-Дону шаарына экспорттоо мүмкүнчүлүгүн талкуулашты.

Евразиялык “Улуттар жүзү” компаниялар тобунун башкы директору Замирбек Ходжаев билдиргендей, Россия рыногундагы түзүлгөн шарттарга байланыштуу Кыргызстандын айыл-чарба өндүрүүчүлөрү жана өнөр жай субъектилери өздөрүнүн продукциясын Россиянын рыногуна ири соода түйүндөрүндө экспорттоого мүмкүнчүлүк бар.

Мындан сырткары, Ош шаарынын өндүрүшчүлөрү жана ишкерлери 20-21-май күндөрү өтө турган “Дени сак муун” эл аралык форум-көргөзмөсүнө катышууга чакырылды. Анда ишкерлердин ортосундагы байланышты жакшыртууга көмөктөшүп, туризмди, билим берүүнү жана медицинаны өнүктүрүү, Россиянын продукциясын өндүрүүчүлөрдөн Кыргызстанга түз жеткирүү маселелерине көңүл бурулат.

Марс Исаев белгилегендей, Ош шаарынын өндүрүшчүлөрүнүн россиялык ишкерлер менен өз ара аракеттенүүчү үчүн зарыл шарттар түзүлөт.

Жарыяланган категория Жаңылыктар

Подробнее ...

Пятница, 29 Апрель 2022 14:07

Ош шаарынын Жапалак айыл аймагында алгачкы социалдык дарыкана ачылды

Бүгүн, 29-апрелде Ош шаарынын Жапалак айыл аймагында ден соолугунун мүмкүнчүлүгү чектелген жарандар дары-дармектерди арзандатуу менен сатып ала турган социалдык дарыкана ачылды. Иш-чарага Ош шаарынын вице-мэри Венера Рыскулова, Дары-дармек жана медициналык техника департаментинин түштүк бөлүмүнүн өкүлдөрү, үй-бүлөлүк дарыгерлер топторунун өкүлдөрү, жергиликтүү тургундар катышты.

“Социалдык аптека” долбоорунун негизги максаты – калкты жеткиликтүү баада сапаттуу дары-дармектер менен камсыз кылуу.

1-2-категориядагы мүмкүнчүлүгү чектелгендер үчүн дары-дармектерди сатып алууда 25% арзандатуу каралган; 3-категориядагыларга - 15% жеңилдик; пенсионерлер жана Кыргыз Республикасынын башка жарандары дары-дармектерди 10% арзандатуу менен сатып ала алышат.

Ош шаардык социалдык өнүгүү башкармалыгынын маалыматы боюнча, калаада 2100 аз камсыз болгон жаран, 3120 ден соолугунун мүмкүнчүлүгү чектелген жарандар жашайт.

Эскерте кетсек, буга чейин социалдык дарыкана Сулайман-Тоо МАБында да ачылган. Алдыда калган бардык муниципалдык аймактык башкармалыктарда уюштуруу пландалган.

Жарыяланган категория Жаңылыктар

Подробнее ...

Пятница, 29 Апрель 2022 13:02

Ош шаарында республикалык предметтик олимпиаданын жеңүүчүлөрү сыйланышты

Бүгүн, 29-апрелде Ош шаарынын мэриясында үстүбүздөгү жылдын апрель айында өткөн республикалык предметтик олимпиаданын жеңүүчүлөрүн салтанаттуу сыйлоо аземи болуп өттү.

Ош шаарынын вице-мэри Венера Рыскулова олимпиаданын жеңүүчүлөрүнө мындан аркы ийгиликтерди каалап, окуучулардын ийгиликтерине мугалимдердин жана мектеп жетекчилигинин салымы зор экендигин белгиледи.

Иш-чарада республикалык предметтик олимпиадада алдыңкы орундарды ээлеген окуучуларга баалуу белектер – электрондук китептер, олимпиаданын жеңүүчүлөрүнө эстелик белектер тапшырылды. Ал эми окуучулары алдыңкы орундарды багынткан мугалимдерге Ош шаарынын мэриясынын акчалай сыйлыктары жана алкыш баракчалары тапшырылды. Жалпысынан шаардагы мектеп жана лицейлердин 34 окуучу жана мугалимдер сыйланды.

Белгилей кетсек, олимпиаданын жыйынтыгында КР Билим берүү жана илим министрлигинин рейтингдик критерийлери боюнча Ош шаары республикада 2-орунга ээ болгон. Ош шаарынын мэриясы тарабынан шаардык билим берүү бөлүмү ыраазычылык кат менен сыйланды.

Ошондой эле иш-чарада Ош шаарынын мэри Алмаз Мамбетовдун тапшырмасына ылайык, Ярославль жана Новосибирск шаарлары менен сүйлөшүүлөр жүрүп жатканы, шаардагы мектептерден орус тили мугалимдерин квалификациясын жогорулатууга жиберүү пландалып жатканы айтылды.

Жарыяланган категория Жаңылыктар

Подробнее ...

Пятница, 29 Апрель 2022 11:55

Ош шаарында “Жаш аракетчил” бош орундардын жарманкеси болуп өттү

Бүгүн, 29-апрель күнү Токтогул Сатылганов атындагы сейил багында “Жаш аракетчил” деп аталган бош жумуш орундардын жарманкеси болуп өттү. Аны “Юз оф Ош” коомдук бирикмеси Ош шаарынын мэриясы, Эмгек, социалдык коргоо жана миграция башкармалыгы жана “Аракетчил” долбоору менен биргеликте уюштурган.

Жарманкенин ачылышына Ош шаарынын вице-мэри Венера Рыскулова, “Юз оф Оштун” өкүлдөрү, шаардык эмгек, социалдык коргоо жана миграция башкармалыгынын башчысы Куттубек Абдуллаев катышты.

Иш-чаранын алкагында иш берүүчүлөр бош орундарды, ошондой эле мектеп бүтүрүүчүлөрү жана жаштар үчүн стажировкадан өтүү, волонтердук жана карьералык мүмкүнчүлүктөрдү сунушташты. Каалоочулар үчүн ишке орношуу боюнча кесиптик кеңештер да уюштурулду. Катышуучулар ишканалардын өкүлдөрү менен түз баарлашып, суроолорун берип, кенен тааныша алышты.

Жарыяланган категория Жаңылыктар

Подробнее ...