Ош шаарынын мэриясынын атайын протоколдук тапшырмасына ылайык, "Ош-Тазалык" атайын адистештирилген муниципалдык ишканасы пневмония жана COVID-19 менен ооругандар үчүн ачылган обсервациялардан жана башка саламаттыкты сактоо мекемелеринен медициналык жана башка кооптуу таштандыларды санитардык эрежелердин негизинде жок кылуу үчүн таштанды полигонунда атайын чуңкурларды

каздырып даярдады.

7-август күнү Ош шаарынын мэри Таалайбек Сарыбашов “Алтын тамга”, “Алтын сертификат” ээлерин жана олимпиаданын жеңүүчүсү болгон бүтүрүүчүлөрдү кабыл алып, сыйлык тапшырды. Мэр ийгиликке жеткен окуучуларга билим берген мугалимдерди да сыйлады.

“Өлкөбүздүн жаркын келечегин билимдүү, илимдүү, мекенчил жаштар түзөт. Ар дайым билимдүүлөр керек болот. Билимдүүлөр менен өнүккөн өлкөнү курабыз. Турмуш, билим жолуңар ийгиликтүү болсун", -деди Т.Сарыбашов.
Быйылкы жылы Республикалык олимпиада бүгүнкү кырдаалга байланыштуу онлайн аркылуу өткөрүлүп, регионалдык турда 1-орунду ээлеген 19 окуучу республикалык турдун жеңүүчүсү болуп аныкталды. Ал эми 11 жылдык билимдин жыйынтыгын сыноочу “Алтын тамга” сынагында 3 окуучу татыктуу орунга жетише алды. Ошондой эле өзгөчө Жалпы Республикалык тестирлөөдө өлкө боюнча 67 баланын арасынан 3 бүтүрүүчү жогорку балл алып “Алтын сертификатка” ээ болду. Ош шаары боюнча Республикалык олимпиададан 2-орунду 20, 3- орунду 19 окуучу камсыздады.

Бүгүн, 7-августта Ош шаарындагы Ак-Буура дарыясынын эки жээгин бекемдөө, жашылдандыруу жана көрктөндүрүү иштери официалдуу түрдө башталды.

Капсула салуу иш-чарасына Ош шаарынын мэри Таалайбек Сарыбашов, Ош шаардык кеңешинин төрагасы Жапарбек Ормонов жана шаар тургундары катышты.

Шаар мэри Т. Сарыбашов ири долбоор шаардыктар үчүн жасалып жатканына токтолуп, шаарды иретке келтирүү иштери уланаарын билдирди.

Капсула салынганга чейин мыйзамсыз курулуштар алынып, дарыянын жээгин бекемдөө иштери башталган.

“Шаардын так ортосунан өткөн дарыяны каалагандай тосуп алып, эл эс ала турган жайларды ар ким каалагандай пайдаланбашы керек. Биздин максат жеке бир адамдарга эмес, жалпы шаардыктар үчүн дарыянын жээгин көрктөндүрүп, шарт түзүп берүү. Эң биринчи максат коопсуздук үчүн дарыянын жээгин бекемдөө. Ак-Буура суктана турган жайга айланат. Бул иштерди колдоого алган өлкө башчыбызга да ыраазычылык билдирем”,-деди шаар мэри.

Ак-Буура дарыясынын жээктерин көрктөндүрүү, жашылдандыруу боюнча долбоор 2 этаптан турат. 1-этабында Вахапова көчөсүнөн Нурматов көчөсүнө чейин оңдолсо, 2-этабында Нурматов көчөсүнөн Навои көчөсүнө чейин оңдоо иштери жүрөт. Долбоордо дарыянын жээгин бекемдөө, жаш балдар ойноочу аянтчалар, эс алуучу жайлар, жөө жана велосипед менен жүрүүчү жолдор, жарыктандыруу, отургучтар, көпүрөлөр курулуп, санитардык тазалоо иштери каралган.

Мындан тышкары тазалык үчүн урналар коюлуп, велопорковкалар курулат. Дарыянын жээктерине коопсуздук үчүн тосмолор орнотулмакчы.

Шаар мэри курулуш иштерин сапаттуу жүргүзүү тапшырмасын берди.

Бүгүн, 6-августта Ош шаарынын мэри Таалайбек Сарыбашов Р. Абдыкадыров көчөсүн жашылдандыруу, көрктөндүрүү жана кеңейтүү курулуш иштеринин жүрүшү менен таанышып чыкты. Аталган көчө жергиликтүү бюджеттин эсебинен реконструкцияланууда. Жол четиндеги убактылуу пайдалануудагы жана мыйзамсыз курулуштар алынып салынган.

Шаар мэри курулуштун сапатына өзгөчө көңүл бурууга чакырды.

“Шаардын шаардай болгону жакшы. Шаарды бир четинен оңдоону максат кылганбыз. Быйыл Абдыкадыров көчөсүндө шарт түзүп, көп кабаттуу үйлөрдүн сырткы абалын да жакшыптып, сырдайбыз. Өткөн жылы Т. Кулатов кичи районунда иштер жасалган. Ар бир кичи районго шарт түзүү аракетиндебиз. Кийинки жылы Манас-Ата кичи районунда жолдор оңдолуп, аллея курулат. Мэрия тарабынан жасалган иштердин баары шаардыктарга ыңгайлуу шарт түзүү максатында гана жасалууда. ”.

Жалпы узундугу 715 метр жол оңдолуп, 1430 метр тротуар кеңейтилет. Түнкү жарыктандыруу системасы жакшыртылып, IP-камералар орнотулат. Иригациялык лотоктор жаңыланып, көчөнүн эки тарабына дарак, гүлдөр отургузулуп көрктөндүрүлөт.
Мындан тышкары отургучтар, таштанды ташчоочу урналар орнотулуп, атайын автоунаа токтотуучу жайлар да каралган.