Материалы отфильтрованы по дате: Вторник, 12 Апрель 2022

Вторник, 12 Апрель 2022 17:18

Мэрдин эл менен жолугушуусунан кийин 218-кварталдын инфраструктурасын жакшыртуу боюнча тапшырмалар берилди

Бүгүн Ош шаарынын мэри Алмаз Мамбетовдун калаа тургундары менен жолугушуусунан кийин элдин кайрылуусуна ылайык, вице-мэр Жасур Азимовго жана тиешелүү кызматтардын жетекчилерине 218-кварталда жашаган калктын арыздары менен жеринен таанышуу тапшырмасы берилген. Тийиштүү тармактар аталган аймакка барып, жашоочулардын көйгөйлөрүн угуп келди.

Тургундар менен болгон жолугушууда электр мамыларын орнотуу, жолдорду реконструкциялоо өңдүү зарыл иштерди жүргүзүү боюнча тиешелүү кызматтарга тапшырмалар коюлду.

Жарыяланган категория Жаңылыктар

Подробнее ...

Вторник, 12 Апрель 2022 17:15

Ош шаарында борбордук көчөлөрдөгү жарнама объектилеринин санариптик, электрондук форматтарын киргизүүгө өзгөчө көңүл бурулат

Ош шаарынын мэри Алмаз Мамбетовдун тапшырмасына ылайык бүгүн, 12-апрелде вице-мэр Жасур Азимов жарнак тармагында өз ишмердүүлүгүн жүргүзүп жаткан ишкерлер менен жыйын өткөрдү. Жолугушууда Ж.Азимов жарнак объекттеринин жаңы заманбап түрлөрүнө, анын ичинде санариптик көрнөк-жарнактарга, электрондук таблолорго өтүүгө өзгөчө көңүл бурду. Жолугушуунун жыйынтыгында санарипке өтүү механизмдерин иштеп чыгуу багытында биргелешкен жумушчу топ түзүү боюнча макулдашууга жетишилди.

Жарыяланган категория Жаңылыктар

Подробнее ...

Вторник, 12 Апрель 2022 16:12

Ош шаарынын мэри эл менен жолугушуп, маселелерин укту

Бүгүн, 12-апрелде Ош шаарынын мэри Алмаз Мамбетов калаа тургундары менен жолугушуп, маселелерин укту. Жыйынга 800гө жакын жаран келип, алардын суроолоруна жооп берүү үчүн бардык тармактардын жетекчилери катышты.

Жолугушуунун жүрүшүндө алгач шаардын 4 вице-мэри 2022-жылы өздөрү жетектеген тармактардагы аткарыла турган иштер тууралуу айтып беришти. Андан соң жашоочулар суроолору менен кайрылышты.

Жыйындын катышуучулары Ош шаарынын инфраструктуралык абалын жакшыртуу маселесинен тартып жеке көйгөйлөрүнө чейин мэрге жеткиришти.

Алсак, жергиликтүү тургундардын нааразычылыгын жараткан Акниет маркетинин мыйзамдуулугу боюнча суроо көтөрүлүп, шаар башчы элдин талабын эске алып мыйзамсыз болсо курулушту бузуу тапшырмасын берди. Навои паркындагы зоопарктан чыккан таштандыга жана жагымсыз жытка каршылыгын билдирген жарандардын суроосуна ылайык тийиштүү ишканалар текшерүүгө алмай болду. Аны менен катар мектепте орундардын жетишсиздиги, Акмөөр жатаканасынын жашоочуларынын учурдагы абалы тууралуу да маселе көтөрүлдү.

Калаа башчы ар бир суроого тийиштүү жетекчилерден жооп алып, жарандардын кайрылуусунун жыйынтыгы болушун талап кылды.

Белгилей кетсек, өлкө башчы Садыр Жапаровдун тапшырмасына ылайык Президенттин облустардагы өкүлдөрү, Ош жана Бишкек шаарларынын мэрлери эл менен жолугушууда.

Жарыяланган категория Жаңылыктар

Подробнее ...

Вторник, 12 Апрель 2022 11:10

Ош шаарынан Нарын шаарына белек

Ош шаарынан Нарын шаарына белек катары 1000 түп можжевельниктердин жана ясен, клен бактарынын көчөттөрү жөнөтүлдү. Бул иш Ош шаарынын мэри Алмаз Мамбетов менен Нарын шаарынын мэри Канболот Тутуевдин эки калаа ортосунда достук кызматташуу жүргүзүү боюнча сүйлөшүүлөрдүн негизинде жүзөгө ашырылууда.

Ош мэриясынын кызматкерлери көчөттөрдү Нарын шаарына жеткирип беришти. Аталган калаанын башчысы А.Мамбетовго ыраазычылыгын билдирип, Ардак грамота тапшырды.

#Ош_мэрия

Жарыяланган категория Жаңылыктар

Подробнее ...