Бүгүн, 20-майда Ош шаарындагы көп балалуу энелер "Баатыр эне"ордени жана "Эне даңкы" медалы менен сыйланышты.

Бүгүн, 15-майда Ош шаарында уруксат берилген тармактарда санитардык-гигиеналык нормалардын сакталышын көзөмөлдөө боюнча рейд өтүп, шаар мэри Таалайбек Сарыбашов өзү текшерип чыкты. Калаа башчысы алгач шаардык салык кызматынын иши менен таанышып, салык кызматына келген жарандар менен пикир алышты. Андан кийин карантиндик-санитардык постторго, жүргүнчүлөргө түшүндүрүү иштерин жүргүздү. Мэр автоунаа тетиктерин саткан базар, азык-түлүк жана курулуш материалдарын саткан базарларга да барып, санитардык абалдарды так сактоого чакырды. Рейддин жыйынтыгында күтүүсүз көп кабаттуу үйдүн курулуш иштери менен таанышып, санитардык жана курулуш нормаларын сактабаган эки курулуш компаниянын иши убактылуу токтотулду. Көп кабаттуу үйдү куруп жаткан жумушчулардын айрымдары бет капсыз иштеп, курулуш нормалары да сакталган эмес.

“Рейд өткөрүүдөн максат санитардык талаптарды аткарууга чакыруу. Коронавирус илдети Ош шаарында да көбөйүп жатат. Жугуштуу ооруну жайылтпоо үчүн санитардык нормаларды так сакташыбыз керек. Ош шаарында карантин жарыяланган. Башка райондордон себепсиз Ош шаарына келбеш керек. Биз ар бир тармакты көзөмөлдөп турабыз. Талаптарды аткарбагандарга мыйзам чегинде чара көрүлөт”,-деди шаар мэри. Ош шаарында 11-майдан тарта өзгөчө абал алынып, карантин жарыяланган. 1-майда жана 11-майда бир канча тармакка ишин улантууга уруксат берилген. Шаар аймагында 8 карантиндик-санитардык постор, шаар ичинде көчүп иштөөчү жыйырмадан ашык посттор ишин жүргүзүүдө. 

Ош шаарында аялдамаларды оңдоп-түзөө иштери башталды. Бул иш аракеттер шаар башчысынын тапшырмасынын негизинде уланып, бир айдын ичинде 100дөн ашуун аялдамаларга реконструкция жүргүзүлөт.

Белгилей кетсек, планга коюлган иштердин алкагында –аялдамалардагы жарыктандыруу системасы жаңыланып, жарнак жармаштырылып жарактан чыккан стенддердин айнектери алмаштырылат. Коомдук транспорттор токтоочу жайлардын айланасы ирээтке келтирилип, отургучтар, жарнама илинүүчү жайлар сырдалат. 

Бүгүн, 12-майда Ош шаарынын Жарандык коргонуу штабынын жыйыны болуп өттү. Жыйынга жарандык коргонуу штабынын башчысы, биринчи вице-мэр Саибжан Турдуев жана штабдын мүчөлөрү катышты.

Бүгүн, 9-майда Улуу Ата Мекендик согуштагы Жеңиштин 75 жылдыгына карата эскерүү иш-чарасы өттү. “Өчпөс от” мемориалдык комплексинде өткөн гүл коюу аземине Ош шаарынын мэри Таалайбек Сарыбашов, Өкмөттүн Ош облусундагы ыйгарым укуктуу өкүлү Узарбек Жылкыбаев, шаардык кеңештин төрагасы Жапарбек Ормонов, РФнын Ош шаарындагы башкы консулу Р.В Свистин, тиешелүү кызматтардын башчылары, Ош облустук жана шаардык милициянын башчылары катышты.

Бүгүн, 8-майда Ош шаарынын мэри Таалайбек Сарыбашов Улуу Ата Мекендик согуштун ардагерлери Касымбай Жолдошов менен Салахидин Токтобаевден кабар алып, өлкө башчысынын куттуктоосун жеткирди. Ардагерлерге КРнын президентинин мааракелик медалдары жана шаардык мэрия тарабынан 6 согуштун ардагерине 30 миң сомдон тапшырылды.

“ Ош шаарында 6 согуштун, тылдын 15 ардагери бар. Ардагерлерибизге мамлекет тарабынан жардамдар көрсөтүлүп, кабар алып турабыз. Улуу Жеңиштин 75 жылдыгын чоң салтанат менен өзгөчө майрамдоо пландалган болчу. Карантинге байланыштуу салтанаттар өтпөй турган болгон. 6 согуштун ардагери болгон аталарыбызга президентибиз тарабынан ар бирине 75 миң сомдон берилген. 15 тылдын ардагерине 15 миң сомдон берилди. Бүгүн да ардагер аталарыбыздан кабар алып, президентибиздин жеке куттуктоосун жеткирип, мааракелик медалдарды тактык. Мэрия тарабынан да 6 согуштун ардагерине 30 миң сомдон, тылдын 15 ардагерине 15 миң сомдон тапшырдык. Бир гана майрамдарда гана эмес, башка убакта да кабар алып турабыз. 

Мамлекет тарабынан көңүл бурулуп, ай cайын согуштун ардагерлерине 17 миң сомдон жөлөк пул, ооруктун 4 мүмкүнчүлүгү чектелген катышуучусуна 2 миң сомдон жана 11 тылда эмгектенген ардагерлерге 1000 сомдон берилип турат. Мындан тышкары да ар кандай жеңилдиктер да бар”,-деп билдирди Ош шаарынын мэри Т. Сарыбашов.

Бүгүн, 4-майда Ош шаарынын мэри Таалайбек Сарыбашов салык кызматынын жетекчилери менен жолугушуп, маалыматтарын укту.

Жыйынга мамлекеттик салык кызматынын Ош шаары боюнча башкармалыгынын башчысы Р. Аданов, орун басарлары, мамлекеттик салык кызматынын Түштүк аймактар боюнча ири салык төлөөчүлөрдү көзөмөлдөө башкармалыгынын башчысы О. Торобаев катышты. Мэр салык чогултууда мыйзамдуу иш алып баруу, көмүскө экономика менен күрөшүүнү күчөтүү тапшырмасын берди.

Маалымат болгондой, өзгөчө кырдаал жана өзгөчө абалга байланыштуу киргизилген чектөөлөрдөн шаардын жергиликтүү бюджетине апрель айында 37,7 млн. сом жыйналып, аткарылышы 37,0 пайызды түзүп (план 102,2 млн. сом), жергиликтүү бюджетке 64,5 млн. сом түшкөн эмес.

Бүгүн, 2-майда Ош шаарындагы 5 миң үй-бүлөгө азык-түлүк баштыкчалары таратылды. Ош шаарынын мэринин тапшырмасы менен азык-түлүктү бөлүштүрүү жана жеткирүү иштерин вице-мэрлер көзөмөлдөөдө.

Жардамдар аз камсыз болгондорго, мүмкүнчүлүгү чектелген жарандарга жана кырдаалга жараша муктаждыгы жаралган үй-бүлөлөргө тизме боюнча жеткирилүүдө.

Бүгүн, 30-апрелде Ош шаарында 5 миң үй-бүлөгө гуманитардык жардам таратылууда. Жардам тизме боюнча аз камсыз болгон үй-бүлөлөргө, мүмкүнчүлүгү чектелген жарандарга жана кырдаалга байланыштуу муктаждыгы бар үй-бүлөлөргө жеткирилүүдө.

Азык-түлүк мамлекеттик бюджеттик резервинен Ош шаарына бөлүнгөн каражатка алынып, атайын комиссия көзөмөл кылууда. Комиссиянын курамында укук коргоо органдары, соцкызматкерлер, коомдук уюмдардын өкүлдөрү жана мэриянын кызматкерлери бар.

Ош шаарында жалпы 42 миңден ашуун үй-бүлөгө азык-түлүктөн жардам көрсөтүлдү.

Ош шаарынын мэриясынын (03222) 5-53-84 жана 166 кыска номурлуу ишеним телефондору 24 саат иштейт.

Мындан тышкары кайрылуулар Ош шаарынын мэриясынын Фейсбук жана интаграмдагы расмий баракчалары жана
map.oshcity.kg (Онлайн карта города Ош) сайты аркылуу да кабыл алынууда. Фейсбукта “Мэрия города Ош - официальная страница”, инстаграмда osh.meriya баракчаларына билдирүү калтырсаңыз болот.