Материалы отфильтрованы по дате: Четверг, 09 Декабрь 2021

Четверг, 09 Декабрь 2021 21:14

Кичи автобустарга рейд жүргүзүлдү

Ош шаарында кичи автобустардын кечки саат 19:00дөн кийинки каттоосун көзөмөлгө алуу үчүн рейд жүрдү. Бүгүн вице-мэр Сонунбек Жунусбаев жана тийиштүү тармактардын жетекчилери биргеликте коомдук транспорттор токтоочу аялдамаларга барып, кичи автобустардын каттамын текшерүүгө алды. Анда интервалда белгиленген убакыт сакталып жатканына байкоо салынды.

Бүгүнтөн башталган рейд бир ай бою улантылат. Анда кечкисин да линияга чыгуу талабына макул болгон ЖЧКларга көзөмөл жүрөт. Кечки 21:00гө чейин айдоочуларды камсыз кыла албаган ЖЧК менен түзүлгөн келишим бузулат.

Эскерте кетсек, 1-декабрдан баштап кичи автобустарга болгон тариф көтөрүлгөн болчу. Бирок шаардыктар тарабынан кечкисин айдоочулар жүргүнчү ташыбай жатат деген нааразычылыктар айтылып келген. Шаар мэриясы бул маселени чечүү аракетин көрүүдө.

Жарыяланган категория Жаңылыктар

Подробнее ...

Четверг, 09 Декабрь 2021 11:12

Ош шаарынын футболчулары эл аралык турнирдин жеңүүчүсү болду

Ош шаарында биринчи жолу 7-9-декабрь күндөрү өткөн "Достук кубогу 2021" эл аралык турниринде Ош шаарынын футболчулары жеңүүчү болду. Өспүрүмдөр арасында уюштурулган мелдешке Кыргызстан, Казакстан жана Өзбекстандан жалпы 8 команда катышты.

Турнирдин жыйынтыгы менен жеңүүчү аталгандар:

1-орун - Ош шаарынын командасы;

2-орун - Фергана шаарынын командасы (Өзбекстан);

3-орун - Караганда шаарынын командасы (Казакстан) жана Жалал-Абад шаарынын командасы.

Жеңүүчүлөр медаль, кубок жана баалуу белектер менен сыйланышты.

Жарыяланган категория Жаңылыктар

Подробнее ...

Четверг, 09 Декабрь 2021 11:09

Журналист, адабиятчы Ризван Исмаилованын чыгармачыл кечеси болду

Бүгүн, 9-декабрда жазуучу, журналист, адабиятчы, илимпоз Ризван Исмаилованын "Үнү каткан улар" аттуу көркөм-даректүү баянынын бет ачары болуп өттү. Ага Ош шаарынын мэриясынын, улуттук жазуучулар союзунун өкүлдөрү, адабиятчылар, жазуучулар жана Р.Исмаилованын жакындары катышты.

Чыгармачыл кечеде Р.Исмаиловага Ош шаарынын мэри Алмаз Мамбетовдун куттуктоо баракчасы тапшырылды.

Ошондой эле көркөм адабияттын өнүгүүсүнө, калктын руханий дөөлөтүн арттырууга кошкон салымы жана ак ниет эмгеги үчүн 12-декабрь - Улуттук адабият күнүнө карата бир катар чыгармачыл инсандар Ош шаарынын мэриясынын Ардак грамотасы менен сыйланышты._мэрия

Жарыяланган категория Жаңылыктар

Подробнее ...

Четверг, 09 Декабрь 2021 11:08

Ош шаарында үйлөрдү мыйзамдаштыруу иштери башталды

Ош шаарынын Жапалак айылдык аймактык башкармалыгында мыйзамсыз курулган үйлөргө техникалык паспорттор даярдалып жатат. Бул багыттагы президент Садыр Жапаровдун тапшырмасын ишке ашыруу үчүн шаар мэриясы тийиштүү аракеттерин баштаган.

Аталган аймакта жалпы 146 гектар жерге өз алдынча жарандар тарабынан 800гө жакын мыйзамсыз үйлөр курулган. Учурда ар бир айылда мобилдик топтор түзүлүп, документтер даярдалууда.

Үйлөргө идентификациялык код, дарек берилип, мындан кийин тургундардын каттоого туруусуна жана турак-жайларын мыйзамдаштырууга жол ачылат.

#Ош_мэрия

Жарыяланган категория Жаңылыктар

Подробнее ...