Бүгүн, 9-майда Улуу Жеңиштин 74 жылдык майрамы Ош шаарынын борбордук аянтында жогорку деңгээлде белгиленди. Майрамдык салтанатка вице-премьер министр Замирбек Аскаров, шаар мэри Таалайбек Сарыбашов жетектеген жергиликтүү бийликтин өкүлдөрү, Өкмөттүн Ош облусундагы ыйгарым укуктуу өкүлү Узарбек Жылкыбаев, ЖКнын депутаты Айнуру Алтыбаева, шаардык кеңештин төрагасы Жапарбек Ормонов, Улуу Ата Мекендик Согуштун ардагерлери, дипломатиялык корпустардын өкүлдөрү, күч түзүмдөрдүн кызматкерлери жана шаар тургундары катышты.

Алгач, согуштун ардагерлери жана жетекчилер "Өчпөс от" мемориалдык комплексине гүл чамбарларды коюшуп, Улуу Ата Мекендик согушта курман болгондорду эскеришти.
Андан соң, Курманжан Датка көчөсү менен шаардык мэриянын эски имаратынан бобордук аянтка чейин “ Өлбөс- өчпөс полк” акциясы өттү. 
Шаар мэри Улуу Жеңишти алып келген ардагерлерге таазим этүү менен катышуучуларды майрамы менен куттуктады. 
“Улуу Жеңиштин Туусу орногондон бери 74 жыл өтсө да ошол кандуу жылдардын каргашасы, азабы менен тозогу, кайгысы менен муңу, кырчын кезинде кыйылган өмүрлөрдүн элеси, орду толгус жоготуулар, көз жаш менен кубанычы бүгүн да көз алдыбыздан кетпей, биз менен кошо жашап келет. Согуш алааматы канчалык оор, канчалык кайгылуу болбосун 74 жылдан бери жергебизде желбиреп турган Жеңиштин Туусу бизди ар убак сыймыкка бөлөп, келечекке үмүттүү кароого шыктандырып тургандыгы талашсыз чындык. Улуу Жеңиш майрамын белгилеп жатып, Ош шаарынан Улуу Ата Мекендик согушка аттанган 14 621 мекендешибиздин, анын ичинен баатырларча курман болгон 3 627 жердешибиздин ысымдары, алардын эрдиги менен сыймыктанбай кое албайбыз. Жеңиш майрамын быйыл Ош шаарында биз менен бирге согуштун 7 баатыры, ооруктун 19 каарманы чогуу белгилеп жатышат. Улуу Ата Мекендик согуштун жана ооруктун ардагерлери баатырларыбыздын өлбөс-өчпөс эрдигин унуттурбай, жаштарды эрдикке шыктандырып, мекенчилдик сезимдерин ойготуп келишүүдө. Ал эми биздин ыйык милдетибиз – ардактуу ардагерлерибизди урмат-сыйга бөлөп, ар-тараптан камкордук көрүү”,-деди Т.Сарыбашов. 
Ошондой эле, вице-премьер министр Замирбек Аскаров катышуучуларды Улуу Жеңиш майрамы менен куттуктап, сөз сүйлөдү. 
“ Биз, УлууАта Мекендик согуштун баатырларынын урпактары, улуу көчтүн жолун ишенимдүү улантып, өлкөбүздүн келечеги, элибиздин бакубат турмушу үчүн талыкпай эмгектенүү менен заманыбыздын татыктуу уул-кыздарынан болууга милдеттүүбүз. Улуу Жеңишти алып келген эр жүрөк мекендештерибиздин баатырдыгы, алардын ташка баткан элестери, Ооруктун каармандарынын кайратман эмгеги турмушубуздун уңгулуу сабагы катары түбөлүккө жашай берет. Алардын баскан жолу, түбөлүктүүлүктүн үрөнүн сепкен өрнөктүү өмүрү эч качан унутулбайт. Улуу Ата Мекендик согушта баатырларча курман болгондорго, ооруктун каармандарына жана ардагерлерине түбөлүк таазим жана даңк!”,-деди З.Аскаров. 
Борбордук аянттагы майрамдык иш-чаранын жүрүшүндө согуш ардагерлерине сый урмат көрсөтүлүп, шаардык маданият башкармалыгынын кызматкерлери, С.Ибраимов, Бабур атындагы драма жана куурчак театрларынын Р.Абдыкадыров атындагы филармониянын, "Келечек" балдар борборунун, жогорку жана орто окуу жайлардын өздүк көркөм чыгармачылык жааматтары тарабынан театрлаштырылган концерттик программа тартууланды.
Ошондой эле,Т.Сатылганов эс алуу багындагы “Этно” кафеде ардагерлер үчүн “Аскер тамагы” , сый тамак тартууланып, концерттик программа менен коштолду. 
Жалпы майрамдык иш-чарага 15 миңден ашуун адам күбө болду. 
Айта кетсек, Улуу Ата Мекендик согушка Ош шаарынан 14 621 адам чакырылган. Алардын ичинен 3 627 адам курман болгон. Бүгүнкү күндө согуштан аман кайткан Улуу Ата Мекендик согуштун 7 катышуучусу, 19 ооруктун каармандары Жеңиштин 74 жылдыгын майрамдап жатышат.

Саат 09:00. “Өчпөс от” мемориалдык комплексине гүл чамбарларды коюу аземи,
Саат 10:00. “Өлбөс - өчпөс полктун” “Келечек” балдар чыгармачыл борборунан Курманжан Датка көчөсү менен борбордук аянтка карай жүрүшү,
Саат 10:25. Борбордук аянтта театрлаштырылган маданий- массалык программа, 
Саат 12:30. “Т.Сатылганов” эс алуу багындагы “Этно” кафесинде ардагерлер үчүн “Аскер тамагы” (солдатская каша) берилет.

Бүгүн, 8-майда Ош шаарынын мэри Таалайбек Сарыбашов Кореянын Кыргызстандагы толук ыйгарымдуу элчиси Ха Тэек менен жолугушту.

Жолугушууда билим берүү, айыл чарба, туризм багытында эки тараптуу кызматташуу боюнча сөз болду.
Калаа башчысы Кореядагы шаарлар менен Ош шаарын тыгыз кызматташтыруу маселесин да айтып өттү.
Элчи Ха Тэек мырза жаңы долбоор менен кызматташуу болоорун билдирди. 

Ош шаарынын Ленин жана Курманжан датка көчөлөрүн бириктирген Мамажан көчөсү толук оңдоп-түздөөдөн өтүп, пайдаланууга берилди.

Бүгүн, 8-майда Ош шаарынын мэри Таалайбек Сарыбашов бүткөрүлгөн курулуш иштеринин сапатын текшерип, жолдорго жаңы асфальт төшөө иштери уланаарын билдирди.
Аталган көчө шаардын Шейит-Төбө аймагында жайгашып, жол каралбай калган. Мыйзамсыз курулуштар алынып, жол четине арыктар (лоток) коюлуп, жөө адамдар басуучу жол (тротуар) да курулду. Жолдун бир тарабына курулган тротуардын узундугу 260 метр, туурасы 2,25 метрди түзөт. Ал эми асфальтталган жолдун узундугу 260 метр, туурасы 7 метр. Курулуш иштери жергиликтүү бюджеттен каржыланды.

Ош шаарынын мэри Таалайбек Сарыбашов Улуу Ата Мекендик согуштун 95 жаштагы ардагери Жолдошбай Адаев менен 94 жаштагы Салахидин Токтобаевдин үйлөрүнө барып, Улуу Жеңиштин 74 жылдыгы менен куттуктады. 

Ардагерлерден кабар алган калаа башчысы ар бир ардагерге 10 миң сомдон акчалай сыйлыктарын жана майрамдык белектерин тапшырды. “Сиздер Улуу Ата Мекендик согуштун жана ооруктун ардагерлери баатырларыбыздын өлбөс-өчпөс эрдигин унуттурбай, жаштарды эрдикке шыктандырып, мекенчилдик сезимдерин ойготуп келесиздер. Ал эми биздин ыйык милдетибиз –ардагерлерибизди урмат-сыйга бөлөп, ар-тараптан камкордук көрүү. Ар-бириңиздерге бекем ден-соолук, бакубат жашоо, аманчылык каалайм! Кан-жаныңарды аябай, сактап калган тынчтык үчүн, Улуу Жеңиш үчүн сиздерге баш ийип, таазим кылабыз!”,-деди Т.Сарыбашов. 
Өз кезегинде ардагер шаар жетекчисине аларга көрсөтүлгөн камкордуктар үчүн ыраазычылыгын билдирип,өлкөдө түбөлүк тынчтык жана бейпилдик болушун каалашты. 
Айта кетсек, быйыл Улуу Жеңиштин 74 жылдыгына карата Ош шаарынын жергиликтүү бюджетинен согуштун ардагерлерине 10 миң сомдон, ооруктун каармандарына 5 миң сомдон бөлүнгөн. Учурда Ош шаарында жалпысынан 7 согуштун ардагери, 19 ооруктун каарманы жашайт. 

 Урматтуу Ош шаарынын тургундары!

4-май күнү шаардын аймагын жакшыртуу, санитардык тазалыгын сактоо жана көрктөндүрүү максатында массалык ишембилик өтөт.
Ага мамлекеттик жана муниципалдык кызматкерлер, шаар тургундары, жаштар, студенттер катышат.

Ош шаарындагы Токтогул Сатылганов атындагы эс алуу багын реконструкциялоо иштери уланууда.

Эс алуу багына таш таман (бурсчатка) басуу иштери 90 %га аткарылды. Паркка кирүүчү жолдогу тепкичтер толугу жаңыланып, мүмкүнчүлүгү чектелген жарандан үчүн пандустар курулган. Эс алуу багына кыргыз аялдын кымыз кармап турган айкели тургузулуп, айкелдин айланасына оргума (фонтан) курулууда.

Улуу Жибек Жолундагы Кыргыз Көчүнүн элесин чагылдырган түстүү таштардан мозаика басуу иштери да жүрүүдө. Мындан тышкары түнкү жарыктандыруу иштери жүрүп, видео байкоо коюлган. Жүрүп жаткан иштер жергиликтүү бюджеттин эсебинен аткарылууда.

Ал эми шаардагы “Дархан” компаниясы тарабынан эс алуу багына 25 отургуч орнотулуп берилди. Быйылкы жылы эс алуу багын толугу менен реконструкциялоо иштери аяктайт. Шаар мэри Таалайбек Сарыбашов курулуш иштери сапаттуу жүрүшү керектигин айтып, шаардыктар үчүн өзгөчө парк болоорун билдирди.

“Курулуштун сапатына көңүл бургула. Эски парктардай окшош дизайнда жасабаш керек. Өзгөчө кооз инсталляцияларды, өзгөчө жана сапаттуу отургучтар орнотулат. Максат тез бүтүрүү эмес, сапаттуу бүтүрүү. Токтогул паркы өзгөчө эс алуучу жайга айланат”,-деди мэр.

Т.Сатылганов атындагы парк 1919-жылы негизделип, аймагы 9 гектарды түзөт. 


Сүрөттөр:

https://drive.google.com/open?id=1lKbB6J9s44qMZRzwuW19EOA5gfRrjpmx

Бүгүн, 20-апрелде «Ош-Түрк дүйнөсүнүн маданий борбору» эл аралык маданий иш-чаралары Ош шаарынын мэринин атынан даярдалган сүмөлөктү ачуу шааниси менен башталды. Анда сүмөлөктү ачуу алдындагы көрүнүштөр, айтылчу каалоо-тилектер келген конокторго маалымат иретинде айтылды. Ага Ош шаарынын биринчи вице-мэри Саибжан Турдуев, ТҮРКСОЙ эл аралык уюмунун Башкы катчысы Дюсен Касеинов баштаган расмий коноктор, Маданият, маалымат жана туризм министри Азамат Жаманкулов жана түрк тилдүү өлкөлөрдөн келген маданият министрлеринин орун басарлары, элчилер катышты.

Кийинки иш-чаралар Ош шаарынын борбордук аянтында уланат.


Сүрөттөр:
https://drive.google.com/open?id=1dDTxEU6daVN7mKrJy24fjvR5uQddF69M

Бүгүн, 20-апрелде «Ош-Түрк дүйнөсүнүн маданий борбору» эл аралык маданий иш-чаралары Ош шаарынын мэринин атынан даярдалган сүмөлөктү ачуу шааниси менен башталды. Анда сүмөлөктү ачуу алдындагы көрүнүштөр, айтылчу каалоо-тилектер келген конокторго маалымат иретинде айтылды. Ага Ош шаарынын биринчи вице-мэри Саибжан Турдуев, ТҮРКСОЙ эл аралык уюмунун Башкы катчысы Дюсен Касеинов баштаган расмий коноктор, Маданият, маалымат жана туризм министри Азамат Жаманкулов жана түрк тилдүү өлкөлөрдөн келген маданият министрлеринин орун басарлары, элчилер катышты.

Кийинки иш-чаралар Ош шаарынын борбордук аянтында уланат.

Кечээ, 15-апрелден тарта “Ош шаары – Түрк дүйнөсүнүн маданий борбору” аттуу Эл аралык салтанатына чет өлкөлүк катышуучулар келип баштады.

Аларды Ош Эл аралык аэропортунан мэриянын өкүлдөрү салтанаттуу тосуп алышты. Алгач эле Турция, Казахстан, Македония, Сербия мамлекеттеринен жана Бишкек шаарынан 100гө жакын чыгармачыл топтор, музыканттар жана ырчылар келишти. Айта кетсек, 20-апрелге чейин Турция, Казахстан, Македония, Сербия, Азербайжан, Өзбекстан, Башкыртстан, Тыва Республикасынан 500 гө жакын чыгармачыл топтор жана расмий коноктордун келиши күтүлүүдө.

Эске салсак, 20-апрелде “Ош шаары – Түрк дүйнөсүнүн маданий борбору” Эл аралык салтанатынын алкагында «Түрк дүйнөсүнүн этно маданият фестивалы» өтөт. Анда «Элдик каада- салттар», «Этно музыка», «Этно мода», «Кол өнөрчүлөр», «Улуттук тамак- аштар» көргөзмөсү уюштурулат. Мындан сырткары, “Түрк элдеринин маданияты Сулайман-Тоодо” эл аралык маданий программасы, Түрк элдеринин “Сулайман-Тоо ынтымак жүрүшү” жана борбордук стадиондо “Ош шаары – Түрк дүйнөсүнүн маданий борбору” эл аралык долбоорунун расмий салтанаттуу ачылыш аземи болот.