1. Skip to Menu
  2. Skip to Content
  3. Skip to Footer
Facebook
Пятница, 03 Июль 2015 11:24

Ош шаарынын мэри: Менин ишимди эл баалайт

Айтмамат Кадырбаевдин Ош шаарынын мэрлигине шайланганына 1 жыл 2 айга чукулдап калды. Шаар башчысы бул убакыт ичинде жасаган иштери, келе жаткан парламенттик шайлоо, Ош шаарындагы учурдагы саясий кырдаал туурасында Sputnik маалымат сайты менен маек курду. 

— Айтмамат Тентибаевич, Ош шаары өнүгүүнүн жаңы баскычына өткөндүгү туурасында айттыңыз эле. Ал кандай өнүгүүлөр?

— Ооба, биз өнүгүүнүн жаңы баскычына өттүк десем туура болот. 2014-жылдын ичинде Ош шаарында 2 млрд. 769, 4 млн. сомдук өнөр жай продукциясы өндүрүлдү. Инвестициялык климат жакшырып, калаанын экономикасына 4,7 млрд. сомдук сырткы жана ички инвестиция тартылды. Бул Ош шаары үчүн жакшы көрсөткүч. Бир жыл ичинде алты ири ишкана ачылып, 913 жаңы жумушчу орундары түзүлдү. 2014-жылдын январь-декабрь айларында 297 жеке турак үй пайдаланууга берилди. Ал эми 2014-жылы шаар бюджетинин көлөмү 787 млн. сомду түзсө, жакында шаардын бюджетин эле кабыл алдык, бул 143 миллионго сомго көп болду. Бюджеттин чыгаша бөлүгү 930 млн. 700 миң сомду түздү. Салыкты былтыркы жылга салыштырмалуу 111 млн. сомго көп топтодук, быйыл да ички резервдерди колдонуп, акчаны көбүрөөк топтогонго аракет бар.

— Эстакадалык көпүрөнүн курулуш процесси кандай жүрүп жатат, себеби, бул курулуш саясий өңүт алып калганы баарыбызга маалым?

— Шаардын так ортосуна түшүп жаткан көпүрөнүн айланасындагы ызы-чуу Ош аймагынын эле эмес, бүтүндөй республикада чоң баш ооруну жаратты десем туура болот. Бирөө билип айтат, бирөө билбей айтат демекчи, азыр да "мурунку жетекчилер болсо, көпүрө курулуп бүтмөк эле" деген ойдо жүргөн адамдар жок эмес. Жумурай журтка Ош шаарынын мэри катары расмий маалымат бере кетсем. Көпүрөнүн курулушу 2014-жылы 28-майда кайрадан башталган. Буга чейин ар кандай ызы-чуу сөздөр болду деп айтпадымбы… Анын курулушу башталганда мурдагыдай ката кетирбешке, мыйзамдуу иш алып барганга аракет кылдык. Биринчи долбоордун наркы боюнча айтсам, мага чейинкиси 850 миллион сом деп түзүлүптүр. 

Чындыгында, тооккана салсаң дагы анын долбоору болушу керек. Эмне үчүн анын айланасында ызы-чуу көп болду? Аталган долбоор экспертизадан өтпөй туруп эле башталып, наркы 31 миллион сомго бааланган. Прокуратура тарабынан жокко чыгарылгандан кийин, Өкмөттүн алдындагы Архитектура, курулуш жана турак жай-коммуналдык чарба мамлекеттик агенттигине курулуш боюнча долбоорун чийдирдик, ал 3 миллион сомго бүттү. Негизинен курулушу 3 баскычка бөлүнгөн. Учурда курулуштун экинчи этабы кызуу жүрүп жатат. Кудай буюрса, күз айларында толук пайдаланууга берилет. Ош шаарындагы автотыгын көйгөйлөрүн эске алып, биз кыска мөөнөттө эле толук пайдаланууга берели деп жатабыз. 

Акча каражаты россиялык гранттан бөлүнгөн. Мамлекет башчысы Алмазбек Атамбаев толугу менен чечип берген, учурдан пайдаланып ал кишиге шаардыктардын атынын ыраазычылык билдирип кетмекчимин. 

— Былтыр Ош шаарынын тургундары көгүлтүр от менен камсыз болууда кыйналганын билебиз, бул жаатта азыр абал кандай?

— Өзүңүздөргө белгилүү болгондой, 2014-жылдын 14-апрелинен тарта Өзбекстан газ берүүнү белгисиз себептерден улам токтоткон. Газ жоктугуна байланыштуу суунун көлөмү да аз болду. Элди кыштан кантип кыйналбай алып чыгуунун жолдорун май айында эле коллегияда талкуулап, карап баштаганбыз. Шаардыгы көп кабаттуу 640 үй болсо, анын ичинен 52 үйдү кайрадан борбордук жылытуу системасына уладык. Андан сырткары 27 жатакананы кайрадан жылуулук борборго улоого мүмкүнчүлүк болду. 29 бала бакчаны суюлтулган газ менен камсыздадык. Беш от казанды электр энергиясынан көмүргө өткөрдүк. Шаарда 5226 аз камсыз үй-бүлө болсо, аларды электр плиталары, газ баллондор менен камсыз кылганга үлгүрдүк. Бул президенттик жардамы менен жасалды. 

Көмүр казуучулар менен килограммын 4 сомдон сүйлөшүп, жер үйлөрдө жашагандарга көмүр таркаттык. Мындайча айтканда, энергетикалык коопсуздукка Ош шаарында 237 млн. сом акча салынды, анын ичинен 25 млн. сому жергиликтүү бюджеттин эсебинен болду. Андан сырткары ар кыл кубаттуулуктагы бир нече трансформаторлорду сатып алып, орноттук. 

2014-жылдын август айларында "свет өчүрүүлөр болот экен, газ да жок болсо эми кантебиз?" деген суроолор пайда болгон. Ошондо эле 640 кабаттуу үйлөрдө электр энергиясы өчүрүлбөйт деп айтканмын. 

Кыштын тең жарымын газы жок эле жашадык, бул деген Кыргызстанда өзүн-өзү бага алат, бирөөлөрдүн алдына чөгөлөбөйт дегенди түшүндүрөт. Кудайга шүгүр, бүгүн газ бар, электр энергиясы жетиштүү. Ош шаарынын Жылуулук электр станциясында (ЖЭС) көмүрдүн да, мазуттун да запасы жетиштүү. 

— Сиз жетектеген аймактагы улут аралык мамилелер боюнча абал туурасында токтолсоңуз. 

— Ош шаарынын тургундарынын 49,8 пайызы кыргыз, 43,8 пайызы өзбек улутундагылар болсо, калганы башка улуттун өкүлдөрү. 

Өткөн жылдагы жетишкендиктерибиздин бири — элибиздин ынтымагы, биримдиги болду. Бул Ош шаары үчүн жакшы жышаан. 2010-жылдагы окуялар эмне менен аяктагандыгын жакшы билесиздер. Мындан ким зыян тартты, ким пайда көрдү, муну шаардыктар жакшы билет. Улут аралык мамилени чыңдоодо "Сулайман-Тоо – тынчтыктын, биримдиктин кепилдиги” деген программаны кабыл алганбыз, ал ар бир тармак боюнча иштеп жатат. Андан сырткары улут аралык мамилелерди спорт аркылуу чыңдоо максатында бир топ иш-чараларды өткөрүп келебиз. Эки улуттун аксакалдары биргешелип чай ичип дегендей, биргеликте элге тынчтыктын барк-баасын айтып, ынтымакка үгүттөп жатат. Өзбек тилдүү мектептерибизде Манас атанын класстары бар. Достукту, биримдикти бекемдей турган иш-чаралар үзгүлтүксүз өткөрүлүп келет. Бул багытта түйүндүү маселе жок. 

— Ош жана Жалал-Абад шаарларын кайра кылыбына келтирүү боюнча дирекция курган үйлөрдүн тегерегинде түйүндүү маселелер көп, буга эмне дейсиз? 

— 2010-жылдагы негизги максат — үйсүз калган адамдарды үй менен камсыз кылуу маселеси болгон. Ошол кезде дирекция кызматкерлери окту, отту кечип аталган жумуштарды алып барган. Эми иштеген жерде сөзсүз түрдө кемчилик болот экен. Кетирген кемчиликтер азыр кайрадан жөнгө келтирилип жатат. 

— Бул кемчиликпи же мыйзам бузуучулукпу? 

— Бул жерде бирөөлөр мыйзам буза турган болсо ал сөзсүз түрдө мыйзам алдында жооп бериши керек. Кетирилген кемчиликтер азыр оңдолуп жатат деп жогоруда белгиледим.

— Сиз да аталган дирекцияда иштегенсиз да, эмне иштерди алып бардыңыз эле?

— Ал жерде 2012-жылы 12-мартынан тарта башкы директордун биринчи орун басары болуп иштегем. Мен келгенден кийин бир жылдын тегерегинде аталган дирекция иши токтоткон. Кызматка жаңы киришкенимде курулуп жаткан үйлөргө тендерлер толук жарыяланып бүткөн экен, андан кийин бир да тендер өткөн эмес, курулуштун жүрүшү, эл менен иштөө, гуманитардык жардамдар боюнча иш алып баргамын.

— Сирияга кетип жаткандар Ош шаарынан да бар, бул боюнча акыркы маалыматтар кандай?

— Бул биздин коомубуздагы эң талылуу көйгөйлөрдүн бири. Күч органдардын расмий маалыматына таянсак, Ош шаарынан Сирияга 44 адам кетип, анын ичинен экөө каза болгон. Сирияга кеткендер көбүнчө 18-30 жаштагы жарандар. Бул жаатта алдын алуу, түшүндүрүү багытында ар тараптар комплекстүү ишти дайыма алып барып жатабыз. Булардын арасындагы жаш балдар эмнени түшүнөт, атайын сырттан келип, азгырган күчтөр бар.

— КР быйыл май айынан тарта интеграциялык жаңы уюмга киргени турат, бул боюнча пикириңизди эшитсек?

— Биринчи кезекте артыкчылык — "алыскы туугандан жакынкы кошуна" деген принципке таянышыбыз керек. Эртеби-кечпи бул уюмга (Бажы биримдиги – ред.) киришибиз зарыл болучу. Биз Евразиялык экономикалык биримдикке (ЕАЭБ) кошулгандан соң, КРдеги, Ош шаарыбыздагы өндүрүлгөн продукцияларды Россияга, Казакстанга, Белоруссияга түздөн-түз сатууга мүмкүнчүлүк пайда болот. Бул жер иштеткен биздин аймактын дыйкандары үчүн жакшы болмокчу. Лабораториялар туурасында сөз болуп жатат, кудай буюрса, ошолор заманбап болуп кайра жабдыла турган болсо, бизде өндүрүлгөн продукцияларды эл аралык рынокко өткөрүүгө жакшы шарт түзүп берет деген ишеничте турабыз. 

— Күздө парламенттик шайлоо турат. Сиздин мэрлик иш саясий кызмат катары дагы болуп калууда. Ишмердүүлүгүңүздү мурдагы мэр Мырзакматовго салыштырган учурлар да көп. Буга кандай карайсыз? 

— Мурунку мэрби, азыркыбы, менден кийинкиби буга эл тараза болуп, баасын берсин. Мен эми өзүмө баа берип, айта албайм, андайдан такыр алысмын. Салыштырса, эч кандай реакция жасабайм. Эл өзү чечсин. 

Ош шаарында бейрасмий алсак, 500 миңге жакын, ал эми статистикалык маалыматтар боюнча 265 миң калк жашайт. Ош шаарында шайлоочулар 117 миңдин тегерегинде делген, азыр такталып жатат. Буга чейин 147 миң адам биометрикалык каттоодон өттү. Жогорку Кеңешке болгон шайлоонун өтүшүнө аткаруу бийлиги материалдык-техникалык жактан ыңгайлуулуктарды түзүп беребиз. Кимге добуш беришти шайлоочулар өздөрү чечет. Эл арасында туруктуулукту камсыздоо боюнча да иштеп жатабыз. Эч кандай маселе жок, бүгүнкү күндө Ош шаарында саясий абал тынч. 



Sputnik Кыргызстан: http://sputnik.kg/opinion/20150311/1014625858.html#ixzz3epo5zlxi

 

 
Окулду 2482 жолу
Ушул категориядагы башка материалдар: А.Кадырбаев: “Ош баарыбыздын сүйүктүү шаарыбыз” »

Билдирүү кошуу


Сыр сөз
Жаңылоо

Тарых жана маданият

Өкмөтүнүн программасы "Жаңы доорго - кырк кадам"

Өкмөтүнүн программасы "Жаңы доорго - кырк кадам"

Өкмөтүнүн программасы "Жаңы доорго - кырк кадам"

Ошто Чүй облусунун маданият күндөрү өтүүдө

Ошто Чүй облусунун маданият күндөрү өтүүдө

7-август Чүй облусунун маданият күндөрү башталып, Сары-Өзөн таланттары Султан Ибраимов атындагы Ош о...

Төкмө акын Идирис Айтибаев Өзбекстан президентинин белектерин алды

Төкмө акын Идирис Айтибаев Өзбекстан президентинин белектерин алды

Кечээ, 7-август күнү төкмө акын Идирис Айтибаев Ош шаарынын делегациясы менен биргеликте Андижан шаа...

Ош шаарында Эгемендүүлүктүн 26 жылдыгы жогорку деңгээлде белгиленди

Ош шаарында Эгемендүүлүктүн 26 жылдыгы жогорку деңгээлде белгиленди

31-август күнү Ош шаарында Кыргыз Республикасынын көз карандысыздыгынын 26 жылдыгына карата уюштурул...

Кыргызстандын Эгемендүүлүгүнүн 26 жылдыгын быйыл Ош шаары өзгөчө белгилейт

Кыргызстандын Эгемендүүлүгүнүн 26 жылдыгын быйыл Ош шаары өзгөчө белгилейт

Урматтуу Ош шаарынын тургундары жана меймандары! Кыргызстандын Эгемендүүлүгүнүн 26 жылдыгын быйыл О...

Ош Фест - 2017” туристтик фестивалы жогорку деңгээлде өттү

Ош Фест - 2017” туристтик фестивалы жогорку деңгээлде өттү

Бүгүн, 19-август күнү Ош шаарында “Ош Фест - 2017” эл аралык туристтик фестивалы болуп өттү. Ага Ош ...

Ош шаарында “Сүйүү багы” эс алуучу борбору ачылды

Ош шаарында “Сүйүү багы” эс алуучу борбору ачылды

Бүгүн, 14-август күнү Ош шаарында “Сүйүү” эс алуу багынын салтанаттуу ачылуу аземи болуп өттү. Ага О...

Ош шаарында көп балалуу энелер сыйланды

Ош шаарында көп балалуу энелер сыйланды

Бүгүн, 13-июлда Ош шаарында көп балалуу энелерге “Баатыр эне” ордени жана “Эне даңкы” медалдары тапш...

Ошко Өзбекстандын Мукими театры “Жайдары келин” спектаклы менен келди

Ошко Өзбекстандын Мукими театры “Жайдары келин” спектаклы менен келди

Бүгүн, 7-июнда Ош шаарынын Бабур театрында Мукуми атындагы өзбек мамлекеттик музыкалык театрынын арт...

Ош шаарынын мэриясы Жолболду Алыбаевге 70 жылдык маарекесинде 100 миң сом ыйгарды

Ош шаарынын мэриясы Жолболду Алыбаевге 70 жылдык маарекесинде 100 миң сом ыйгарды

Бүгүн, 19-майда Ош шаарындагы С.Ибраимов атындагы улуттук драма театрында белгилүү комузчу, обончу-д...

Ош: 1000ге жакын энелерге баалуу белектер берилди

Ош: 1000ге жакын энелерге баалуу белектер берилди

  Бүгүн, 18-майда  С.Ибраимов атындагы Ош улуттук драм театрында энелер күнүнө арналган  майрамдык и...

Ош шаарында Корея маданиятынын айы өтөт

Ош шаарында Корея маданиятынын айы өтөт

27-апрелде Ош шаарынын биринчи вице-мэри Замирбек Аскаров Корея Республикасынын Кыргызстандагы өзгөч...

Ош шаары Көчмөндөр ааламынан алдынкы орундарды багындыра алды

Ош шаары Көчмөндөр ааламынан алдынкы орундарды багындыра алды

Ош шаары 4-7-сентябрь күндөрү, Ыссык-Көл облусунун Кырчын жайлоосунда өткөн “Көчмөндөр ааламы” фес...

Эки күнгө созулган “Этномаданият” фестивалы гала-концерт менен жыйынтыкталды

Эки күнгө созулган “Этномаданият” фестивалы гала-концерт менен жыйынтыкталды

Ош шаарында “Тарых жана маданият” жылынын алкагында өткөрүлгөн  эл аралык “Этномаданият” фестивалы...

Ош шаарында Бүбүсара Бейшеналиеванын 90 жылдыгы белгиленет

Ош шаарында Бүбүсара Бейшеналиеванын 90 жылдыгы белгиленет

Бүгүн, 4-июнь Б.Бейшеналиеванын 90 жылдыгына арналган концерт Султан Ибраимов атындагы Ош улуттук др...

Ошто Кыргызстанда биринчи жолу “Этномаданият” эл аралык фестивалы өтүп жатат

Ошто Кыргызстанда биринчи жолу “Этномаданият” эл аралык  фестивалы өтүп жатат

Бүгүн, 2-июнда С.Ибраимов атындагы Ош улуттук драма театрынын аянтында “Этномаданият” эл аралык  фес...

Кыргызстанда биринчи жолу өтүп жаткан “Этномаданият” эл аралык фестивалында элге байыркы Оштун элеси тартууланат

Кыргызстанда биринчи жолу өтүп жаткан “Этномаданият” эл аралык  фестивалында элге байыркы Оштун элеси тартууланат

Ош шаарында  Тарых жана маданият жылынын алкагында 2-3-июнь күндөрү Эл аралык "Этномаданият" фести...

 

Кайрылуулар

А.Кадырбаев: “Ош баарыбыздын сүйүкт…

А.Кадырбаев: “Ош баарыбыздын сүйүктүү шаарыбыз”

Ош шаарынын мэри Айтмамат Кадырбаев калаада боло турган “Ош ...

Ош шаарынын мэри: Менин ишимди эл б…

Ош шаарынын мэри: Менин ишимди эл баалайт

Айтмамат Кадырбаевдин Ош шаарынын мэрлигине шайланганына 1 ж...

Айтмамат Кадырбаев, Ош шаарынын мэр…

Айтмамат Кадырбаев, Ош шаарынын мэри: «Мыйзамдуулук принциптерин алдыма максат кылып койгонмун...»

Ар түрдүү саясий ызы-чууга көп аралашкан, анын ичинде көңүл ...

Сурамжылоо

Сиз жашаган аймактан таштанды өз убагында алынабы?

Ооба - 53.8%
Жок - 23.1%
Ар кандай - 23.1%

Добуштардын саны:: 26
« Октябрь 2017 »
Пн Вт Ср Чт Пт Сб Вс
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
FB
ОК

Видеорепортаждар

Пред След

ЭлТР "Күнмаекте" Ош мэри …

ЭлТР "Күнмаекте" Ош мэри А.Кадырбаев

Ош шаарынын мэри Айтмамат Кадырбаев ЭлТРдин "Күнмаек" програ...

Акыркы 3 жылда Ош шаарында аткарылг…

Акыркы 3 жылда Ош шаарында аткарылган иштерден кыскача маалымат

  Мэр Айтмамат Кадырбаевдин Ош шаары жана Ош шаарынын эли ү...

Оштун студенттери шаар мэри А.Кадыр…

Оштун студенттери шаар мэри А.Кадырбаевдин бир күндүк иш-планы менен таанышты

Ош шаарынын мыкты студенттери, Президенттик стипендиянын ээл...

Ош шаары өңүгүү жолунда - 09.2016

Ош шаары өңүгүү жолунда - 09.2016

Ордолуу Ош кылымдарды карытып, 3016 жылдык тарыхты камтыган,...

Видео Ош шаарында Айт намазга 12 ми…

Видео Ош шаарында Айт намазга 12 миңден ашуун адам катышты

Бүгүн 17-июнь күн Орозо айт майрамы. Ош шаарында саат 7;45те...

А.Кадырбаев: Тазалаган жер эмес, бу…

А.Кадырбаев: Тазалаган жер эмес, булгабаган жер таза болот

     Ош шаарынын мэри Айтмамат Кадырбаев 29-июнь күнү “Ош-Та...

Ош шаарында комуналдык, социалдык м…

Ош шаарында комуналдык, социалдык маселелер чечилүүдө

Ош шаарынын жетекчилиги эл күнүгө бетме-бет келген бала бакч...

Ош шаарынын мэри Жеңиштин 70 жылдыг…

Ош шаарынын мэри Жеңиштин 70 жылдыгына карата ардагерлерге 70 миң сомдон сыйлык тапшырды

Бүгүн 9-май Улуу Ата Ата Мекендик согуштагы жеңиштин 70 жы...

Ош шаарында Улуу Жеништин 70 жылдыг…

Ош шаарында Улуу Жеништин 70 жылдыгы жогорку деңгээлде өттү

Улуу Жеңиштин 70 жылдык майрамы Ош шаарында жогорку деңгээлд...

КирүүКатталуу