Материалы отфильтрованы по дате: Вторник, 06 Декабрь 2022

Вторник, 06 Декабрь 2022 20:09

Мэрияда саламаттыкты сактоо маселелери боюнча кеңейтилген ыкчам кеңешме өттү

Иш-чарага Ош шаарынын вице-мэри Венера Рыскулова, мэриянын өкүлдөрү, саламаттыкты сактоо мекемелеринин, адистештирилген мамлекеттик жана шаардык ишканалардын жетекчилери катышты.

Күн тартибинде саламаттыкты сактоо мекемелеринин 9 айлык ишинин жыйынтыгы боюнча маселелер, анын ичинде жетишкендиктер жана көңүл бурууну күчөтүүнү талап кылган кемчиликтер каралды.

Көрсөтүлүп жаткан медициналык кызматты жакшыртуу максатында Кыргыз Республикасынын Саламаттык сактоо министрлигине Ош облусунун жана Ош шаарынын саламаттыкты сактоо тутумунун координаторунун ыйгарым укуктарын бөлүштүрүү жөнүндө сунуш маселеси каралды.

Жыйынтыгында саламаттыкты сактоо тармагын өнүктүрүү боюнча мамлекеттик программаларды ишке ашырууда медициналык мекемелердин өз ара жетишсиз аракети үчүн бул тармактын бир катар жетекчилерине эскертүүлөр берилди.

Мындан тышкары, планга жооп бербеген иштин жыйынтыгы боюнча бир катар ҮДТ бөлүмдөрүнүн жетекчилерине да эскертүүлөр берилди.

Ошондой эле бардык саламаттыкты сактоо мекемелерине “Инфоком” мамлекеттик ишканасынын электрондук документ жүгүртүү системасына туташтыруу боюнча ыкчам тапшырма коюлду.

Ага улай саламаттык сактоо мекемелерине мамлекеттик кепилдиктер программасына ылайык иштерди жүргүзүү тапшырылды (камсыздандырылган жарандар менен).

Жарыяланган категория Жаңылыктар

Подробнее ...

Вторник, 06 Декабрь 2022 16:07

Ош шаарында мектеп окуучуларынын арасында өткөн “Ак шумкар” аскердик-патриоттук мелдеш жыйынтыкталды

Ош шаарында жаш муундарга аскердик-патриоттук тарбия берүү боюнча уюштурулган “Ак шумкар” аталышындагы сынак жыйынтыкталды.

Иш-чаранын жыйынтыктоочу бөлүгүнүн ачылыш аземине Ош шаарынын вице-мэри Венера Рыскулова, шаардык кеңештин депутаты Болот Баетов, шаардык ички иштер башкармалыгынын баңги затына каршы күрөшүү бөлүмүнүн, шаардык билим берүү башкармалыгынын, шаардык аскер комиссариатынын, Ош гарнизонунун өкүлдөрү, аксакалдар катышты.

Ош шаардык Жаштар иштери боюнча комитети менен мэриянын Дене тарбия жана спорт комитети биргеликте уюштурган иш-чараларга шаардагы мектептердин жогорку класстарынын окуучулары катышты.

Жигиттер аскердик күжүрмөн даярдык, автоматтарды чачуу жана жыйноо, спорттук оюндар, кичи калибрлүү мылтыктардан атуу боюнча күч сынашты.

Мелдеш бир ай аралыгында шаардын бардык мектептеринде өткөрүлүп, финалдык бөлүгүнө 8 команда тандалып алынган.

Жыйынтыгы боюнча төмөнкү мектептер жеңүүчү деп табылды:

1-орун - №32 Ж.Мамытов атындагы мектеп

2-орун - №3 М.Ломоносов атындагы мектептин командасы

3-орун - №50 П.Нышанов атындагы мектептин командасы

3-орун - №16 мектептин командасы

Сынактын жеңүүчүлөрү Ош шаардык мэриясынын Ардак грамоталары жана баалуу белектери менен сыйланышты.

Жарыяланган категория Жаңылыктар

Подробнее ...

Вторник, 06 Декабрь 2022 13:04

Ош шаарынын мэри жеке маселелер боюнча жарандарды кабыл алды

Бүгүн, 6-декабрда Ош шаарынын мэриясында жеке маселелер боюнча жарандарды кабыл алуу болуп өттү. Калаа тургундарын Ош шаарынын мэри Бакытбек Жетигенов шаардын вице-мэрлери, мэриянын аппарат жетекчиси, бөлүм башчылары жана шаардык, муниципалдык мекеме-ишканалардын, МАБдардын жетекчилери менен бирге кабыл алды.

Жарандар муктаж болгондорго материалдык жардам көрсөтүү, жер тилкелери боюнча талаш-тартыштарды чечүү, айрым долбоорлорго уруксат алуу, ипотекалык программага катышуу, документ маселелери менен кайрылышты.

Ар бир кайрылууга толук жооптор берилди. Бир катар маселелер боюнча тиешелүү кызматтардын жана бөлүмдөрдүн жетекчилерине тапшырмалар коюлду.

Жарыяланган категория Жаңылыктар

Подробнее ...