Материалдар
  1. Skip to Menu
  2. Skip to Content
  3. Skip to Footer
Facebook
Бүгүн, 26-январда Ош шаарынын мэри Бакытбек Жетигенов Сулайман-Тоо муниципалдык аймактык башкармалыгынын жашоочулары менен жолугушту. Жыйындын жүрүшүндө МАБ жетекчиси Эмил Караев 2022-жыл ичинде аткарылган иштер боюнча маалымат берди.
Жолугушууда тургундар суроолорун берип, көйгөйлөрүн калаа башчыга жеткиришти. Айрыкча, жарандарга ыңгайсыздыктарды жаратып жаткан башаламан көмүр сатуучу пункттар боюнча кайрылышты. Бакытбек Жетигенов көчө боюндагы көмүр сатууну тартипке келтирүү боюнча тиешелүү кызматтарга тапшырма бериле турганын билдирди.
Ошондой эле квартал ичиндеги жолдорду асфальттоо, канализациялык системаларды реконструкциялоодон кийин жолдорду оңдоо, коомдук транспорттун ишин жакшыртуу, мыйзамсыз объектилерди жана гараждарды демонтаждоодон кийин таштандыларды чыгаруу боюнча маселелер көтөрүлдү.
Шаар мэри Достук кичи районунун көчөлөрүндөгү жолдорду асфальттоо иштерин бул жылдын бюджетинин долбооруна киргизүүнү тапшырды.
Мындан тышкары жер тилкеси боюнча талаш-тартыштарды чечүү, Тешик-Таш кичи базарын нормага келтирүү, ФАПтын иши, жаңы курулуштар боюнча маселелер, арыктарды орнотуу тууралуу суроолор көтөрүлдү.
Мэр тургундардын кайрылууларына ылайык, Ош шаарынын мэриясы тарабынан 1-Май көчөсүнө орнотуу үчүн керектүү электр мамылары бөлүнө турганын баса белгиледи.
Жыйындын соңунда шаардык мекеме-ишканалардын жана муниципалдык кызматтардын бир катар жетекчилерине жарандардын көйгөйлөрүн жеринде чечүү боюнча тапшырмалар берилди.
Бүгүн, 26-январда Ош шаарында 1972-жылдын жаштары азыркы замандын жаштарына кайрылуу жасаган мезгил капсуласы ачылды. Иш-чарага Ош шаарынын мэриясынын социалдык өнүгүү бөлүмүнүн башчысы Нурлан Закиров, мэриянын Жаштар иштери боюнча комитетинин кызматкерлери, 1972-жылы капсула салууга катышкандар, жаштар, шаардын активисттери катышты.
Иш-чаранын алкагында 50 жыл мурун капсула коюунун күбөсү, Ош шаарынын тургуну Ольга Корчагина 1972-жылдагы жаштардын кайрылуусун бардык катышуучуларга окуп берди.
“Коомубуздун биримдигин көздүн карегиндей ар дайым сактап, көп улуттуу өлкөбүздүн элдеринин достугун чыңдай бергиле. Ата Мекенди коргоп, элдин бактысы үчүн бүт күчүңөрдү, керек болсо өмүрүңөрдү да берүүгө дайым даяр болгула. Маданий деңгээлиңерди, дүйнө таанымыңарды тынымсыз жогорулаткыла, көз карашыңарды кеңейтип, билим алуудан талбагыла” – деп жазылган катта.
Ага улай Жаштар иштери боюнча комитеттин төрагасы Жаныш Жусупбеков Келечекке жаңы катты - 2073-жылдын жаштарына жазылган кайрылууну окуп берди. Аны да 50 жылдан кийин ачуу пландалууда.
Бүгүн, 26-январда Ош шаарынын мэри Бакытбек Жетигенов Кыргызстан элинин ассамблеясынын Оштогу бөлүмүнүн 13 улуттук маданий борборлорунун жетекчилери менен жолугушту. Жыйындын жүрүшүндө Оштогу бөлүмдүн жетекчиси Балтагул Нурумбетов филиалдын ишмердүүлүгү жана борборлорунун иштери, ошондой эле жыл сайын өткөрүлүүчү иш-чаралар тууралуу айтып берди.
Этномаданий борборлордун өкүлдөрү филиалдын имаратын оңдоп-түзөө, кичи долбоорлорго колдоо көрсөтүү, ошондой эле этномаданий борборлордун улуттук майрамдарын өткөрүүгө көмөк көрсөтүү өтүнүчтөрү менен кайрылышты.
Бакытбек Жетигенов Кыргызстан элинин ассамблеясынын Оштогу бөлүмүнүн өкүлдөрүнүн этностор арасындагы достукту, тынчтыкты жана өз ара түшүнүшүүнү чыңдоого кошкон салымын белгилеп, Ош шаарынын мэриясы тарабынан маселелерди чечүүдө колдоо көрсөтүлөөрүн баса белгиледи.
Ошондой эле мэрия менен бөлүмдүн эки тараптуу кызматташуусун өнүктүрүү боюнча пикир алмашуу жүрүп, сунуштар айтылды.
Бүгүн, 25-январда Ош шаарынын мэри Бакытбек Жетигенов “Туран” муниципалдык аймактык башкармалыгынын жашоочулары менен жолугушту.
Жыйындын алкагында МАБ жетекчиси Венера Паизова 2022-жылда түрдүү тармактарда аткарылган иштер боюнча маалымат берди.
Жолугушуунун жүрүшүндө шаардыктар тарабынан суроолор жана кайрылуулар айтылып, орун алган көйгөйлөр боюнча өз сунуштарын беришти. Тактап айтканда, жолдорду оңдоо жана сел өткөрүүчү арыктарды орнотуу, электр мамыларын орнотуу, айрым четки аймактарды таза суу менен камсыздоо, бир катар көчөлөрдү бойлото газ түтүгүн тартуу, мектептерди куруу, коомдук транспортко байланышкан суроолор берилди.
Бул МАБдын аймагындагы айрым конуштардын жашоочуларына тиешелүү документтерин алуу маселеси өзүнчө каралды. Өз кезегинде Бакытбек Жетигенов бул багытта шаар мэриясынын тиешелүү комиссиясы иш жүргүзүп жатканын билдирди.
Ошондой эле шаар мэри тургундардын көйгөйлөрүн чечүү үчүн “Туран” МАБга керектүү электр мамылары бөлүнөрүн белгиледи. Кошумчалай кетсек, жыйындын жыйынтыгы боюнча Ош шаардык жолдор башкармалыгынын келерки жылдагы титулдук тизмесине Юнусов, Ишматов, Мушкетов көчөлөрүндөгү жолдорду асфальттоо боюнча сунуш киргизилет.
Жыйындын жыйынтыгында шаардык мекеме-ишканалардын жана муниципалдык кызматтардын бир катар жетекчилерине жарандардын көйгөйлөрүн жеринде чечүү боюнча тапшырмалар берилди.
2022-жылдын ичинде стадиондун жетекчилиги тарабынан бир топ иштер аткарылып, биринчи кезекте стадиондун инфраструктурасы жакшыртылды. Тактап айтканда, иш жүзүндө пайдаланылбай, бүтүндөй кичи райондун көркүн бузуп жаткан эски аянтчанын ордуна АФКнын стандарттарына жооп берген заманбап футбол талаасы курулду. Аны менен катар эки футбол аянтчасы ачылды.
Клуб түзүлгөндөн бери биринчи жолу машыктыруучуларга жана оюнчуларга ыңгайлуу шарттарды түзүү максатында стадиондун кийим алмаштыруучу бөлмөлөрү толугу менен оңдолуп, стандартка жооп берген 6 орундуу жуунучу жай, ажаткана курулду. “Алай” футбол клубу үчүн атайын кир жуучу жай пайдаланууга берилип, ашкана да капиталдык оңдоодон өткөрүлдү. Футболчулардын ден соолугуна өз убагында кам көрүү максатында тиешелүү талаптарга жооп берген атайын медициналык кабинет оңдолуп, керектүү медициналык жабдуулар менен жабдылган.
“Алай U-14” жаш футболчулардан турган курама командасы республиканын чемпионатында 1-орунду ээлеп, 2022-жылы Кыргызстандын чемпиону аталды. Өткөн жылы стадиондо 14 жашка чейинки “Алай U-14” командасы менен Кыргыз Республикасынын (U-14) жаштар курама командасынын расмий беттешүүсү өттү. Бул иш-чара жаштарга дем берүү жана спортко болгон кызыгууну арттыруу максатында уюштурулду.
Үстүбүздөгү сезондун жыйынтыгы боюнча “Алай” футболдук клубу Кыргызстандын ТОП-ЛИГА командаларынын арасында 2-орунду ээлеп, 2023-жылы АФК Кубогуна тандоодон өткөн. Акыркы 4 жылда мындай ийгиликтер боло электиги белгиленет.
Белгилей кетсек, 2022-жылдын июнь айында Кыргызстанда биринчи жолу Ош шаарында мэрдин кубогу уюштурулуп, ага коңшу Өзбекстандын “Андижан” жана “Бунёдкор” командалары, “Кочкор-Ата шаарынын “Нефтчи” командалары катышкан.
Бул жылы да стадиондун инфраструктурасын жакшыртуу, Кыргызстандын клубдары менен да, чет элдик футбол командалары менен да беттештерди өткөрүү аркылуу оюнчулардын потенциалын жогорулатуу боюнча бир катар иш-чаралар пландаштырылган.
Бүгүн, 19-январда Ош шаарынын мэриясында кыш мезгилин өткөрүү боюнча шаардык штабдын жыйыны болуп өттү. Иш-чарага вице-мэр Сонунбек Жунусбаев, бардык муниципалдык коммуналдык кызматтардын, бир катар социалдык ишканалардын жетекчилери, МАБ башчылары катышты.
Жыйындын жүрүшүндө социалдык объектилерди (билим берүү, саламаттыкты сактоо тармагындагы мекемелер) жылуулук менен камсыздоо жана электр энергиясын белгиленген лимиттен ашыкча керектөөгө байланыштуу электр жарыгын кыска мөөнөткө өчүрүү маселелери каралды.
Биринчи маселени кароонун алкагында шаардык билим берүү башкармалыгына МАБ өкүлдөрү менен биргеликте билим берүү жана саламаттыкты сактоо мекемелериндеги бардык жылуулук системаларынын ишин текшерүү тапшырмасы берилди.
Ош шаардык РЭТтин маалыматына ылайык, график боюнча эртең менен жана кечинде 1,5 сааттан кыска мөөнөттүү өчүрүүлөр киргизилди. Буга байланыштуу тиешелүү кызматтарга өчүрүүлөрдүн бекитилген графиктерин элге жеткирүү тапшырмасы берилип, бардык мамлекеттик жана муниципалдык мекеме-уюмдарга электр энергиясын үнөмдөөчү жарык берүүчү лампаларга өтүү сунушталды.
Мындан тышкары төмөндөгүдөй тапшырмалар берилди:
- МАБдар жеке сектордо сууну максатсыз пайдаланууну болтурбоо максатында суу түтүктөрүнүн жана суу менен камсыздоо тутумдарынын абалын текшерсин;
- МАБ, казыят жана ӨКМдин Ош шаары боюнча башкармалыгы жеке сектордо мештерди колдонууда зарыл болгон коопсуздук нормаларын так сактоо боюнча калкка түшүндүрүү, маалыматтык жана профилактикалык иштерди күчөтсүн.
Ошондой эле көмүрдүн баасын негизсиз жогорулатуу маселелери каралып, анда Монополияга каршы жөнгө салуу кызматына көмүрдүн баасын атайылап көтөргөн соодагерлерди аныктоо боюнча рейд жүргүзүү тапшырмасы берилди.
Бүгүн, 20-январда Ош шаарынын вице-мэри Жасур Азимов менен Венгриянын Кыргыз Республикасындагы Атайын жана Ыйгарым укуктуу элчиси Шандор Дороги жолугушту.
Жолугушуунун жүрүшүндө тараптар эки тараптуу кызматташуунун мүмкүнчүлүктөрүн, анын ичинде боордош шаарлар менен байланыштарды өнүктүрүү багытын, билим берүү, экономика жана инвестиция тармактарын талкуулашты.
Иш-чаранын жүрүшүндө Ж.Азимов Ош жана Сегед шаарларынын ортосунда боордош шаар мамилелерин орнотууну эске алуу менен түрдүү тармактарда өз ара пайдалуу кызматташтыкты бекемдөөнү, байланыштарды өнүктүрүүнү сунуштады.
Шандор Дороги өз кезегинде келечектүү багыттарда, анын ичинде экономикалык чөйрөдө эки тараптуу кызматташтыкты кеңейтүүнүн, биргелешкен ишканаларды көбөйтүүнүн, Кыргыз-Венгер өнүктүрүү фонду аркылуу долбоорлорду колдоонун, университеттер аралык кызматташууну кеңейтүүнүн маанилүүлүгүн белгиледи.
Жолугушуунун жыйынтыгында эки тараптуу байланыштарды өнүктүрүү жана кызматташтыкты бекемдөө боюнча макулдашууга жетишилди.
Ош шаарынын мэриясы административдик кызмат орундарынын улук жана кенже топторунун кадрлар резервине киргизүү үчүн сынак жарыялайт.
1. Административдик кызмат орундарынын кенже тобу.
Кесиптик билиминин деңгээли:
- жогорку же болбосо орто кесиптик билим (багытына талап коюлбайт);
- иш стажына талаптар коюлбайт.
Кесиптик компетенттүүлүгү:
Төмөнкүлөрдү билүү:
-жалпы ченемдик укуктук актыларды (Кыргыз Республикасынын Конституциясы, Кыргыз Республикасынын “Мамлекеттик жарандык кызмат жана муниципалдык кызмат жөнүндө” Мыйзамы.
-кызматтык милдеттерин аткаруу үчүн зарыл болгон өлчөмдө мамлекеттик жана/же расмий тилди билүүсү.
2. Административдик кызмат орундарынын улук тобу.
Кесиптик билиминин деңгээли:
- жогорку билим (багытына талап коюлбайт);
- жалпысынан бир жылдан кем эмес мамлекеттик жана/же муниципалдык кызмат стажы же тийиштүү кесиптик чөйрөдөгү 3 жылдан кем эмес иш стажы.
Кесиптик компетенттүүлүгү:
Төмөнкүлөрдү билүү:
-жалпы ченемдик укуктук актыларды (Кыргыз Республикасынын Конституциясы, Кыргыз Республикасынын мыйзамдары: “Мамлекеттик жарандык кызмат жана муниципалдык кызмат жөнүндө”, “Жарандардын кайрылууларын кароо тартиби жөнүндө”, “Кыргыз Республикасынын ченемдик укуктук актылары жөнүндө”, “Коррупцияга каршы аракеттенүү жөнүндө”), Кыргыз Республикасынын Өкмөтүнүн 2020-жылдын 3-мартындагы №120 токтому менен бекитилген Кыргыз Республикасында иш кагаздарын жүргүзүү боюнча типтүү нускама.
-кызматтык милдеттерин аткаруу үчүн зарыл болгон өлчөмдө мамлекеттик жана/же расмий тилди билүүсү.
Сынакка катышуу үчүн талапкерлер төмөндөгү документтерди конкурстук комиссияга тапшырышы зарыл:
1. Конкурстук комиссиянын төрагасынын наамына талапкердин жеке арызы (муниципалдык кызмат ордунун тобун көрсөтүү менен);
2. Резюме (электрондук почтаны көрсөтүү менен)
3. Кадрларды каттоо боюнча өздүк баракчасы;
4. Паспортунун көчүрмөсү жана туулгандыгы тууралуу күбөлүгүнүн көчүрмөсү;
5. Аскердик билетинин көчүрмөсү;
6. Өмүр баян (өз колу менен жазылган, соттолгондугу жана соттолбогондугу тууралуу маалыматты көрсөтүү менен);
7. Эмгек китепчесинин (иш стажы бар болсо) жана билими тууралуу документтеринин нотариус аркылуу же акыркы иштеген жеринен күбөлөндүрүлгөн көчүрмөсү.
Сынакка катышуу үчүн жогорудагы документтерди 2023-жылдын 3-февралы саат 18:00гө чейин Ош шаарынын мэриясынын уюштуруу-кадрдык иштер жана жергиликтүү өз алдынча башкаруу бөлүмүнө тапшыруу зарыл.
• Эскертүү: биометрикалык паспорт ээлеринен Ош шаардык паспорттоштуруу жана каттоо бөлүмүнөн маалымкат талап кылыныт.
• Кыргыз Республикасынын Ички иштер органдарынан соттуулугу тууралуу маалымкат талап кылынбайт.
• Ачык конкурска андан ары катышуу үчүн талапкерлердин документтери бекитилген квалификациялык талаптарга ылайык келген талапкерлер гана чакырылат. Талапкерлердин байланыш маалыматтары жана электрондук дареги так көрсөтүлүшү керек.
Дареги: Ош шаары, Ленин көчөсү 221, кошумча маалымат алуу үчүн байланыш телефондору: (03222) 5-50-79.
Бүгүн Ош шаарынын мэриясында “Кыргыз Республикасынын мамлекеттик тили жөнүндө” Мыйзамынын жана “Кыргыз Республикасында 2021-2025-жылдары мамлекеттик тилди өнүктүрүү жана тил саясатын өркүндөтүү программасы” боюнча токтомдун аткарылышы, 2022-жылы Ош шаарынын мэриясынын алдындагы мамлекеттик тил боюнча комиссиясынын аткарган иштери жана 2023-жылга карата иш-чаралар планы тааныштырылды.
Жыйынга Ош шаарынын мэриясынын социалдык өнүгүү бөлүмүнүн башчысы Нурлан Закиров, муниципалдык жана айыл аймактык мекеме-ишканалардын тил боюнча жооптуу адистери, жогорку окуу жайлардын мамлекеттик тилди өнүктүрүү борборлорунун жетекчилери жана мамлекеттик тил комиссиясынын курамы катышты.
Жыйындын жүрүшүндө комиссиянын мүчөлөрү тарабынан сунуштар түшүп, иш планга киргизилди. Алдыда Ош шаарында мамлекеттик тилди өнүктүрүүгө өзгөчө көңүл бурулаарын билдиришти.
Иш-чаранын алкагында шаар аймагында жайгашкан ишканалар жана уюмдар менчигинин түрүнө, жеке баш ийүүсүнө карабастан мамлекеттик тил саясатынын негизинде иш алып барышы керектиги талкууланды. Жыйындын катышуучуларына кыргыз тилинин эрежелери боюнча чыгарылган календарлар таратылып берилди.

2022-жылдын жыйынтыгы боюнча Ош шаарынын спортчулары 48 КР чемпионатына, 55 эл аралык турнирге, 37 КР биринчилигине, 25 республикалык ачык чемпионатка, 22 республикалык деңгээлдеги турнирге, 7 КР кубогуна, 1 Ислам тилектештик оюндарына, 9 Дүйнө чемпионатына, 1 Көчмөндөр оюндарына, 10 Азия чемпионатына жана кубогуна катышты. Мындан сырткары спорттун түрлөрү боюнча 38 окуу-машыгуу уюштурулган.

Ош шаардык спорт жана дене тарбия комитетинин маалыматына ылайык, 2022-жылда Ош шаарынын спортчулары 141 алтын, 154 күмүш, 157 коло медалдарга ээ болушту. Бокс, самбо, футбол, оор атлетика, кикбоксинг, эркин күрөш, дзюдо, жеңил атлетика, улуттук күрөш, тогуз коргоол жана башка спорттун түрлөрү боюнча ийгиликтерге жетишилди.

Узаган жыл ичинде шаардык спорт жана дене тарбия комитети тарабынан 104 шаардык жана спорттук иш-чаралар өткөрүлдү. Алардын ичинен 4 КР чемпионаты (кыргыз күрөш, оор атлетика, алыш күрөшү, волейбол), 1 КР Дзюдо боюнча кубогу, 8 эл аралык турнир (Кикбоксинг боюнча Ош шаарынын кубогу, тогуз коргоол боюнча Ош шаарынын мэринин кубогу, бокс, грек-рим күрөшү, футбол, кикбоксинг, дзюдо боюнча эл аралык турнирлер) жана 1 жолу Алыш белбоо күрөшү боюнча Азия чемпионаты уюштурулду.

Жыл ичинде мектеп окуучуларын активдүү спортко тартууга өзгөчө көңүл бурулду. Шаардын 30 мектебинде ачык сабактарды өткөрүү практикасы киргизилип, окуучуларга республикалык жана эл аралык деңгээлде спорттун ар кандай түрлөрү боюнча ийгиликтерге жетишкен классташтары үлгү катары көрсөтүлдү. Ошондой эле мектеп окуучулары жана жаш спортчулар арасында аскердик-патриоттук тарбияны өнүктүрүү боюнча иш-чаралар өткөрүлүп, аскер бөлүктөрүнүн аскер кызматкерлери менен биргеликте жөө жүрүштөргө жана чуркоолорго катышты.

Ош шаарынын мэри Бакытбек Жетигенов

 

Кайрылуулар

Өнүгүүнүн стратегиялары жана программалары

Пред След

Муниципалдык кызматтардын базалык р…

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2018-жылдын 5-февралы...

Муниципалдык кызматтардын стандартт…

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2017-жылдын 9-февралы...

2018-2040-жылдарга Кыргыз Республик…

2018-2040-жылдарга Кыргыз Республикасын туруктуу өнүктүрүүнүн “Таза коом – Жаңы доор” стратегиясынын долбоору

2018-2040-жылдарга Кыргыз Республикасын туруктуу өнүктүрүүнү...

Өкмөттүн программасы "Жаңы доо…

Өкмөттүн программасы "Жаңы доорго - кырк кадам"

Өкмөтүнүн программасы "Жаңы доорго - кырк кадам"

« Февраль 2023 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          
FB
ОК

Фоторепортаждар

Пред След

Төрөт үйүндөгү төрөт бөлүмү оңдоодо…

Төрөт үйүндөгү төрөт бөлүмү оңдоодон өткөрүлөт

Бүгүн, 13-февралда Ош шаарынын мэри Таалайбек Сарыбашов шаар...

Оштогу автоунаа базарындагы тамакта…

Оштогу автоунаа базарындагы тамактануучу жайлар иретке келтирилип, автоматтык тосмо орнотулат

Бүгүн, 13-февралда Ош шаарынын мэри Таалайбек Сарыбашов муни...

Автотыгында азайтуу максатында “Бар…

Автотыгында азайтуу максатында “Барсбек каган” айланпасы эки тарабынан кеңейтилет

Ош шаарындагы Барсбек кагандын эстелиги орнотулган айланпа к...

Видеорепортаждар

Пред След

Мэр менен төрага курулуш компанияла…

Мэр менен төрага курулуш компанияларынын жетекчилери менен жолугушту

Бүгүн, 18-октябрда Ош шаарынын мэриясында Баткен облусунда б...

Ош шаарынын кооздугун даңазалаганда…

Ош шаарынын кооздугун даңазалагандар сыйланды

      Бүгүн, 18-октябрда Ош шаарынын мэри Алмаз Мамбетов ...

Ош: Жаңы автобустар тапшырылды

Ош: Жаңы автобустар тапшырылды

Бүгүн, 18-октябрда Ош шаарынын борбордук аянтында жаңы сатып...

ОШ ШААРЫНЫН БРЕНДИНЕ ДОБУШ БЕРИНИЗ!

ОШ ШААРЫНЫН БРЕНДИНЕ ДОБУШ БЕРИНИЗ!

Учурда Ош шаарынын туристтик бренди туризм тармагындагы абро...

Оштогу ооруканаларга коргонуучу кар…

Оштогу ооруканаларга коргонуучу каражаттар берилди

Ош шаарынын мэриясында шаардагы ооруканалардын жетекчилерине...

Ошто 10 жарым миңден ашуун үй-бүлөг…

Ошто 10 жарым миңден ашуун үй-бүлөгө азык-түлүк таратылды

Ошто 10 жарым миңден ашуун үй-бүлөгө азык-түлүк таратылды

Ошто 1000 үй-бүлөгө азык-түлүк тара…

Ошто 1000 үй-бүлөгө азык-түлүк таратылууда

Бүгүн, 10-апрелде Ош шаарындагы муктаж болгон 1000 (миң) үй-...

"Ош-Тазалык"тын кызматкер…

"Ош-Тазалык"тын кызматкерлеринин карантин учурундагы иш күнү

"Ош-Тазалык"тын кызматкерлеринин карантин учурундагы иш күнү...

Сүйүктүү Ош шаарыбыз - Любимый горо…

Сүйүктүү Ош шаарыбыз - Любимый город ОШ

Сүйүктүү Ош шаарыбыз - Любимый город ОШ

Ошто эл аралык жаштар форуму болуп …

Ошто эл аралык жаштар форуму болуп өттү

Бүгүн, 30-июль күнү Ош шаарында «Ала-Тоодон Кара-Деңизге чей...

Сурамжылоо

Сиз жашаган аймактан таштанды өз убагында алынабы?

Ооба - 53.8%
Жок - 23.1%
Ар кандай - 23.1%

Добуштардын саны:: 26
window.addEvent('domready', function() { $$('.hasTip').each(function(el) { var title = el.get('title'); if (title) { var parts = title.split('::', 2); el.store('tip:title', parts[0]); el.store('tip:text', parts[1]); } }); var JTooltips = new Tips($$('.hasTip'), { fixed: false}); });