Материалы отфильтрованы по дате: Среда, 17 Ноябрь 2021

Среда, 17 Ноябрь 2021 20:11

Оорукана курууга көмөктөшкөн компания сыйланды

Ош шаарынын вице-мэри Венера Рыскулова «ТОП Интернешнл Инжиниринг Корпорация Лимитед» компаниясынын Кыргызстандагы өкүлү Чжан Сиянь менен жолугушту. Жолугушууда вице-мэр мэр Алмаз Мамбетовдун атынан аталган компанияга ыраазычылыгын билдирди жана мэриянын Ардак грамотасын тапшырды. Ошондой эле, Саламаттык сактоо министрлигинин Оштогу координатору Кыялбек Ташполотов тарабынан Ардак грамота ыйгарылды.

Эскерте кетсек, «ТОП Интернешнл Инжиниринг Корпорация Лимитед» компаниясынын өкүлчүлүгү тарабынан Оштогу Ак-Тилек кичи шаарчасына 150 орундуу оорукана түптөлгөн болчу.

Жарыяланган категория Жаңылыктар

Подробнее ...

Среда, 17 Ноябрь 2021 20:08

Жашы жете элек балдар арасындагы кылмыштуулук маселеси талкууланды

Ош шаарынын вице-мэри Венера Рыскулова тийиштүү тармактардын жетекчилери менен биргеликте жыйын өткөрдү. Анда балдар арасындагы кылмыштуулуктун, суициддин алдын алуу, билим берүүнүн сапатын жакшыртуу, билим берүү мекемелериндеги коррупциялык көрүнүштөрдүн алдын алуу маселеси көтөрүлдү.

Ош шаардык прокуратурасынын өкүлү Өмүрбек Жужуров бул багытта аткарылып жаткан иштер тууралуу маалымат берди.

Ошону менен катар вице-мэр алдыда өтүүчү шайлоодо мыйзам бузуучулукка жол бербөөгө чакырып, муниципалдык кызматкерлердин үгүт иштерине аралашуусуна чара көрүлө турганын эскертти.

Жарыяланган категория Жаңылыктар

Подробнее ...

Среда, 17 Ноябрь 2021 20:05

Жол кыймылына убактылуу өзгөртүү киргизилет

Эртең, 18-ноябрь саат 11:00дөн баштап Ош шаарындагы Шакиров – Монуев – Алимжанов көчөлөрүнүн кесилишиндеги светофорлордун циклдары өзгөртүлөт. Буга чейин мэр Алмаз Мамбетовдун буйругуна ылайык атайын адистер тарабынан унаа кыймылы көп болгон кесилиштер такталып чыккан. Жол тыгындарынын пайда болушун жоюу максатында кесилиштердеги жол чырактардын иштөөсүнө убактылуу өзгөртүү киргизилүүдө. Бул өзгөртүү Масалиев, Ленин, Курманжан-Датка, Касымбеков көчөлөрүнө да тиешелүү.

Жарыяланган категория Жаңылыктар

Подробнее ...

Среда, 17 Ноябрь 2021 20:02

Мэр Орусиянын Оштогу башкы консулу менен жолукту

Бүгүн, 17-ноябрда Ош шаарынын мэри Алмаз Мамбетов Россия Федерациясынын Ош шаарына жаңы дайындалган башкы консулу Андрей Бибишев менен жолугушту.

Жолугушуунун алкагында тараптар биргеликте кызматташууну күчөтүү, ар түрдүү тармактардагы аракеттерди жакшыртуу багытында талкуулашты.

Ага улай шаар башчысы жаңы дайындалган консулдун ишине ийгилик каалап, башкы консул болуп дайындалышы менен куттуктады.

Жарыяланган категория Жаңылыктар

Подробнее ...

Среда, 17 Ноябрь 2021 18:46

Ош шаарынын мэриясынын басма сөз катчысы болуп Азамат Жээнбеков дайындалды

Азамат Жээнбеков Ош шаарынын мэриясынын коомчулук менен байланыш бөлүмүнүн башчысы болуп дайындалды. Тиешелүү буйрукка мэр Алмаз Мамбетов кол койду.

Бүгүн жаңы жетекчи мэриянын аппаратына тааныштырылып иш баштады. 33 жаштагы Азамат Жээнбеков эки жогорку билимдин ээси. 2011-2019-жылдары 7-каналда, 2019-2021-жылдары Жалал-Абад шаардык мэриясынын алдындагы Маалымат борборунун директору болуп иштеген.

Жарыяланган категория Жаңылыктар

Подробнее ...

Среда, 17 Ноябрь 2021 18:36

Ош шаарынын мэри Алмаз Мамбетовдун 17-ноябрь студенттердин Эл аралык күнүнө карата куттуктоосу

Урматтуу Ош шаарынын жаштары, студенттер!

Студенттик кез бул өмүрдүн жазы, иштесең ишке, ырдасаң ырга, билимге тойбогон керемет учур!

Андыктан студент - жаштар жалпыңыздарды бүгүнкү 17-ноябрь Бүткүл дүйнөлүк студенттер күнү менен Ош шаарынын мэриясынын жана өзүмдүн атымдан чын дилимден куттуктайм!

Жаштар- бул өлкө келечеги. Жаштар — коомубузду жаңылоонун, өлкөнү өнүктүрүүнүн негизги кыймылдаткычы.

Учурдун жаштары — активдүү, илим-билимге жакын, жаңылыктарды жаратууга умтулган, аракетчил муун катары жетилип келе жатат. Татыктуу билим алып, билим аркылуу өлкөнүн өнүгүүсүнө зор салым кошуу силердин эң негизги максатыңар болуусу абзел.

Ош шаарынын мэриясы жаштар, студенттер тарабынан көтөрүлгөн кандай гана демилге болбосун аны бирдиктүү иш жүзүнө ашырууга даяр! Биздин ар бир аракетибиз жаштар үчүн, келечек муун үчүн.

Баарыңыздарга бекем ден-соолук, бактылуу өмүр жана бакубат турмуш каалайм!

Жарыяланган категория Жаңылыктар

Подробнее ...