1. Skip to Menu
  2. Skip to Content
  3. Skip to Footer
Facebook
Вторник, 20 Январь 2015 05:17

Айтмамат Кадырбаев, Ош шаарынын мэри: «Мыйзамдуулук принциптерин алдыма максат кылып койгонмун...»

Ар түрдүү саясий ызы-чууга көп аралашкан, анын ичинде көңүл чордонунда болуп келген «Көпүрө чатагынын» башкы каарманы, Ош калаасынын мурдагы шаар жетекчиси Мелис Мырзакматовдун ордуна көпчүлүк коалициясынан көрсөтүлгөн талапкер Айтмамат Кадырбаевдин экинчи борбор аталган Ошко мэр болуп шайланганына 1 жыл болоюн деп калыптыр. Ал мезгилден тартып, ушул күнгө чейин шаарда топтологон көптөгөн көйгөйлөр кандай жүрүп жаткандыгын билүү үчүн атайы экинчи борборубузга сапар тартып, мурда айрымдар айтып жүрүшкөндөй: «Мырзакматов кетээри менен шаардагы жашоо токтоп калдыбы же жокбу?» ,- деген суроого жооп издедик.

- Айтмамат Тентибаевич, сиз иштеген 11 айда Ош шаары кандай өзгөрдү? Кандай позитивдүү өзгөрүүлөр болду?

- Ош шаарынын мэри болуп шайланган алгачкы күндөн тартып эле шаардыктардын жашоо деңгээлин көтөрүү, калаанын көйгөйлүү, көп жылдан бери топтолуп келген проблемаларын чечүүгө багыт алдык. Системалык коррупция менен күрөшүү максатында жоопкерчиликти сезүү менен айкындуулук, мыйзамдуулук принциптерин алдыма максат кылып койгонмун жана мэриянын аппарат кызматкерлеринен, мэриянын структуралык түзүмдөрүнүн жетекчилеринен ушул принциптердин негизинде иш жүргүзүүнү талап кылып келем.  Биринчи күндөн баштап эле шаардын 13 аймактык кеңештеринде  калаа тургундары менен жолугушууларды өткөрүп, алардын муктаждыктары менен таанышып чыктым.

Дүйнөлүк экономикадагы өзгөрүүлөр жана коопсуздуктар шаардын экономикасына өзүнүн терс таасирин тийгизип жаткандыгына жана 2014-жылдын 15-апрелинен 31-декабрына чейин Өзбек Республикасы тарабынан шаарыбызга газ берүү токтотулгандыгына карабастан, үстүбүздөгү жылдын жыйынтыгы менен өнөр-жай, кызмат көрсөтүү, курулуш, инвестиция тартуу чөйрөлөрүндө жана башка негизги социалдык-экономикалык көрсөткүчтөрүбүздөгү өсүштөргө жетиштик. Жергиликтүү бюджеттин киреше бөлүгүнө 2014-жылдын ичинде салыктык жана салык эмес кирешелердин планы (атайын каражаттарды кошпогондо) 716,8 млн.сомду түзүп,  2013-жылдын тийиштүү мезгилине салыштырганда 113,1 млн. сомго көп салыктар жана жыйымдар жыйналды. Ошондой эле мэриянын көмөгү менен Ош шаарынын тарыхында биринчи жолу спорттун 7 түрү боюнча Кыргыз Республикасынын чемпионаттары өткөрүлдү.

- Шаарга кандай жаңыланууларды киргизе алдыңыз? Эмнелер курулду?

- Шаардын социалдык-экономикалык өнүгүүсүнүн негизги шарттарынын бири каржылоо маселеси. Бирок, мен бир нерсени белгилеп кетким келет, къп акча тапкан байыбайт, ошол тапкан байлыгын сарамжалдуу пайдаланган байыйт. Бул маселеде биз чечкиндүү кадам жасадык. Муниципалдык мүлктү тактоо максатында атайын комиссия түзүп, шаардын муниципалдык менчигин эсепке алып, анын реестри түзүлдү. 2014-жылы жергиликтүү бюджеттин эсебинен жүргүзүлгөн курулуш иштерине  тендерлер  ачык  айкын, коомчулуктун катышуусунда өткөрүлүп, жарыяланган тендерлердин жалпы сметалык баасы 66 млн. сомду түзсө, тендердик баасы 59,3 млн.сомду түзүп,  натыйжада 6,7 млн.сом акча каражаты үнөмдөлдү. Өткөн жылда биз жетишкен ийгиликтердин дагы бири Жапалак айылындагы 120 орундуу балдар бакчасынын курулушу, ошондой эле шаардагы  240 орундуу  №33 С.Алымкулов атындагы орто мектебининин курулушу бүткөрүлүп, пайдаланууга берилди.  Андан сырткары кошумча каржылоо принциби менен АРИС, Евразия фонду жана башка уюмдар менен балдар аянтчалары, скверлер, фельдшердик-акушердик пункт жана башка обьекттер курулуп, пайдаланууга берилди.

- Мурунку мэрден кандай проблемалар калган эле? Аларды кантип чечтиңиз?

- Бизге «белек» катары калган А.Навои көчөсүндөгү жабылган, талкаланган көчөнү, бузулган эски көпүрөнү айтсак болот. Ал курулушту кайрадан мыйзам талаасына алып келүү эң оор маселе болуп калды. Анткени, курулуштун тендерлери олуттуу мыйзам бузуулар менен коштолгондуктан  курулуштуаны убактылуу токтотууга туура келди. Мындан тышкары, бюджет тартыш болуп турганда мындай кымбат көпүрөнү куруу тууралуу чечим кабыл алуунун өзү туура эмес эле. Ошондуктан биз көпүрөнүн бир нече альтернативдүү вариантын карап көрдүк жана эң эффективдүүсүн тандап алдык. Натыйжада, көпүрөнү курулушунун экинчи этабы  мурдагы 597,0 млн. сомдун ордуна  284,0 млн. сомго курулуп жатат. Ойлоп көрүңүз, бир эле көпүрөнүн курулушунан биз 313,0 млн. сомду үнөмдөп жатабыз. Андан сырткары мурда көпүрөнүн долбоорун даярдоого эле 31,0 млн. сом чыгымдалса, биз аны 3,0 млн. сомго бүтүрдүк. Буюрса, ушул жылдын октябрь айында көпүрөнү куруп бүткөрөбүз жана калаа тургундарына тартуулайбыз. Эң негизги башкысы, каржы маселесин чечүүдө Кыргыз Республикасынын Президенти Алмазбек Шаршенович Атамбаевдин көмөгү чоң болгонун белгилеп кетким келет. Президентибиздин кийлигишүүсү менен Орусия Федерациясынын грантынын эсебинен көпүрөнүн курулушуна республикалык бюджеттен 669,0 млн. сом акча каражаты бөлүнүп берилди.

- Айрым адамдар Мырзакматовдун убагында иреттүүлүк бар эле деген ойду айтышууда. Мындай сын айткандарга кандай жооп берээр элеңиз?

- Мен андай сын айткандарга аткарылган иштер менен жооп берээр элем.  Мэр болуп иштеп жаткан 1 жыл ичинде биз негизинен шаарды көрктөндүрүү, тазалык, базарларды иретке келтирүү багытында иш алып бардык. Борбордук базарды иретке келтирүү максатында атайын комиссия түзүлүп,  ал жерде жайланышкан 226 обьект текшерилди. Текшерүүнүн жыйынтыгында 45 обьектинин мамлекеттик актылары жок болуп чыкты, 154 объектин чек аралары аныкталып, схемага түшүрүлдү. 250 м2. муниципалдык аянттардын мыйзамсыз пайдаланылып жаткандыгы аныкталып, борбордук базар дирекциясынын карамагына өткөрүлүп берилди. Кара-Суу жана Ж. Раимбеков көчөлөрүнүн эки четиндеги тротуарларды мыйзамсыз соода жүргүзүп жаткан сатуучуларды борбордук базардын ичине жайгаштыруу боюнча иш чаралар  жүргүзүлүп, 1000 ден ашуун прилавкалар бузулуп, 300 дөн ашуун соода түйүндөрү  базардын ичине жайгаштырылды. Айта берсек, мына  ушуга окшогон мисалдар көп.

- Ош шаарында социалдык-саясий абал кандай?  Абалды туруктуу десек болобу?

- Шаар бийлиги тарабынан шаар тургундарынын муктаждыктарын өз учурунда чечүүгө аракеттер жасалып жаткандыктан учурда шаарыбызда коомдук-саясий кырдаал туруктуу десем болот. Биз бул туруктуулукка шаардыктардын проблемаларын кырааты менен чечүүнүн негизинде жетишип жатабыз. Алдын ала чараларды көрүп, жаратылыш газынын токтотулгандыгына байланыштуу шаардын кышка даярдыгын да 2014-жылдын апрель айында эле баштаганбыз. «Жол чырак»  жана «Тегене»  жоопкерчилиги  чектелген коомдору менен жетишилген макулдашууга ылайык калкты буюртмаларынын негизинде арзан көмүр түшүрүлүп берилиши сыяктуу ыкчамдуу чараларды көрдүк. Мына ушул сыяктуу аракеттердин жыйынтыгы буюруса жаман эмес.

- Ош шаары эмнеси менен даңазалуу?  Эмне үчүн туристтер жана кыргызстандыктар ушул шаарга келиши керек?

- Ош шаары өзүнүн 3 кылымдан ашуун тарыхы, географиялык абалы, мээлүүн климаты, таза абасы, Ак-Буурадай тунук дарыясы, Сулайман-Тоодой ыйык тоосу,  бай базары, көп улуттуу, ынтымактуу, күжүрмөн эли менен даңазалуу десем жаңылышпаймын. Айтылуу Манас эпосунда  Айкөл Манас Ошпур баатырга ушул аймакты жердеп, шаар курууга тапшырма берген экен. Биздин шаардын кооздугун атактуу Бабур ырга кошуп, «Ош - Фергана өрөөнүнүн бермети» - деп бекеринен  айтпаса керек. Баардыгыбыз жакшы билген «Улуу жибек жолу» ушул биздин шаарыбыз аркылуу өткөн. Ош аймагында атактуу, даңктуу Курманжан Датка төрөлгөн. Дүйнөнү дүңгүрөткөн Чынгыз Айтматовдун балалык чагы Ошто өткөн. Учурдан пайдаланып барын биздин Ошко эс алып кетүүгө чакырам. 

Суроо узаткан: Аида Тастанова 

 

http://www.nlkg.kg/kg/interview/mer-goroda-osh-ajtmamat-kadyrbaev-ya-postavil-pered-soboj-cel-%E2%80%93-rabotat-po-principu-zakonnosti 

 
Окулду 2519 жолу
Ушул категориядагы башка материалдар: « А.Кадырбаев: “Ош баарыбыздын сүйүктүү шаарыбыз”

Билдирүү кошуу


Сыр сөз
Жаңылоо

Тарых жана маданият

Ош шаары Көчмөндөр ааламынан алдынкы орундарды багындыра алды

Ош шаары Көчмөндөр ааламынан алдынкы орундарды багындыра алды

Ош шаары 4-7-сентябрь күндөрү, Ыссык-Көл облусунун Кырчын жайлоосунда өткөн “Көчмөндөр ааламы” фес...

Эки күнгө созулган “Этномаданият” фестивалы гала-концерт менен жыйынтыкталды

Эки күнгө созулган “Этномаданият” фестивалы гала-концерт менен жыйынтыкталды

Ош шаарында “Тарых жана маданият” жылынын алкагында өткөрүлгөн  эл аралык “Этномаданият” фестивалы...

Ош шаарында Бүбүсара Бейшеналиеванын 90 жылдыгы белгиленет

Ош шаарында Бүбүсара Бейшеналиеванын 90 жылдыгы белгиленет

Бүгүн, 4-июнь Б.Бейшеналиеванын 90 жылдыгына арналган концерт Султан Ибраимов атындагы Ош улуттук др...

Ошто Кыргызстанда биринчи жолу “Этномаданият” эл аралык фестивалы өтүп жатат

Ошто Кыргызстанда биринчи жолу “Этномаданият” эл аралык  фестивалы өтүп жатат

Бүгүн, 2-июнда С.Ибраимов атындагы Ош улуттук драма театрынын аянтында “Этномаданият” эл аралык  фес...

Кыргызстанда биринчи жолу өтүп жаткан “Этномаданият” эл аралык фестивалында элге байыркы Оштун элеси тартууланат

Кыргызстанда биринчи жолу өтүп жаткан “Этномаданият” эл аралык  фестивалында элге байыркы Оштун элеси тартууланат

Ош шаарында  Тарых жана маданият жылынын алкагында 2-3-июнь күндөрү Эл аралык "Этномаданият" фести...

 

Кайрылуулар

А.Кадырбаев: “Ош баарыбыздын сүйүкт…

А.Кадырбаев: “Ош баарыбыздын сүйүктүү шаарыбыз”

Ош шаарынын мэри Айтмамат Кадырбаев калаада боло турган “Ош ...

Ош шаарынын мэри: Менин ишимди эл б…

Ош шаарынын мэри: Менин ишимди эл баалайт

Айтмамат Кадырбаевдин Ош шаарынын мэрлигине шайланганына 1 ж...

Айтмамат Кадырбаев, Ош шаарынын мэр…

Айтмамат Кадырбаев, Ош шаарынын мэри: «Мыйзамдуулук принциптерин алдыма максат кылып койгонмун...»

Ар түрдүү саясий ызы-чууга көп аралашкан, анын ичинде көңүл ...

Сурамжылоо

Сиз жашаган аймактан таштанды өз убагында алынабы?

« Апрель 2017 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
FB
ОК

Фоторепортаждар

Пред След

Видеорепортаждар

Пред След

Акыркы 3 жылда Ош шаарында аткарылг…

Акыркы 3 жылда Ош шаарында аткарылган иштерден кыскача маалымат

  Мэр Айтмамат Кадырбаевдин Ош шаары жана Ош шаарынын эли ү...

Оштун студенттери шаар мэри А.Кадыр…

Оштун студенттери шаар мэри А.Кадырбаевдин бир күндүк иш-планы менен таанышты

Ош шаарынын мыкты студенттери, Президенттик стипендиянын ээл...

Ош шаары өңүгүү жолунда - 09.2016

Ош шаары өңүгүү жолунда - 09.2016

Ордолуу Ош кылымдарды карытып, 3016 жылдык тарыхты камтыган,...

Видео Ош шаарында Айт намазга 12 ми…

Видео Ош шаарында Айт намазга 12 миңден ашуун адам катышты

Бүгүн 17-июнь күн Орозо айт майрамы. Ош шаарында саат 7;45те...

А.Кадырбаев: Тазалаган жер эмес, бу…

А.Кадырбаев: Тазалаган жер эмес, булгабаган жер таза болот

     Ош шаарынын мэри Айтмамат Кадырбаев 29-июнь күнү “Ош-Та...

Ош шаарында комуналдык, социалдык м…

Ош шаарында комуналдык, социалдык маселелер чечилүүдө

Ош шаарынын жетекчилиги эл күнүгө бетме-бет келген бала бакч...

Ош шаарынын мэри Жеңиштин 70 жылдыг…

Ош шаарынын мэри Жеңиштин 70 жылдыгына карата ардагерлерге 70 миң сомдон сыйлык тапшырды

Бүгүн 9-май Улуу Ата Ата Мекендик согуштагы жеңиштин 70 жы...

Ош шаарында Улуу Жеништин 70 жылдыг…

Ош шаарында Улуу Жеништин 70 жылдыгы жогорку деңгээлде өттү

Улуу Жеңиштин 70 жылдык майрамы Ош шаарында жогорку деңгээлд...

КирүүКатталуу