1. Skip to Menu
  2. Skip to Content
  3. Skip to Footer
Facebook

 Урматтуу Кыргызстандыктар!  Кымбаттуу Мекен коргоочулары!

Сиздерди, Ош шаарынын мэриясынын жана жеке өзүмдүн атымдан 23-февраль – Ата Мекенди коргоочулардын күнү менен куттуктайм!

Өлкө турмушунда бир катар ардактуу, тарыхый маарекелер жана майрамдар бар. Алардын арасында бүгүнкү майрамдын мааниси өзгөчө, анткени, ар бир эр-азамат үчүн Ата Мекенди коргоодон өткөн ыйык милдет жок десек эч жаңылышпайбыз.

Бул күнү биз калыптанып калган салтты улап, Ата Мекенди Коргоочуларды — каарман, эр жүрөк, Мекенин, үй-бүлөсүн, жакындарын коргой билген эр азаматтарды куттуктап, даңазалайбыз.

Ата Мекенди коргоочу- бул бир гана чеп бетинде турган жоокер эмес. Бул- биздин экономикабызга, саламаттык сактоого, билим берүүгө, маданиятыбызга жана идеологиябызга күн сайын эмгеги менен салымын кошуп жаткан ар бир атуул.

Мезгил учкул - муундар алмашып, баалуулуктар өзгөрүүдө, улам жаңы максаттар жана милдеттер алдыга коюлууда. Бирок бир гана нерсе - Мекенди коргоо, туулган жериңди, элиңди коргоо зарылчылыгы эч өзгөрүүсүз калат. Мамлекеттүүлүктү, эркиндикти жана биримдикти коргоо азыр да зор мааниге ээ. Бардыгыбыздын максатыбыз бир – күчтүү, эркин жана гүлдөп өнүккөн Кыргызстанды куруу!

Ата-журтту коргоо ар атуул үчүн – ыйык парз, эр-жигитке эл тарабынан көрсөтүлгөн зор ишеним.

Ынтымак, ырыскы өкүм сүргөн, чындык жана калыстык үчүн күрөшкөн, элине талыкпай эмгек кылган адам гана Ата Мекендин чыныгы коргоочусу боло алаары бышык. Эр жигиттер ынтымакка жетүүнүн, айкөлдүктүн үлгүсүн көрсөтүп, үй-бүлөдө дагы, коомдук турмушта дагы алдыңкы катарда болуусу тийиш.

Кымбаттуу мекендештер!

Өлкөбүздүн, шаарыбыздын, анын ичинде ар бир үй-бүлөнүн бейпил турмушун коргоп жаткан жалпы мырзаларга ушул майрам күнү чың ден соолук, ийгилик, тынчтык жана бакубат турмуш каалаймын!Ар дайым жергебизде жакшылык жылоолоп, алдыга койгон ой-максаттарыңыздардын ишке ашуусуна, Ала-Тоонун бейпилдиги үчүн аман болушуңуздарга ак ниетимден тилектешмин.

Дагы бир ирет майрамыңыздар менен куттуктайм, урматтуу Мекен коргоочулары. 

Бүгүн, 22-февраль күнү Ош шаарында экотехинспекция кызматкерлеринин кесиптик майрамы белгиленип, сыйлоо аземи болуп өттү. Ага Ош шаарынын вице-мэри Шакир Зулимов, шаардык кеңештин төрагасынын орун басары Бактыбек Каналиев,  КРнын Өкмөтүнө караштуу экологиялык жана техникалык коопсуздук боюнча Мамлекеттик инспекциясынын Ош шаардык регионалдык  башкармалыгынын башчысы Медетбек Маметов,  мамлекеттик экотехинспекция кызматкерлери катышты.

Ош шаарынын вице-мэри Шакир Зулимов жумуштун көлөмүнө жана татаалдыгына карабастан, шаардын кооздугун, көркөмдүүлүгүн артыруу жана жандуу жаратылышты коргоо жаатында экотехинспекция кызматкерлеринин эмгеги чоң экендигин айтып, көзөмөл органынын аброюн көтөрүүгө салым кошуп жатканынын белгиледи.

Жыйындын алкагында  Ош шаарынын социалдык-экономикалык өнүгүүсүнө кошкон барандуу салымы, экологиялык, техникалык жана эмгек коопсуздугу жаатында жигердүү, ак ниет эмгеги үчүн КРнын Өкмөтүнө караштуу экологиялык жана техникалык коопсуздук боюнча Мамлекеттик инспекциясынын Ош шаардык регионалдык  башкармалыгынын бир нече кызматкерлерине Ош шаарынын мэриясынын жана шаардык кеңешинин ардак грамотасы жана акчалай сыйлыгы менен тапшырылды.

Бүгүн, 21-февраль күнү Ош шаарынын мэри Айтмамат Кадырбаев бир нече мекеме-ишканалардын жетекчилери менен биргеликте Ош шаарына текстиль фабрикасын куруу долбоорун ишке ашыруу максатында Кең-Сай айылына барды.

Шаар башчысы Айтмамат Кадырбаев Ош шаарынын мэриясынын негизги приоритеттүү багыттарынын бири шаардыктарды жумуш орундары менен камсыз кылуу экендигин баса белгиледи.

-“ Быйыл Өлкө башчысы “Региондорду өнүктүрүү” жылы деп жарыялап, “Жаңы доорго кырк кадам” долбоору кабыл алынды. Анын алкагында жумуш орундары менен камсыз кылуу боюнча иш алып баруу аракетинде инвесторлорду тартып жатабыз. “Кыргыз Текстиль ЛТД”  ЖЧКсы тарабынан Ош шаарына текстиль фабрикасын куруу долбоорун ишке ашыруу максатында Кең-Сай массивинен 25 гектар жер бөлүп бердик. Бул кадам келечекте 7 миң жумуш оруну менен шаардыктарды камсыз кылат”,- деди А.Кадырбаев.

Ошондой эле, тигүү фабрикасына кошумча жумушчуларга социалдык объектилер жана жатакана курула тургандыгы пландалууда.

Ага улай, шаар мэри Айтмамат Кадырбаев тийиштүү жетекчилер менен биргеликте Манас-Ата аймактык кеңешине барып, “ЖБИ-20” өндүрүш ишканасынын куруу пландары менен таанышты.

“ЖБИ-20” өндүрүш ишканасынын жетекчиси Чынгыз Исмаиловдун айтымында ишкана мембрана пакетин жана эт азыктарын кайры иштеп чыгаруучу фабрика болот. Ошондой эле, ишкана Россия-Кыргыз өнүктүрүү фонду тарабынан каржылана тургандыгын кошумчалады.

Бүгүн, 21-февралда Оштогу Түштүк аймактык жаштар жана өспүрүмдөр спорт мектебинде Ата Мекенди коргоочулардын күнүнө карата эркектер арасында волейбол жана баскетбол мелдеши башталды. Мелдештин ачылуу аземине Ош шаарынын вице- мэри Нурбек Кадыров, шаардык дене тарбия жана спорт комитетинин  төрагасы Кылычбек Саркарбаев, кызматкерлери, спортчулар катышты.

Нурбек Кадыров шаар мэринин атынан катышуучуларды Ата Мекенди коргоочулардын күнү менен куттуктап, ийгиликтерди каалады.

Мелдеш эки топко бөлүнүп өтүүдө.

1-топ, Ош шаарында жайгашкан бардык каалоочу  мекеме-ишканалардын, күч курамдардын, билим берүү, медицина жана коомдук уюмдардын кызматкерлери арасында,

2-топ, шаардагы жогорку жана орто окуу жайларынын студенттери  арасында. 

-“ Бул мелдештин негизги максаты республикалык, эл аралык мелдештерге Ош шаарынан мыкты спортчуларды жана курама командаларды тандап алуу, спортту калк арасында пропагандалоо, аларды спорт менен машыгууга үндөө ошондой эле шаардыктардын маанайын спорт аркылуу көтөрүү болуп эсептелет. Мелдешке жалпы мекеме ишканалардан 14 команда, окуу жайлардан  7 команда катышууда. Оюндар 22-февралда жыйынтыкталып, финалдык таймашында жеңишке жеткен командалар Ош шаардык дене-тарбия жана спорт комитети тарабынан дипломдор, кубоктор жана баалуу белектер менен сыйланат”,-деди Ош шаардык дене-тарбия жана спорт комитетинин спорт боюнча башкы адиси Дубанаев Кубатбек.

Бүгүн, 21-февралда  Оштогу Кыргыз-Өзбек Университетинде Эл аралык эне тил күнү белгиленди. Иш-чарага Ош шаарынын мэри Айтмамат Кадырбаев, шаардык кеңештин төрагасы Жапарбек Ормонов, Кыргызстан Элинин Ассамблеясынын  Оштогу бөлүмүнүн өкүлдөрү, мугалимдер жана студенттер катышты.

Анда Кыргызстан Элинин Ассамблеясынын  Оштогу бөлүмүнүн 13 улуттук маданий борборлорунун көргөзмөсү уюштурулду.

Айтмамат Кадырбаев өз тилин көздүн карегиндей сактоо менен башка улуттун эне тилине аяр,  сый-урмат менен мамиле кылуу Кыргызстандын бардык жашоочусунун жарандык милдети экендигин билдирди.

-“ Бүгүн дүйнөнүн көптөгөн өлкөлөрүндө «Эл аралык  Эне тил  күнү» белгиленүүдө. Тарыхка кайрыла турган болсок, 21-февраль - Эне тил күнү катары 1999-жылы  ЮНЕСКО  тарабынан бекитилип,  2000-жылдан тарта белгилене  баштаган.

Бул датанын майрам катары тандалып алынышынын  себеби - 1952-жылы 21-февралда Бангладештин борборунда студенттер эне тилинин мамлекеттик тил болушун талап кылып көтөрүлүшкө чыгышып, полиция кызматкерлеринин огунан каза болушкан жана   ушул тарыхый күн эне тил күнү катары бүгүнкү күнгө чейин белгиленүүдө. Демек, урматтуу студент достор, ар бир улуттун эне тилинин орду, мааниси үчүн  өмүрүн берген патриот жаштардын эрдиги ар бирибиз үчүн  терең сабак болушу керек. Биз  эне тилибиз аркылуу инсандык касиетке ээ болобуз,  ал эми  көп тилдүүлүк аркылуу жакындашып, достошобуз,  дүйнө тааныйбыз  жана мамлекетибиздин жараны катары калыптанып  келебиз.

Улуттар аралык достук жана биримдик - Ош шаарынын мэриясынын ишмердүүлүгүнүн эң негизги  приоритети  катары  каралып  келет, анткени сыймыктуу Ош шаарыбыз бир эле Кыргызстанда эмес, Борбордук Азия чөлкөмүндө көп улуттардын каада-салтынын жана тилдеринин консолидациясына айланган Улуу Жибек жолундагы тарыхый жана маданий борбор болуп эсептелинет.  Ошондуктан, биздин шаарда «Эл аралык  Эне тил күнүн» белгилөө - өзгөчө  символикалуу  десек  жаңылышпайбыз”,-деди шаар мэри.

Иш-чаранын жүрүшүндө, Айтмамат Кадырбаев  Улуттар аралык достук жана биримдикти өнүктүрүүгө кошкон салымы үчүн бир нече Ассамблеянын өкүлдөрүнө төш белгилерди жана Кыргызстан Элинин Ассамблеясынын  Оштогу бөлүмүнө акчалай сыйлык тапшырды.

Майрам улуттук маданий борборлордун үрп-адаттарынан сахналык көрүнүштөр концерттик программалар менен коштолду.

Бүгүн, 20-февралда Ош шаардык бокс жана оор атлетика спорт мектебинин залында Кыргыз боксунун түзүлгөндүгүнүн  90 жылдыгы белгиленди. Ага Ош шаарынын мэри Айтмамат Кадырбаев, шаардык бокс Федерациясынын президенти Медетбек Маметов, шаардык дене тарбия жана спорт комитетинин кызматкерлери, спорт ардагерлери жана спортчулар катышты.

Шаар мэри Кыргыз боксунун өнүгүшүнө салым кошкон  спорт ардагерлерин жана спортчуларды куттуктап сөз сүйлөдү.

-“ Мамлекетибизде ошол эле мезгилде шаарыбызда спортко , айрыкча спорт менен машыккан жаштарга, өзгөчө көңүл бурулуп жаткандыгы баарыбызга маалым. Кыргызстандын эртеңки күнүдени сак, бакубат, сергек жаштарыбыздын колунда экендигине басым жасалып, жаштарыбыздын спортко болгон кызыгуусун арттырууга кам көрүлүп жана кыргыз спортун өнүктүрүү боюнча демилге жалпы коомчулук тарабынан колдоого алынып келүүдө. Акыркы 4 жылда Ош шаарында 4 спорт зал пайдаланууга берилди. Анын ичинен жаңы курулган 3 мектептин спорт залын айтсак болот. Бүгүнкү күндө, шаардын аймагында 5 спорттук мектепте, 36 спорттук залда спорттун 21 түрүнөн машыгуулар өткөрүлүүдө.

Учурда СССРдин жана Кыргыз Республикасынын бокс боюнча чеберлеринин саны 111ди түзөт жана спорттун чеберлигине 55тен ашуун талапкер даярдалган. Келечекте кыргыз спорту дүйнөлүк аренада татыктуу ордун таап, баш байгелерди алып, спорттун бардык түрлөрүнөн Кыргызстанды дүйнөгө тааныта турган мекенчилдик сезими курч спортчуларды жана спорттун чеберлерин даярдоо, аларга ыңгайлуу шарттарды түзүү биздин милдетибиз деп эсептейм”,-деди А.Кадырбаев.

Иш- чаранын жүрүшүндө Айтмамат Кадырбаев  Ош шаарынын социалдык-экономикалык өнүгүүсүнө, спортту, анын ичинде боксту өнүктүрүүгө кошкон бараандуу салымы жана шаардын коомдук-саясий турмушуна активдүү катышкандыгы үчүн бир катар спортчуларга Ош шаарынын мэриясынын Ардак грамотасын тапшырды.

Ошондой эле, Ош шаарында спортту, анын ичинде боксту өнүктүрүүгө, спорт чеберлерин даярдоого кошкон салымы жана дени сак келечек муунду тарбиялоо жаатында жигердүү, ак ниет эмгеги үчүн бокс боюнча калыстарга, машыктуруучуларга мэриянын Алкыш баракчаларын ыйгарды.

Бүгүн, 19-февраль күнү Ош шаарынын 2018-жылга карата бюджетин кабыл алуу үчүн коомдук угуу болду. Ага Ош шаарынын биринчи вице-мэри Замирбек Аскаров, шаардык кеңешини төрагасы Жапарбек Ормонов, Ош шаардык кеңешинин бюджет, экономикалык каржы маселеси боюнча туруктуу депутаттар комитетинин төрагасы Акбарали Батыров, вице-мэрлер,  мекеме-ишканалардын жетекчилери, калаа тургундары, бей өкмөт уюмдардын өкүлдөрү катышты.

Коомдук угууда Ош шаардык кеңешинин бюджет, экономикалык каржы маселеси боюнча туруктуу депутаттар комитетинин төрагасы Акбарали Батыров бюджеттин приоритеттүү долбоору туурасында айтып, киреше жана чыгаша бөлүктөрүн кошумчалады.

Ошондой эле, коомдук уктуруунун алкагында Ош шаарынын биринчи вице-мэри Замирбек Аскаров Ош шаарында бюджетти бекитүү жылда ачык айкын, элдин үнүн угуу менен бекитилерин белгилеп,  бейөкмөт уюмдардан, шаар тургундарынан берилген суроолорго жооп берди. Мындан тышкары, Ош шаарынын мэриясы ар бир суроо талап бюджеттин долбоорунда карала тургандыгын белгилеп, айрым маселелер боюнча тийиштүү жетекчилерге тапшырмаларды берди.

Бюджеттин киреше бөлүгү 2018-жылга жергиликтүү бюджеттин киреше бөлүгүнүн көлөмү (бюджеттик мекемелердин атайын каражаттарын кошкондо) 2017-жылга бекитилген бюджетке салыштырмалуу 112,6% өсүп, 940 186 миң сом өлчөмүндө аныкталып, 105 71,9 миң сомго көбөйүү менен сунушталууда, анын ичинен:

-         Салык кирешелери 804 043 миң сом (85,5% жалпы бюджеттин көлөмүндө)

-         Салык эмес кирешелер 55 900 миң сом (6% жалпы бюджеттин көлөмүндө)

-         Бюджеттик мекемелердин атайын каражаттары 80 243 миң сом (8,5% жалпы бюджеттен) түздү.

Кыргыз Республикасынын “Кыргыз Республикасынын 2018-жылга республикалык бюджети жана 2019-2020- жылдарга болжолу жөнүндө” мыйзамынын негизинде жергиликтүү бюджетке салыктардын нормативдик чегерүүсү төмөндөгүдөй бекитилген:

-         Киреше салыгы – 50%;

-         Сатуудан алынуучу салык – 50%;

-         Жер казынасын пайдалангандыгы үчүн салык – 50%;

-         Мүлк салыгы, жер салыктары, чакан ишкердиктин субүектилери үчүн бирдиктүү салык, ыктыярдуу патенттин негизиндеги салык, милдеттүү патентөө негизиндеги салык – 100% өлчөмүндө жергиликтүү бюджеттин кароосунда калат.

 

Бюджеттин чыгаша бөлүгү 2018-жылга 940 186 миң сом өлчөмүндө белгиленип, 2017- жылга салыштырмалуу 105 271,9 миң сом көп каралууда.

         2018-жылга белгиленген бюджеттин чыгаша бөлүгүнүн

-         46,8 % социалдык тармак

-         27,3 % турак жай жана коммуналдык чарба,

-         8,6 % экономикалык маселелер,

-         16,5 % жалпы багыттагы мамлекеттик кызматтар,

-         0, 8 % коргонуу тармагын түзүүдө.

Бүгүн, 15-февраль күнү Ошто Оогандан Советтик жоокерлердин чыгарылышынын 29 жылдыгына арналган иш-чара болуп отту. Ага Ош шаарынын вице-мэри Нурбек Кадыров, Өкмөттүн Ош облусундагы ыйгарым укуктуу өкүлүнүн орун басары Ахмаджан Махаммадов, шаардык кеңештин депутаты Расулберди Раимбердиев, Ооган согушунун интернационалист жоокерлери, курман болгон жоокерлердин үй-бүлөлөрү, аскер бөлүктөрүнүн жоокерлери, шаардык тургундар жана мекеме-ишканалардын жетекчилери катышты.

Алгач, эстеликке гүл чамбарлар коюлуп, Ооган согушунда баатырларча курман болгон жоокерлерди үнчыкпай эскеришти.

Иш-чаранын жүрүшүндө, жаш муундарды мекенчил болууга тарбиялоодо, коомубуздагы туруктуу жарандык позициясы, жоокердик милдеттерин аткарууда көрсөткөн үлгүлүү жана үзүрлүү ак эмгектери үчүн, Советтик Армиянын чектелген аскер контингентинин Афганистан Демократиялык Республикасынан чыгарылганын 29 жылдыгынын урматына интернационалист жоокерлер Ош шаарынын мэриясынын Ардак грамотасы жана акчалай сыйлыктары менен сыйланышты.

Ошондой эле, жаш жоокерлер Ооган жеринде курман болгон интернационалист жоокерлердин жаркын элестерине аскердик урмат көрсөтүп, салтанаттуу марш менен өтүштү. Жыйынтыгында жоокерлердин арбактарына куран түшүрүлдү. 
Айта кетсек, учурда Ош шаарында Ооган согушунун 402 ардагери жашайт.

Бүгүн, 13-февраль күнү Ош шаарынын мэри Айтмамат Кадырбаев улуттук дзюдо федерациясынын президенти Жолдошбек Көлбаевди жана вице-президенти Улукбек Өмүрзаковду кабыл алды. Жолугушуунун алкагында Ош шаарында дзюдо боюнча спортчулардын жетишкендиктери жана аталган спорттун түрүнүн өнүгүшү туурасында сүйлөшүштү.

Ага улай Жолдошбек Көлбаев Ош шаарынын мэри Айтмамат Кадырбаевге дзюдонун өнүгүшүнө кошкон салымы, спортчуларга болгон колдоосу үчүн КРнын улуттук дзюдо боюнча федерациясынын ыраазычылык катын жана төш белгисин тапшырды.

Белгилей кетсек, акыркы жылдары Ош шаарынын спортчулары аймактар аралык, республикалык жана эл аралык турнирлерге барып катышып, ийгиликтүү кайтып жатышат. Алардын катарын Дзюдо боюнча Азия чемпиондору Баяман Сагынбай уулу жана Айбек Кубанычбек улуу толуктайт.

Бүгүн, 9-февралда Ош шаарына Кыргызстандын Экономика министри Артем Новиков жана Өзбекстандын тышкы соода министри Жамшид Ходжаев баштаган делегация жумуш сапары менен келди.

Жумуш сапардын алкагында, Кыргызстандын Экономика министри Артем Новиков ,Ош шаарынын мэри Айтмамат Кадырбаев жана делегациянын мүчөлөрү шаардагы Алишер Навоинин эстелигине гүл чамбарларды коюшту.

Ошондой эле, Өзбекстан Республикасынын каржылоосу менен курулуп жаткан А.Навои атындагы мектебине кошумча 630 орундуу окуу корпусунун курулуш иштери мене таанышты.

Андан соң, жашылча-жемиштерди кайра иштеп чыгаруучу “Келечек” акционердик коомунун, автоунаа кураштыруучу “Эстакада автоборборунун”, пластик жана алюминий эшик-терезелерди чыгарган “Имзо ЛТД” фирмасынын ишмердүүлүгүн көрүштү.

 

Страница 1 из 42

Тарых жана маданият

Пред След Страница:

Залкар обончусу жана ырчысы Рыспай Абдыкадыров көзү тирүү болгондо 77 жашка чыкмак

Залкар обончусу жана ырчысы Рыспай Абдыкадыров көзү тирүү болгондо 77 жашка чыкмак

Бүгүн, 12-январь күнү Ош шаарында залкар обончу жана ырчы Рыспай Абдыкадыровдун туулган күнүнө карат...

Ошто Чүй облусунун маданият күндөрү өтүүдө

Ошто Чүй облусунун маданият күндөрү өтүүдө

7-август Чүй облусунун маданият күндөрү башталып, Сары-Өзөн таланттары Султан Ибраимов атындагы Ош о...

Төкмө акын Идирис Айтибаев Өзбекстан президентинин белектерин алды

Төкмө акын Идирис Айтибаев Өзбекстан президентинин белектерин алды

Кечээ, 7-август күнү төкмө акын Идирис Айтибаев Ош шаарынын делегациясы менен биргеликте Андижан шаа...

Ош шаарында Эгемендүүлүктүн 26 жылдыгы жогорку деңгээлде белгиленди

Ош шаарында Эгемендүүлүктүн 26 жылдыгы жогорку деңгээлде белгиленди

31-август күнү Ош шаарында Кыргыз Республикасынын көз карандысыздыгынын 26 жылдыгына карата уюштурул...

Кыргызстандын Эгемендүүлүгүнүн 26 жылдыгын быйыл Ош шаары өзгөчө белгилейт

Кыргызстандын Эгемендүүлүгүнүн 26 жылдыгын быйыл Ош шаары өзгөчө белгилейт

Урматтуу Ош шаарынын тургундары жана меймандары! Кыргызстандын Эгемендүүлүгүнүн 26 жылдыгын быйыл О...

Ош Фест - 2017” туристтик фестивалы жогорку деңгээлде өттү

Ош Фест - 2017” туристтик фестивалы жогорку деңгээлде өттү

Бүгүн, 19-август күнү Ош шаарында “Ош Фест - 2017” эл аралык туристтик фестивалы болуп өттү. Ага Ош ...

Ош шаарында “Сүйүү багы” эс алуучу борбору ачылды

Ош шаарында “Сүйүү багы” эс алуучу борбору ачылды

Бүгүн, 14-август күнү Ош шаарында “Сүйүү” эс алуу багынын салтанаттуу ачылуу аземи болуп өттү. Ага О...

Ош шаарында көп балалуу энелер сыйланды

Ош шаарында көп балалуу энелер сыйланды

Бүгүн, 13-июлда Ош шаарында көп балалуу энелерге “Баатыр эне” ордени жана “Эне даңкы” медалдары тапш...

Ошко Өзбекстандын Мукими театры “Жайдары келин” спектаклы менен келди

Ошко Өзбекстандын Мукими театры “Жайдары келин” спектаклы менен келди

Бүгүн, 7-июнда Ош шаарынын Бабур театрында Мукуми атындагы өзбек мамлекеттик музыкалык театрынын арт...

Ош шаарынын мэриясы Жолболду Алыбаевге 70 жылдык маарекесинде 100 миң сом ыйгарды

Ош шаарынын мэриясы Жолболду Алыбаевге 70 жылдык маарекесинде 100 миң сом ыйгарды

Бүгүн, 19-майда Ош шаарындагы С.Ибраимов атындагы улуттук драма театрында белгилүү комузчу, обончу-д...

Ош: 1000ге жакын энелерге баалуу белектер берилди

Ош: 1000ге жакын энелерге баалуу белектер берилди

  Бүгүн, 18-майда  С.Ибраимов атындагы Ош улуттук драм театрында энелер күнүнө арналган  майрамдык и...

Ош шаарында Корея маданиятынын айы өтөт

Ош шаарында Корея маданиятынын айы өтөт

27-апрелде Ош шаарынын биринчи вице-мэри Замирбек Аскаров Корея Республикасынын Кыргызстандагы өзгөч...

Ош шаары Көчмөндөр ааламынан алдынкы орундарды багындыра алды

Ош шаары Көчмөндөр ааламынан алдынкы орундарды багындыра алды

Ош шаары 4-7-сентябрь күндөрү, Ыссык-Көл облусунун Кырчын жайлоосунда өткөн “Көчмөндөр ааламы” фес...

Эки күнгө созулган “Этномаданият” фестивалы гала-концерт менен жыйынтыкталды

Эки күнгө созулган “Этномаданият” фестивалы гала-концерт менен жыйынтыкталды

Ош шаарында “Тарых жана маданият” жылынын алкагында өткөрүлгөн  эл аралык “Этномаданият” фестивалы...

Ош шаарында Бүбүсара Бейшеналиеванын 90 жылдыгы белгиленет

Ош шаарында Бүбүсара Бейшеналиеванын 90 жылдыгы белгиленет

Бүгүн, 4-июнь Б.Бейшеналиеванын 90 жылдыгына арналган концерт Султан Ибраимов атындагы Ош улуттук др...

Ошто Кыргызстанда биринчи жолу “Этномаданият” эл аралык фестивалы өтүп жатат

Ошто Кыргызстанда биринчи жолу “Этномаданият” эл аралык  фестивалы өтүп жатат

Бүгүн, 2-июнда С.Ибраимов атындагы Ош улуттук драма театрынын аянтында “Этномаданият” эл аралык  фес...

Кыргызстанда биринчи жолу өтүп жаткан “Этномаданият” эл аралык фестивалында элге байыркы Оштун элеси тартууланат

Кыргызстанда биринчи жолу өтүп жаткан “Этномаданият” эл аралык  фестивалында элге байыркы Оштун элеси тартууланат

Ош шаарында  Тарых жана маданият жылынын алкагында 2-3-июнь күндөрү Эл аралык "Этномаданият" фести...

 

 

Кайрылуулар

А.Кадырбаев: “Ош баарыбыздын сүйүкт…

А.Кадырбаев: “Ош баарыбыздын сүйүктүү шаарыбыз”

Ош шаарынын мэри Айтмамат Кадырбаев калаада боло турган “Ош ...

Ош шаарынын мэри: Менин ишимди эл б…

Ош шаарынын мэри: Менин ишимди эл баалайт

Айтмамат Кадырбаевдин Ош шаарынын мэрлигине шайланганына 1 ж...

Айтмамат Кадырбаев, Ош шаарынын мэр…

Айтмамат Кадырбаев, Ош шаарынын мэри: «Мыйзамдуулук принциптерин алдыма максат кылып койгонмун...»

Ар түрдүү саясий ызы-чууга көп аралашкан, анын ичинде көңүл ...

Өнүгүүнүн стратегиялары жана программалары

2018-2040-жылдарга Кыргыз Республик…

2018-2040-жылдарга Кыргыз Республикасын туруктуу өнүктүрүүнүн “Таза коом – Жаңы доор” стратегиясынын долбоору

2018-2040-жылдарга Кыргыз Республикасын туруктуу өнүктүрүүнү...

Өкмөттүн программасы "Жаңы доо…

Өкмөттүн программасы "Жаңы доорго - кырк кадам"

Өкмөтүнүн программасы "Жаңы доорго - кырк кадам"

« Февраль 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
FB
ОК

Видеорепортаждар

Пред След

ЭлТР "Күнмаекте" Ош мэри …

ЭлТР "Күнмаекте" Ош мэри А.Кадырбаев

Ош шаарынын мэри Айтмамат Кадырбаев ЭлТРдин "Күнмаек" програ...

Акыркы 3 жылда Ош шаарында аткарылг…

Акыркы 3 жылда Ош шаарында аткарылган иштерден кыскача маалымат

  Мэр Айтмамат Кадырбаевдин Ош шаары жана Ош шаарынын эли ү...

Оштун студенттери шаар мэри А.Кадыр…

Оштун студенттери шаар мэри А.Кадырбаевдин бир күндүк иш-планы менен таанышты

Ош шаарынын мыкты студенттери, Президенттик стипендиянын ээл...

Ош шаары өңүгүү жолунда - 09.2016

Ош шаары өңүгүү жолунда - 09.2016

Ордолуу Ош кылымдарды карытып, 3016 жылдык тарыхты камтыган,...

Видео Ош шаарында Айт намазга 12 ми…

Видео Ош шаарында Айт намазга 12 миңден ашуун адам катышты

Бүгүн 17-июнь күн Орозо айт майрамы. Ош шаарында саат 7;45те...

А.Кадырбаев: Тазалаган жер эмес, бу…

А.Кадырбаев: Тазалаган жер эмес, булгабаган жер таза болот

     Ош шаарынын мэри Айтмамат Кадырбаев 29-июнь күнү “Ош-Та...

Ош шаарында комуналдык, социалдык м…

Ош шаарында комуналдык, социалдык маселелер чечилүүдө

Ош шаарынын жетекчилиги эл күнүгө бетме-бет келген бала бакч...

Ош шаарынын мэри Жеңиштин 70 жылдыг…

Ош шаарынын мэри Жеңиштин 70 жылдыгына карата ардагерлерге 70 миң сомдон сыйлык тапшырды

Бүгүн 9-май Улуу Ата Ата Мекендик согуштагы жеңиштин 70 жы...

Сурамжылоо

Сиз жашаган аймактан таштанды өз убагында алынабы?

Ооба - 53.8%
Жок - 23.1%
Ар кандай - 23.1%

Добуштардын саны:: 26