Материалы отфильтрованы по дате: Среда, 21 Декабрь 2022

Среда, 21 Декабрь 2022 22:19

Ош шаарынын мэри “Жапалак” унаа базарынын ишмердүүлүгү менен таанышты

Ош шаарынын мэри Бакытбек Жетигенов “Жапалак” муниципалдык унаа базарынын иши менен таанышты. Анын алкагында кызматкерлердин маянасын жогорулатуу, базардын иштөө шарттарын жакшыртуу, дем алыш күндөрү жол тыгындарын чечүү, унаа базарына жанаша жайгашкан аймакты тегиздөө, жерлерди трансформациялоо сыяктуу бир катар маселелер талкууланды.

Мэр унаа базарына кошумча жолдорду ачуу боюнча тиешелүү кызматтарга тапшырмаларды берди. Ошондой эле кирешени көбөйтүү сунушунун алкагында 2023-жылга карата сезондук, жумалык жана күнүмдүк көрсөткүчтөр боюнча тиешелүү эсептөөлөрдү берүүнү тапшырды.

Мындан тышкары, унаа базардын жанындагы аймакка муниципалдык базар куруу боюнча тиешелүү сунуштарды киргизүү тапшырмалары берилди.

Жарыяланган категория Жаңылыктар

Подробнее ...

Среда, 21 Декабрь 2022 22:18

Ош шаарынын мэри бир катар социалдык мекемелердин иши менен таанышты

Бүгүн, 21-декабрда Ош шаарынын мэри Бакытбек Жетигенов калаадагы бир катар социалдык мекемелердин иши менен таанышты.

Мэр Ош мамлекеттик университетинин карамагына өткөн Ош шаардык клиникалык ооруканасынын эски имаратына барды. Бул жерге жалпы аянты 20 000 м2 болгон 312 орундуу 7 кабаттуу жаңы заманбап имарат куруу пландаштырылууда.

Ошондой эле калаа башчы “Ак-Тилек” кичи районундагы жаңы шаардык клиникалык ооруканада болуп, инвесторлордун жардамы менен 250дөн ашык орундуу жаңы кошумча корпустун курулушу пландалып жаткан долбоор менен таанышты. Бакытбек Жетигенов тиешелүү кызматтарга керектүү документтерди даярдоону жана бардык мамлекеттик органдар жана ведомстволор менен макулдашууну тапшырды.

Кыдыруунун соңунда мэр Ош шаардык билим берүү башкармалыгына барды. Анда мекеменин иши, материалдык-техникалык базасы менен таанышып, билим берүүнүн деңгээлин жогорулатуу, жаңы ыкмаларды киргизүүнүн маанилүүлүгүн белгиледи.

Бакытбек Жетигенов Ошто шаардык ведомстволук жана муниципалдык кызматтар үчүн жаңы административдик имарат куруу пландалып жатканын, анда Ош шаарынын билим берүү башкармалыгына да жайлар бөлүнөрүн баса белгиледи. Бул маселе боюнча тиешелүү кызматтарга ишти баштоо тапшырмасы берилди.

Жарыяланган категория Жаңылыктар

Подробнее ...

Среда, 21 Декабрь 2022 14:21

Ош-Бишкек унаа жолунан (“Т-образка”) Ош шаарына баруучу жолдун курулушу башталды

Бүгүн, 21-декабрда Ош шаарындагы Ош-Бишкек унаа жолунун 660-чакырымынан (“Т-образка”) Привокзальная көчөсүнө чейинки жолду куруу иштери башталды.

Белгилей кетсек, кечээ Ош шаарынын мэри Бакытбек Жетигенов бул жерге барып, Ош шаарында жыл сайын унаалардын көбөйүшүн эске алып, тиешелүү жол кызматтарына Кара-Суу районунун Шарк айыл өкмөтү жана ДЭП-21 ишканасы менен биргеликте жолду куруу үчүн даярдык иштерин баштоого көмөк көрсөтүү тапшырмасын берген.

Ош шаарынын башкы планына ылайык, бир катар долбоорлор каралып жатат, анын ичинде Привокзальная көчөсүнөн Увам жана Үч-Кунан каналдары аркылуу “Т” формасындагы жолго чыгуучу жолдун долбоору бар.

Бул долбоордун негизги максаты – шаардын көчөлөрүндөгү, анын ичинде калаанын кире беришиндеги Монуев көчөсүндөгү унаа тыгындарын чечүү. Демилге Ош шаарынын бекитилген башкы планына ылайык шаарды өнүктүрүү долбоорунун алкагында иштелип чыгууда.

Жарыяланган категория Жаңылыктар

Подробнее ...

Среда, 21 Декабрь 2022 12:20

“Керме-Тоо” МАБында жаңы балдар аянтчасы ачылды

Ош шаарынын “Керме-Тоо” муниципалдык аймактык башкармалыгында Төлөйкөн кичи районундагы №21 жана №23 үйлөрдүн жанында жаңы балдар аянтчасы ачылды.

Объекттин ачылышына Ош шаарынын вице-мэри Сонунбек Жунусбаев, “Керме-Тоо” МАБ жетекчиси Жылдызбек Сактанов, кичи райондун тургундары катышты.

Балдар аянтчасы Ош шаарынын мэриясынын Кошумча каржылоо программасынын алкагында курулду. Кеткен каражаттын 50%ын жашоочулар чогултуп, калган бөлүгүн мэрия бөлүп берди.

Жарыяланган категория Жаңылыктар

Подробнее ...

Среда, 21 Декабрь 2022 09:22

Ош шаарынын борбордук базарында мыйзамсыз курулуштарды бузуу жана өрткө каршы өтмөктөрдү ачуу иштери күчөтүлөт

Кечээ, 20-декабрда Ош шаарынын мэри Бакытбек Жетигенов калаанын борбордук базарын кыдырды. Анын алкагында мэр соттук териштирүүлөр жүрүп жаткан жер тилкелери менен таанышты.

Тиешелүү кызматтарга борбордук көпүрөнүн аймагындагы канализациялык коллектордун аймагын бошотуу, ошондой эле Кара-Суу - Райымбеков көчөлөрүнүн кесилишиндеги мыйзамсыз курулуштарды бузуу маселесин кароо тапшырмасы берилди.

Мындан тышкары, калаа башчы “Бексултан” базарында жана “Турснаб” (Шоколад базары) базарына баруучу жолдордо өрткө каршы өтмөктөрдү ачуу боюнча тапшырмаларды берди.

Жарыяланган категория Жаңылыктар

Подробнее ...