Оштун мэри эл менен жолугуп, айткан көйгөйлөрүн чечмей болду

Ош шаарындагы май коюучу жайлар (АЗС) текшерилип, талаптарга жооп бербегендери жабылат. Бул тууралуу Ош шаарынын мэри Таалайбек Сарыбашов АЗСтерди текшерүү учурунда билдирди.

Мындан тышкары шаар ичине май куюучу бекеттерди курууга уруксат бербөө боюнча да буйрук чыгарылат.
Калаа башчысы тиешелүү жетекчилерге тапшырма берип, нормага туура келбеген АЗСтерге мыйзам боюнча чара колдонулушу керектигин айтты.

“Эң биринчи кезекте элдин коопсуздугун ойлошубуз керек. Ар бир АЗСтин мыйзамдуулугун текшергиле. Май куюучу бекеттер шаардын сыртында деле жетиштүү. Талаптарга жооп бербеген, мыйзамсыз, кооптуу АЗСтердин иши токтотулат. Мындан кийин шаар ичине май куюучу жайларды курууга уруксат бербөө боюнча буйрук чыгарылат”,-деди мэр.

Ош шаарында жалпы 44 май куюучу жай бар. Анын алтоосу иштебей турат.

20-мартта Ош шаарынын Исанов көчөсүндө жайгашкан май куюучу жайдан өрт чыгып, 2 адам жабыркаган.

Бүгүн, 21-мартта Ош шаарынын борбордук аянтында «Нарктуу, даңктуу, касиеттүү Ош шаарым, сени менен сыймыктанам ар дайым!» аттуу элдик майрамы өтүп жатат. Майрамдык иш-чарага премьер-министр Мухамметкалый Абулгазиев, Ош шаарынын мэри Таалайбек Сарыбашов, Өкмөттүн Ош облусундагы ыйгарым укуктуу өкүлү Узарбек Жылкыбаев, шаардык кеңештин төрагасы Жапарбек Ормонов, Оштогу дипломатиялык корпустардын өкүлдөрү, шаардын тургундары жана меймандары катышты.

Ош шаарынын мэри Таалайбек Сарыбашов 8-март-Аялдардын эл аралык майрамына карата аз камсыз болгон үй-бүлөдө мүмкүнчүлүгү чектелген балдарды тарбиялап жаткан айымдарды куттуктап, үйлөрүнө барды. Шаар мэри айымдарга үй тиличилигине керектелүүчү буюмдар телевизор, кир жуугуч машина, муздаткыч, электр печкаларын белекке берди. Ошондой эле жаш балдарга таттууларды, тамаш-аш азык-түлүктөрүн тапшырды.

“Сиздерди келе жаткан майрамыңыздар менен чын дилден куттуктайм. Майрам алдынан күтүүсүздөн барып, куттукташты максат кылган элем. Дайым ден соолукта болуп, балдарыңыздарга мээрим тартуулап жүрүңүздөр. Биз сиздерди камкордукка алып, ар дайым жардам берүүгө даярбыз. Буюрса жайында балдарыңыздарды эс алуу лагерлерине, Ысык-Көлгө эс алып келүүгө жиберебиз деп пландап жатабыз”,-деди Т.Сарыбашов.

Айта кетсек, Т.Сарыбашов шаардагы социалдык колдоого муктаж 5 үй-бүлөдөн кабар алып, Амир-Темир аймактык башкармалыгында жашаган Б. Алимованын үйүн оңдоодон өткөрөөрүн, Дача участкасынын жашоочусу И. Арзибаеванын үйүнө таза суу жеткирүү тапшырмасын берди.

Мэрдин келип кабар алышын күтпөгөн энелер калаа бышчысына ыраазычылык билдиришти. 

Бүгүн, 5-мартта Ош шаарында Ак калпак күнүнө карата бир катар иш-чаралар болуп өттү. Алгач “Кыргызстан” театрында концерттик программа уюштурулуп, анда Өзгөчө кырдаалдар башкармалыгы жана Улуттук гвардиянын №703 аскер бөлүгүнүн аскерлери сынактарга катышты.

Ошондой эле, шаардагы жогорку окуу жайлардын студенттери тарабынан патриоттук ырлар жаңырды. Концерттик программанын алкагында Ош шаарынын вице-мэри Нурбек Кадыров жана шаардык кеңештин депутаты Ашим Осмонов Ак калпак күнү менен куттуктап сөз сүйлөштү.

Иш-чаранын жүрүшүндө 1000ге жакын шаар жаштары патриоттуулукка чакырып, жөө жүрүш менен Сулайман-Тоого чыгышты.

Анда жаштар тазалык акциясына катышып, Сулайман-Тоонун айланасын тазалашты. Ага улай “Алымбек Датка” этнографиялык комплексинде Ак калпакчандардын флешмобу уюштурулуп, спорттун улуттук түрлөрү боюнча мелдештер өттү.

Айта кетсек, Ак калпак күнүн белгилөө идеясы 2011-жылдын февраль айында кинорежиссер Рысбек Жабиров тарабынан коомчулукка сунушталган.

Демилге эл тарабынан колдоого алынып, Кыргызстандын булуң-бурчтарында жана чет өлкөдө жашаган кыргыздар тарабынан белгиленип келет.