Материалы отфильтрованы по дате: Четверг, 21 Апрель 2022

Четверг, 21 Апрель 2022 14:34

Ош шаарында мал союучу касапканалардын абалын текшерүү максатында рейд өткөрүлдү

Бүгүн, 21-апрелде Ош шаарында мал союучу цехтердин абалына рейддик текшерүү жүргүзүлдү. Рейдге шаардын вице-мэри Венера Рыскулова баштаган санитардык кызматтардын, ветеринардык көзөмөлдүн, “Ошшаарсууканал”, “Ош-Тазалык” ишканасынын, өрткө каршы жана экологиялык кызматтардын, архитектуранын жетекчилери жана адистери катышты.

Рейддин жүрүшүндө мал союучу жайлардын ветеринардык-санитардык абалына, тиешелүү техникалар менен камсыз болушуна, малды алдын ала текшерүүдөн өткөрүүгө тийиш болгон жайларды уюштурууга да көңүл бурулду.

Айрым мал союучу цехтерде бир катар тартип бузуулар аныкталды. Тиешелүү кызматтардын адистерине рейддин жыйынтыгы боюнча корутунду түзүү, ага ылайык мыйзам бузууларга чара көрүү тапшырмасы берилди.

Рейддин негизги максаты мал союучу жайлардын ишин талапка ылайык келтирүү болуп саналат.

Жарыяланган категория Жаңылыктар

Подробнее ...

Четверг, 21 Апрель 2022 12:30

Ош шаарында өспүрүмдөр арасындагы кылмыштуулуктун алдын алууга багытталган рейддик иш-чаралар башталды

Ош шаарында 20-апрелден тарта жашы жете элек өспүрүмдөр арасындагы укук бузуулардын алдын алууга багытталган рейддер башталды. Ал үчүн Ош шаардык ички иштер башкармалыгынын жашы жете электер менен иштөө инспекциясынын кызматкерлеринен, билим берүү, саламаттыкты сактоо, социалдык коргоо башкармалыгынынан, муниципалдык аймактык башкармалыктардын адистеринен топ түзүлдү.

Рейддин жүрүшүндө кечкисин шаардын кесилишинде, көчөлөрдүн жээгинде жана коомдук тамактануу жайларында “Жарамазан” айтып жүргөн өспүрүмдөр менен балдарга да өзгөчө көңүл бурулду.

Рейддик иш-чаранын натыйжасында 25ке жакын бала Ош облусунун ички иштер башкармалыгынын укук бузуулардын алдын алуу борборуна жеткирилип, мындан тышкары 19 өспүрүмгө тиешелүү протоколдор түзүлдү.

Жарыяланган категория Жаңылыктар

Подробнее ...

Четверг, 21 Апрель 2022 11:28

Урматтуу Ош шаарынын тургундары жана коноктору!

Сиздерди Ош шаарынын мэриясы, Ош шаардык эмгек, социалдык камсыздоо жана миграция башкармалыгы жана “Аракетчил” жөндөмдүүлүк долбоору менен биргеликте “Жаш аракетчил” аталышындагы бош жумуш орундарынын жарманкесине чакырат.

Жарманкеде иш берүүчүлөр учурдагы бүтүрүүчүлөр, жумушсуз жаштар үчүн бош жумуш орундарын, стажировка, ыктыярчылык жана карьералык мүмкүнчүлүктөрдү тартуулашат. Ошондой эле, окуу жайлардын жарманкеси өткөрүлөт жана каалоочулар үчүн кесиптик багыт боюнча адистердин кенеши берилет.

Катышуучулар ишканалардын өкүлдөрү менен түз байланышып, өздөрүнүн кызыктырган суроолорун бере алышат жана алар өндүргөн продукциялар менен кенен таанышууга мүмкүнчүлүк алышат.

*Жарманке 29-апрель күнү саат 09:00 дө Токтогул Сатылганов атындагы сейил багында башталат.*

*Байланыш үчүн тел:*

0558080557

0778995997

0773045243

Жарыяланган категория Жаңылыктар

Подробнее ...