Материалы отфильтрованы по дате: Пятница, 21 Январь 2022

Пятница, 21 Январь 2022 09:55

Ош Жылуулук электр борбору 2021-жылдын жыйынтыгын чыгарды

Бүгүн, 21-январда Ош Жылуулук электр борбору 2021-жыл ичинде аткарылган жумуштардын жыйынтыгын чыгарды. Иш-чарага Ош шаарынын вице-мэри Сонунбек Жунусбаев, шаардык мэриянын тиешелүү бөлүмүнүн адистери, ишкананын жетекчилиги жана кызматкерлери катышты.

Сонунбек Жунусбаев мэр Алмаз Мамбетовдун атынан жасалып жаткан иштерге ыраазычылык билдирип, бул жылы ички жылуулук тармактарын оңдоодо биргелешип каржылоо долбоору каралып жатканын белгиледи. Бул багытта аткаруу бийлиги тарабынан көмөк көрсөтүлөт.

Ош шаардык ЖЭБинин жетекчиси Нурлан Арапбаев шаардыктарга сапаттуу кызмат көрсөтүүдө мэриянын демилгелерин карап чыгууга даяр экенин билдирди.

2021-жылы ишканада негизги жабдуулар капиталдык оңдоодон өткөрүлүп, 3084 метр кварталдык жана магистралдык түтүктөрү алмаштырылган. Ошондой эле, өткөн жылы ЖЭБ 171,8 миң Гкал жылуулук энергиясын өндүрүп, өткөн жылга салыштырмалуу 5,1 миң Гкалга көбөйгөн.

Ош ЖЭБи 36 билим берүү мекемесин, 12 саламаттыкты сактоо мекемесин, 5 өндүрүш объектисин, 8 жогорку окуу жайын, 333 көп кабаттуу, 192 жеке турак үйлөрдү жана 323 башка мекеме-ишканаларды жылуулук менен камсыз кылат.

Жарыяланган категория Жаңылыктар

Подробнее ...

Пятница, 21 Январь 2022 09:48

Ош шаарынын мэри бюджет бекитүү алдындагы жолугушууларын жыйынтыктады

Бүгүн, 21-январда Ош шаарынын мэри Алмаз Мамбетов "Амир-Тимур" муниципалдык аймактык башкармалыгынын жашоочулары менен жолугушту. Жолугушуунун жүрүшүндө аталган башкармалыктын башчысы Мухамадамин Канатов 2021-жылда аткарылган жумуштар менен маалымат берди. Андан соң тургундар жолдорду жана көпүрөлөрдү оңдоо, тротуарларды реконструкциялоо жана куруу, бир катар мектептерде мугалимдердин жетишсиздиги, кошумча мектеп имараттарын жана спорт залдарын куруу өңдүү суроолорду көтөрүштү.

Калаа башчы бул жылы шаар көчөлөрүнүн тротуарларын оңдоого көңүл бурула турганын айтып, биргелешип каржылоо долбоорлору аркылуу шаардыктардын бир топ көйгөйлөрүн чечүүгө болоорун белгиледи.

Эскерте кетсек, Алмаз Мамбетов жыл башында бюджет бекитүү алдындагы бардык муниципалдык аймактык башкармалыктардын жашоочулары менен жолугушуп чыкты.

Жарыяланган категория Жаңылыктар

Подробнее ...