1. Skip to Menu
  2. Skip to Content
  3. Skip to Footer
Facebook
Жаңылыктар

Жаңылыктар (435)

 

 

 

Кыргыз Республикасынын Премьер-министри Сапар Исаков бүгүн, 17-январда, Ош шаарын өнүктүрүүнүн келечектүү пландарын талкуулоо боюнча жумушчу кеңешме өткөрдү. 

Кеңешме министрлик жана ведомство жетекчилеринин катышуусунда аймактардын көйгөйүн ыкчам чечүү боюнча үзгүлтүксүз жолугушуулардын алкагында өткөрүлгөн. Мурда өлкөнүн бардык аймактарынын, ошондой эле Бишкек шаарынын зарыл маселелерин чечүү боюнча чараларды талкуулоо боюнча мындай кеңешмелер өткөрүлгөн.

Өкмөт башчы белгилегендей, Кыргыз Республикасынын Президентинин 2018-жылды Региондорду өнүктүрүү жылы деп жарыялоо жөнүндө Жарлыгына ылайык, тийиштүү мамлекеттик органдар жергиликтүү бийлик менен биргеликте өлкөнүн айыл, район, шаар жана облустарынын экономикасын өнүктүрүү жана инфраструктурасын жакшыртуу боюнча натыйжалуу чараларды кабыл алуусу керек эле.

Сапар Исаковдун айтымында, буга байланыштуу республикалык маанидеги шаар эсептелген Ош шаарына өзгөчө көңүл бурулушу керек. Ош шаарынын мэри Айтмамат Кадырбаев аймактык дүң продуктунун түзүмү, тартылган инвестициялар көлөмү, 2017-жыл үчүн жергиликтүү бюджеттин аткарылышы жана шаардын өнөр жай, курулуш, билим берүү жана саламаттык сактоо трамагындагы негизги социалдык-экономикалык көрсөткүчтөрү тууралуу маалымат берди.

Ошондой эле Айтмамат Кадырбаев «Жаңы доорго кырк кадам» өкмөттүк программасынын жана «Таза Коом – Жаңы доор» 2040-жылга чейинки Кыргыз Республикасын Туруктуу өнүктүрүү стратегиясынын алкагында Ош шаарында ишке ашыруу пландаштырылып жаткан иш-чаралар тууралуу айтып берди.

Буга катар ал Ош шаарындагы ички жолдорду куруу жана реконструкциялоо, Ош шаардык ЖЭБин жана токтоп турган өндүрүштүк ишканаларды модернизациялоо, санитардык абалды жакшыртуу, социалдык объектилердин бүткөрүлбөгөн имараттарын аяктоо, шаардыктардын ичүүчү таза сууга жеткиликтүүлүгүн камсыздоо үчүн дамба курууга жана Ош шаарынын ирригациялык объектилерин реконструкциялоого байланыштуу маселелерге кенен токтолду.

Мындан тышкары Айтмамат Кадырбаев кошумчалагандай, Ош шаарынын туристтик жагымдуулугун арттыруу жана туристтик брендин түзүү боюнча программалар иштелүүдө, бул өз кезегинде шаардык иннфраструктураны өнүктүрүүгө көмөктөшөт.

Премьер-министр Ош шаарынын мэриясынын жетекчилиги аз убакытта түштүк калааны көрктөндүрүү жана инфраструктурасын жакшыртууда көрүнүктүү жыйынтыктарга жетишкендигин баса белгиледи.

«Бүгүнкү күндө Ош шаары республиканын башка шаарларына үлгү боло алат. Түштүк калаада жумушчу сапарда болуп, жергиликтүү тургундар менен жолугууда шаардыктардын жашоо ишмердүүлүгүндө позитивдүү өзгөрүүлөр болуп жаткандыгы байкалып турат. Алардын жыргалчылыгын арттыруу боюнча мындан ары дагы иштер улантылышы керек», – деп белгиледи Сапар Исаков.

Өкмөт башчы кеңешменин жыйынтыгында тийиштүү мамлекеттик органдарга ыкчам тартипте белгиленген маселелер боюнча зарыл чараларды кабыл алуу, анын ичинде донордук жардамды тартуу боюнча мүмкүнчүлүктөрдү карап чыгуу тапшырмаларын берди.
Мындан тышкары, Ош шаарынын келечектүү пландарын ишке ашыруу боюнча деталдуу иш-чаралар планын иштеп чыгуу тапшырмасы берилди.

Ошондой эле жакынкы арада Ош шаарында «Акылдуу шаар» долбоорун ишке ашыруу башталгандыгына байланыштуу Кыргыз Республикасынын Транспорт жана жолдор министрлигине муниципалитет менен биргеликте шаардын ички жолдорун реконструкциялоо, жол боюндагы инфраструктураны жакшыртуу, тактап айтканда, жол белгилерин жана жол чийимдерин орнотуу боюнча иштерди ыкчам жүргүзүү тапшырылды.

Аны менен катар Ош шаарынын мэриясына калаанын көчөлөрүндөгү жарыктандыруу тутумун Кыргыз Респбуликасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин бирдиктүү стандарттарына ылайык жакшыртууга өзгөчө көнүл буруу тапшырмасы берилди.

 

 

 

Бүгүн, 18-январда Ош шаарынын мэри Айтмамат Кадырбаев Казакстандын Астана шаарында өткөн “ART-PREMIUM” Эл аралык сынагынын жеңүүчүлөрүн, мугалимдерин жана ата-энелерин кабыл алды. 

Аталган конкурс Астана шаарында 4-7-январь күндөрү өтүп, ага Ниязалы атындагы Ош мамлекеттик музыкалык окуу жайынын кыргыз эл аспаптар бөлүмүнүн 4-курсунун студенти Шохжахон Маманазаров менен орус эл аспаптар бөлүмүнүн 2-курсунун студенти Шайырбек Абдурашит уулу катышып келген.

Жыйынтыгында студенттер конкурстун үч сыйлыгын багындырып келишкен. Студенттердин бири  инструменталдык жанрда домрада  ойноп 1-орунду, бири аккордеондо 1-орунду багындырышса, домра жана аккордеондо дует аткарышып 1-орунду ээлешкен.

Айтмамат Кадырбаев жеңүүчүлөрдү куттуктап, маданият жаатындагы алгачкы ийгилик экенин билдирди.

-“ Бир нече өлкөлөрдүн музыканттарын артка калтырып, шаарыбыздын, мамлекетибиздин намысына жарадыңыздар. Бул жеңиш силердин, мугалимидердин, ата-энелердин эмгегинин үзүрү, шаарыбыздын сыймыгы. Мындан ары да чоң ийгиликтерге жетише бергиле. Ош шаарынын мэриясы силерди ар тараптан колдоого даяр”,-деди А.Кадырбаев.

Ошондой эле, конкурстун жеңүүчүлөрүнө жана мугалимдерине шаар жетекчиси Ош шаарынын мэриясынын Ардак грамотасын тапшырды. 

Бүгүн, 12-январь күнү Ош шаарында каржы пирамидасына азгырылып жаткан жарандарга түшүндүрүү иш аракеттерин жүргүзүү максатында жыйын болуп өттү.

Ага Ош шаарынын мэриясынын коргонуу, укук тартипти сактоо жана өзгөчө кырдаалдар секторунун башчысы Турсунай Айтматова, Ош ШИИБнын тергөө бөлүмүнүн башчысынын орун басары Алмаз Балтабаев, Ош шаарынын каржы полициясынын өкүлдөрү, аймактык кеңештир төрага, төрайымдары жана банк кызматкерлери келип катышты.

Ош шаарынын мэриясынын коргонуу, укук тартипти сактоо жана өзгөчө кырдаалдар секторунун башчысы Турсунай Айтматованын айтымында биргеликте түшүндүрүү иштерин жүргүзүп, алданууга жол бербөө зарыл экендигин айтып, жыйындын максаты да ушул экендигин билдирди.

Ал эми, Ош ШИИБнын тергөө бөлүмүнүн башчысынын орун басары Алмаз Балтабаев учурда 3 каржы пирамидасын уюштурган, алдамчылык менен иш жүргүзүп келген компания боюнча тергөө иштери жүрүп жаткандыгын айтып, алардын бири акчасын алдырган жарандарга толугу менен каражатты кайтарып бергендигин кошумчалады.

“Жол жээгинде айлык маянасы ири өлчөмдө төлөнүп берилет деген жарнактарга ишенбөөгө чакырабыз. Түшүнбөстүктүн айынан жарандарыбыз азгырылып, көп суммадагы акча карыз болуп калып жатышат. Учурда эки мыйзамдын негизинде алдамчылык менен иш жүргүзгөн компаниянын жетекчилигин жоопко тартып жатабыз, 2019-жылдан баштап жаңы мыйзам каралып чыкса азгырган, ортомчуларга да чара көрүлөт”, - деди А.Балтабаев.

Жыйында ар бир аймактык кеңеште каржы пирамидасы туурасында кенен түшүнүк жүргүзүп, шаардыктарды алданып калуусун алдын алуу иш аракеттери байма бай жүргүзүлөт.

Каракол шаарынан келген делегация тажрыйба алмашуу максатында Ош шаарындагы мектептерге жана көп кабаттуу үйлөрдүн жанына коюлган модулдук отканалар  менен таанышты. Ош шаарында жалпысынан көп кабаттуу үйлөрдү жана социалдык объектилерди 80 откана жылуулук менен камсыз кылат, алардын 17си модулдук отканалар.

Белгилей кетсек, кечээ, 10-январь күнү Ош шаарына Каракол шаарынын мэри Данияр Арпачиев жана шаардык кеңешинин төрагасы Эрлан Айсаракунов баш болгон делегацияга келген. Аларды  Ош шаарынын мэри Айтмамат Кадырбаев шаардагы алгылыктуу иштер менен тааныштырып, тажрыйба бөлүшүшкөн.

Делегациянын  өкүлдөрү саркынды суу тазалоочу бекетке барып, «Ош шаар суу канал» ишканасынын ишмердүүлүгүн көрүп кайтышты. Ошондой эле, Ош шаарынын көрктөндүрүү жана жашылдандыруу чарба комбинатынын ийгиликтери жана жаз мезгилинде отургузула турган гүлдөрдүн уруктары эгилген күнөсканалар менен таанышты. 

Мындан сырткары,  делегацияны Ош мамлекеттик университетинин ректору Каныбек Исаков заманбап медициналык факультети менен стационардык клиникасы менен тааныштырып,окуу копустарды, инавациялык класстарды, окуу методикаларын көрсөтүп чыкты.

Андан соң, келген делегация Ош тазалык ишканасынын ишмердүүлүгүн көрүп, шаарда тазалык багытында  алгылыктуу жумуштар жүрүп  жатканын белгилешти.

Кечинде, шаардын көчөлөрүнө жана 640 көп кабаттуу үйлөрдүн короолоруна коюлган жаңы светодиоттук чырактарды  көрүп, “Коопсуз шаар” долбоору ишке ашып жаткандыгына, Ош шаарын өнүгүү жолунда экендигине жогорку баа беришти.

 

 

 

Бул туурасында, 10-январь күнү Каракол шаарынан иш-сапары менен келген делегация Ош шаарындагы бир нече курулуш иштери менен таанышып жатып маалым болду. Ош шаарынын мэри Айтмамат Кадырбаев Каракол шаарынын мэри Данияр Арпачиев жана шаардык кеңешинин төрагасы Эрлан Айсаракунов баш болгон делегацияга бир катар курулуш иштерди тааныштырып, ийгиликтер менен бөлүштү. Иш-сапардын алкагында келген делегация Ак-Тилек аймактык кеңешине курулуп жаткан 150 орундуу оорукананын курулуш иштерин көрдү.

Кытай Эл Республикасынын гранттык каржылоосунун негизинде курулуп жаткан 150 орундуу оорукана комплексинин курулуш иштер 80%га бүттү. Курулуш иштерине 1 млрд. 800 млн. сом акча каражаты жумшалат. Комплекстин жалпы аянты 25 миң чарчы, ал эми курулуштун аянты 12 жарым миң чарчы метрди түзөт.  Негизинен имаратка амбулаториялык, стационардык, илимий-изилдөө кеңсеси жана көмөкчү бөлмө кирет. Оорукана 150 бейтапка ылайыкташтырылып, күнүнө 200 бейтапты кабыл алууга мүмкүнчүлүк болот. Белгилей кетсек, курулуш иштерин “топ интернешнл инжиниринг” корпорациясы жүргүзүп жатат, алардын айтымында курулуш иштери июнь айында бүтөт.

         Ош шаарынын мэри Айтмамат Кадырбаев негизги багыт социалдык объектилерди куруу экендигин айтып, шаардын сыртында жайгашкан аймактарга балдар бакчалары, мектептер, спорт комплекстер, ФАПтар курулуш тапшырылып жаткандыгын белгиледи.

 

 

 

Бүгүн, 10-январь күнү Ош шаарынын мэри Айтмамат Кадырбаев Каракол шаарынын мэри Данияр Арпачиев жана шаардык кеңешинин төрагасы Эрлан Айсаракуновду кабыл алды. Жолугушуунун жүрүшүндө шаарлар арасындагы кызматташуу жана тажырыйба алмашуу багытында сүйлөшүүлөр жүрдү.

Ош шаарынын башчысы Айтмамат Кадырбаев келген делегацияны жылуу кабыл алып, эки шаардын тажырыйба алмашуу багытындагы кызматташуусу жакшы жыйынтык берип, мамлекетти мындан ары да өнүктүрүүгө өбөлгө боло тургандыгын белгиледи.

Каракол шаарынын мэри жана шаардык кеңештин төрагасы баштаган делегация бир күндүк иш-сапарынын алкагында Ак-Тилек кичи районунда курулуп жаткан150 орундуу оорукананын курулуш иштери менен таанышып, жаңы курулган мектеп, бала бакчаларды көрүп чыгат. Ошондой эле жашылдандыруу, көктөндүрүү, шаардагы жолдорду жана көп кабаттуу үйлөрдү жарыктандыруу боюнча тажырыйба алмашат. Шаарга коюлган отканалар жана саркынды суу тазалоочу бекетин ишин көрөт.

Бүгүн, 8-январь күнү Ош шаарындагы баардык мекеме ишканалардын жана мэриянын бөлүм башчыларынын катышуусунда аппараттык жыйын болду. Жыйындын негизги максаттарынын бири Ош шаарында сатылып жаткан эттин баасын арзандатып, туруктуу баага коюу.

Ош шаарынын мэри Айтмамат Кадырбаев борбордук базарда жана кичи базарларда сатылып жаткан уйдун жана койдун эти 330 сом болуп жаткандыгын, бул кымбат экендигин айтып, шаардыктардын капчыгына оор деп билдирди.

“Этке болгон баа жогорулап жатат. Шаардыктардан келип түшкөн арыз-дооматтарда жок эмес. Ошондуктан бир жума ичинде тийиштүү кызматтар эт баасын калькуляция кылып, эсебин чыгарып, туруктуу баа коюп бергиле”, - деди А.Кадырбаев.

Эттин баасын арзандатуу, так эсебин чыгаруу максатында тийиштүү кызматтардан жана Ош шаары КРнын Өкмөтүнө караштуу монополияга каршы жөнгө салуу мамлекеттик агенттигинин Ош шаардык бөлүмүнөн түзүлгөн атайын комиссия түзүлүп, текшерүүгө алынат.

Белгилей кетсек, азыркы учурда бир киллограммга болгон уй этинин дүң баасы 290 сом, ал эми чекене баасы 330 сомду түзөт.

Бүгүн, 5-январь күнү Ош шаарында Жаңы жылга карата президент Сооронбай Жээнбековко кат жазган балдар белектерин алышты. Өлкө башчысынын атынан келген планшеттерди жана таттууларды Ош шаарынын мэри Айтмамат Кадырбаев тапшырып, балдарга жана ата-энелерге каалоо-тилектерди билдирди.

“Жаңы жыл берекенин, достуктун, ынтымактын жылы болсун. Силер жакшы билим алып мамлекет үчүн кызмат кыла турган инсандардан болуп чоңойгула”-деди А.Кадырбаев.  

Жалпысынан 7 бала «Самсунг» үлгүсүндөгү планшет жана таттууларды алды, алардын бири “Жомок” балдар бакчасынын тарбиялануучусу.

Жыйындын жүрүшүндө окуучулар КРнын президенти Сооронбай Жээнбековго каалоо-тилектерин, ал эми ата-энелер ыраазычылыктарын айтышты.  

Бүгүн, 31-декабрь күнү Ош шаарында жаңы жыл майрамы борбордук аянтта балдар үчүн атайын оюн-зоок концерттик программа менен ачылып, белгилүү эстрада жылдыздары, куудулдардын катышуусунда чоң программадагы концерт менен уланды. Шаардагы окуу жайлардын жетекчилери, студенттер көркөм чыгармалык өнөрлөрүн көрсөтүшүп, ар бир окуу жайлардын Жаңы жылдык-Аяз ата , аяз кыз, жомок каармандарынын костюмдар парады, концерттик программасы жана КВН оюну тартууланды.

Биринчи вице-мэр Замирбек Аскаров шаар тургундарын жана меймандарын тургундарын жаңы жыл майрамдары шаар мэри Айтмамат Кадырбаевдин атынан куттуктап, сөз сүйлөдү.

-“ Саналуу мүнөттөрдөн кийин дүйнө эли, анын ичинде кут даарыган Ордолуу Ош шаарынын эли жаңы-2018-жылдын босогосун аттайт. Бүткүл Кыргызстандыктар сыяктуу куттуу шаарыбыдын карапайым, эмгекчил, мээнеткеч, намыскөй эли сапары карып бара жаткан эски жылды узатып, жаңы жылдык ачык маанай, жарык жүз, жакшы ниеттери жана аруу тилектери менен тосуп жатышат.

 Ошондон улам адегенде Сиздерди, урматтуу шаардыктар жана шаарыбыздын меймандары, Ош шаарынын мэри Айтмамат Кадырбаевдин жана Ош шаарынын мэриясынын атынан Жаңы жылыңыздар менен куттуктайм!

Узап бара жаткан жылыбыз айта койгонго оңой болгону менен ары татаал, ары жооптуу, ары жемиштүү жылдардан болду, десек болот. 2017-жыл ынтымактын, ырашкерчиликтин, улуттар аралык ынтымактын жылы болгондугун биздин эң башкы жетишкендигибиз катары өзгөчө канаттануу менен белгилеп кетким келет.

Жыйынтыгында бул жылда Ош шаары өнүгүүнүн жаңы баскычына көтөрүлүп, баардык социалдык-экономикалык көрсөткүчтөр боюнча республикада алдыңкыкөрсөткүчтөргө жетише алгандыгы бизди кубандырат.

Жаңы жылда Кыргызстандыктардын түндүгү түрүлүп, керегеси керилип, уугу узарып, коломтосунан от, дасторконунан кут кетпесин. Ар бир үйдө ырыскынын нуру чачырап, жарык маанай уяласын.Жергебизге тынчтык, элибизге ынтымак-ырашкердик түбөлүккө орносун. Жапыңыздарга чың ден-соолук, бакубат турмуш каалайм. Жаңы жылыбыз – ынтымактын, биримдиктин, бейпилдиктин жылы болсун”,-деди А.Кадырбаев.

Майрамдык салтанаттын алкагында фейрверк, жаңы жылдык салюттар атылып, шаар жаштары жана меймандары үчүн атайын заманбап ырлардын жаңыруусунда  дискотека уланууда.

Борбордук аянттагы Жаңы жылдык майрамга 20 миңден ашуун шаар тургундары жана меймандары күбө болушту.

                   Ош шаардык билим берүү башкармалыгы тарабынан даярдалган балдар үчүн майрамдык салтанат башталды. Борбордук аянтта “Келечек” чыгармачылык балдар борборунун талаттуу балдары, кичинекей ырчылар, бий топтору , ошондой эле “мыкты” деп тандалып алынган мектептердин таланттуу окуучулары, аяз ата жана аяз кыз майрамдык шоу тартуулашууда.

                          Белгилей кетсек, бүгүн 31-декабрь Ош шаарынын борбордук аянтында шаардыктар жана коноктор үчүн бир катар майрамдык иш чаралар тартууланат.

                    Ош шаардык маданият башкармалыгынын колдоосу менен балдар үчүн Цирк өнөрпоздорунун шоу программасы тартууланат. Ош шаарындагы №1 “С.Бекмуратов” атындагы балдар музыкалык мектебинин, Ош шаарындагы “П.И.Чайковский” атындагы искусство мектебинин, Ош облусттук Р.Абдыкадыров атындагы филармониясынын, “Ныязалы” атындагы мамлекеттик музыкалык окуу жайынын, "Бабур" атындагы Ош Мамлекеттик Академиялык өзбек драма театрынын чыгармачылык топтору Жаңы жылдык чоң программадагы майрамдык иш-чарасын тартуулайт.

                Ошондой эле, кечкисин борбордук аянттагы жаңы жылдык балаты Ош шаардык маданият башкармалыгы жана жаштар комитети тарабынан даярдалган чоң программадагы концерт менен коштолуп, майрамдык фейрверк менен жыйынтыкталат.

Страница 1 из 32

Тарых жана маданият

Пред След Страница:

Залкар обончусу жана ырчысы Рыспай Абдыкадыров көзү тирүү болгондо 77 жашка чыкмак

Залкар обончусу жана ырчысы Рыспай Абдыкадыров көзү тирүү болгондо 77 жашка чыкмак

Бүгүн, 12-январь күнү Ош шаарында залкар обончу жана ырчы Рыспай Абдыкадыровдун туулган күнүнө карат...

Ошто Чүй облусунун маданият күндөрү өтүүдө

Ошто Чүй облусунун маданият күндөрү өтүүдө

7-август Чүй облусунун маданият күндөрү башталып, Сары-Өзөн таланттары Султан Ибраимов атындагы Ош о...

Төкмө акын Идирис Айтибаев Өзбекстан президентинин белектерин алды

Төкмө акын Идирис Айтибаев Өзбекстан президентинин белектерин алды

Кечээ, 7-август күнү төкмө акын Идирис Айтибаев Ош шаарынын делегациясы менен биргеликте Андижан шаа...

Ош шаарында Эгемендүүлүктүн 26 жылдыгы жогорку деңгээлде белгиленди

Ош шаарында Эгемендүүлүктүн 26 жылдыгы жогорку деңгээлде белгиленди

31-август күнү Ош шаарында Кыргыз Республикасынын көз карандысыздыгынын 26 жылдыгына карата уюштурул...

Кыргызстандын Эгемендүүлүгүнүн 26 жылдыгын быйыл Ош шаары өзгөчө белгилейт

Кыргызстандын Эгемендүүлүгүнүн 26 жылдыгын быйыл Ош шаары өзгөчө белгилейт

Урматтуу Ош шаарынын тургундары жана меймандары! Кыргызстандын Эгемендүүлүгүнүн 26 жылдыгын быйыл О...

Ош Фест - 2017” туристтик фестивалы жогорку деңгээлде өттү

Ош Фест - 2017” туристтик фестивалы жогорку деңгээлде өттү

Бүгүн, 19-август күнү Ош шаарында “Ош Фест - 2017” эл аралык туристтик фестивалы болуп өттү. Ага Ош ...

Ош шаарында “Сүйүү багы” эс алуучу борбору ачылды

Ош шаарында “Сүйүү багы” эс алуучу борбору ачылды

Бүгүн, 14-август күнү Ош шаарында “Сүйүү” эс алуу багынын салтанаттуу ачылуу аземи болуп өттү. Ага О...

Ош шаарында көп балалуу энелер сыйланды

Ош шаарында көп балалуу энелер сыйланды

Бүгүн, 13-июлда Ош шаарында көп балалуу энелерге “Баатыр эне” ордени жана “Эне даңкы” медалдары тапш...

Ошко Өзбекстандын Мукими театры “Жайдары келин” спектаклы менен келди

Ошко Өзбекстандын Мукими театры “Жайдары келин” спектаклы менен келди

Бүгүн, 7-июнда Ош шаарынын Бабур театрында Мукуми атындагы өзбек мамлекеттик музыкалык театрынын арт...

Ош шаарынын мэриясы Жолболду Алыбаевге 70 жылдык маарекесинде 100 миң сом ыйгарды

Ош шаарынын мэриясы Жолболду Алыбаевге 70 жылдык маарекесинде 100 миң сом ыйгарды

Бүгүн, 19-майда Ош шаарындагы С.Ибраимов атындагы улуттук драма театрында белгилүү комузчу, обончу-д...

Ош: 1000ге жакын энелерге баалуу белектер берилди

Ош: 1000ге жакын энелерге баалуу белектер берилди

  Бүгүн, 18-майда  С.Ибраимов атындагы Ош улуттук драм театрында энелер күнүнө арналган  майрамдык и...

Ош шаарында Корея маданиятынын айы өтөт

Ош шаарында Корея маданиятынын айы өтөт

27-апрелде Ош шаарынын биринчи вице-мэри Замирбек Аскаров Корея Республикасынын Кыргызстандагы өзгөч...

Ош шаары Көчмөндөр ааламынан алдынкы орундарды багындыра алды

Ош шаары Көчмөндөр ааламынан алдынкы орундарды багындыра алды

Ош шаары 4-7-сентябрь күндөрү, Ыссык-Көл облусунун Кырчын жайлоосунда өткөн “Көчмөндөр ааламы” фес...

Эки күнгө созулган “Этномаданият” фестивалы гала-концерт менен жыйынтыкталды

Эки күнгө созулган “Этномаданият” фестивалы гала-концерт менен жыйынтыкталды

Ош шаарында “Тарых жана маданият” жылынын алкагында өткөрүлгөн  эл аралык “Этномаданият” фестивалы...

Ош шаарында Бүбүсара Бейшеналиеванын 90 жылдыгы белгиленет

Ош шаарында Бүбүсара Бейшеналиеванын 90 жылдыгы белгиленет

Бүгүн, 4-июнь Б.Бейшеналиеванын 90 жылдыгына арналган концерт Султан Ибраимов атындагы Ош улуттук др...

Ошто Кыргызстанда биринчи жолу “Этномаданият” эл аралык фестивалы өтүп жатат

Ошто Кыргызстанда биринчи жолу “Этномаданият” эл аралык  фестивалы өтүп жатат

Бүгүн, 2-июнда С.Ибраимов атындагы Ош улуттук драма театрынын аянтында “Этномаданият” эл аралык  фес...

Кыргызстанда биринчи жолу өтүп жаткан “Этномаданият” эл аралык фестивалында элге байыркы Оштун элеси тартууланат

Кыргызстанда биринчи жолу өтүп жаткан “Этномаданият” эл аралык  фестивалында элге байыркы Оштун элеси тартууланат

Ош шаарында  Тарых жана маданият жылынын алкагында 2-3-июнь күндөрү Эл аралык "Этномаданият" фести...

 

Кайрылуулар

А.Кадырбаев: “Ош баарыбыздын сүйүкт…

А.Кадырбаев: “Ош баарыбыздын сүйүктүү шаарыбыз”

Ош шаарынын мэри Айтмамат Кадырбаев калаада боло турган “Ош ...

Ош шаарынын мэри: Менин ишимди эл б…

Ош шаарынын мэри: Менин ишимди эл баалайт

Айтмамат Кадырбаевдин Ош шаарынын мэрлигине шайланганына 1 ж...

Айтмамат Кадырбаев, Ош шаарынын мэр…

Айтмамат Кадырбаев, Ош шаарынын мэри: «Мыйзамдуулук принциптерин алдыма максат кылып койгонмун...»

Ар түрдүү саясий ызы-чууга көп аралашкан, анын ичинде көңүл ...

Өнүгүүнүн стратегиялары жана программалары

2018-2040-жылдарга Кыргыз Республик…

2018-2040-жылдарга Кыргыз Республикасын туруктуу өнүктүрүүнүн “Таза коом – Жаңы доор” стратегиясынын долбоору

2018-2040-жылдарга Кыргыз Республикасын туруктуу өнүктүрүүнү...

Өкмөттүн программасы "Жаңы доо…

Өкмөттүн программасы "Жаңы доорго - кырк кадам"

Өкмөтүнүн программасы "Жаңы доорго - кырк кадам"

« Январь 2018 »
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
FB
ОК

Видеорепортаждар

Пред След

ЭлТР "Күнмаекте" Ош мэри …

ЭлТР "Күнмаекте" Ош мэри А.Кадырбаев

Ош шаарынын мэри Айтмамат Кадырбаев ЭлТРдин "Күнмаек" програ...

Акыркы 3 жылда Ош шаарында аткарылг…

Акыркы 3 жылда Ош шаарында аткарылган иштерден кыскача маалымат

  Мэр Айтмамат Кадырбаевдин Ош шаары жана Ош шаарынын эли ү...

Оштун студенттери шаар мэри А.Кадыр…

Оштун студенттери шаар мэри А.Кадырбаевдин бир күндүк иш-планы менен таанышты

Ош шаарынын мыкты студенттери, Президенттик стипендиянын ээл...

Ош шаары өңүгүү жолунда - 09.2016

Ош шаары өңүгүү жолунда - 09.2016

Ордолуу Ош кылымдарды карытып, 3016 жылдык тарыхты камтыган,...

Видео Ош шаарында Айт намазга 12 ми…

Видео Ош шаарында Айт намазга 12 миңден ашуун адам катышты

Бүгүн 17-июнь күн Орозо айт майрамы. Ош шаарында саат 7;45те...

А.Кадырбаев: Тазалаган жер эмес, бу…

А.Кадырбаев: Тазалаган жер эмес, булгабаган жер таза болот

     Ош шаарынын мэри Айтмамат Кадырбаев 29-июнь күнү “Ош-Та...

Ош шаарында комуналдык, социалдык м…

Ош шаарында комуналдык, социалдык маселелер чечилүүдө

Ош шаарынын жетекчилиги эл күнүгө бетме-бет келген бала бакч...

Ош шаарынын мэри Жеңиштин 70 жылдыг…

Ош шаарынын мэри Жеңиштин 70 жылдыгына карата ардагерлерге 70 миң сомдон сыйлык тапшырды

Бүгүн 9-май Улуу Ата Ата Мекендик согуштагы жеңиштин 70 жы...

Сурамжылоо

Сиз жашаган аймактан таштанды өз убагында алынабы?

Ооба - 53.8%
Жок - 23.1%
Ар кандай - 23.1%

Добуштардын саны:: 26