Версия для печати
Понедельник, 08 Октябрь 2018 11:18

Ош шаарынын 3018 жылдыгына арналган гала-концертке 15 миңге жакын адам күбө болду

Бүгүн, 5-октябрь Ош шаарынын 3018 жылдыгын белгиленүүдө. Анын негизинде А.Сүйүмбаев атындагы борбордук стадиондо чоң программадагы гала-концерт болуп өттү. Ош шаарынын мэри Таалайбек Сарыбашов, Жогорку Кеңештин депутаттары, шаардык кеңештин төрагасы Жапарбек Ормонов, дипломатиялык корпустардын өкүлөрү күбө болду.

Т.Сарыбашов жалпы шаардыктарды Ош шаарынын 3018 жылдыгы менен куттуктап , шаардын экономикасы, инфраструктурасы өнүгүү жолуна түшүп, элибиз өзүнүн улуттук нарк-насилин, маданий мурастарын сактоо жана аны ар тараптан байытуу менен дүйнөлүк коомчулуктун көңүлүн буруп жаткандыгы гын билдирди.

-“Ош шаарынын Күнү оштуктарга гана эмес, бүтүндөй өлкөбүз үчүн өзгөчө күн, өзгөчө майрам! Анткени, үч миң жылдан ашуун тарыхы бар Ордолуу Ош шаары Кыргызстандын чегинен сырткары бүтүндөй Борбордук Азия мейкиндигинде өзгөчө орунда турган саясий-экономикалык жана маданий борбор.  Ош шаары элибизге береке-молчулуктун, ынтымак-ырашкерликтин, кеңпейилдиктин жана меймандостуктун шаары катары таанылса, ал эми шаардыктар карапайым, мээнеткеч, доско достой мамиле жасай билген нарк-насилдүү эл катары белгилүү экендигинен кабарыңыздар бар деп ойлойм.
Андыктан, жерибизде дайыма Ош шаарынын Күнүндөй кубаныч – шаттык өкүм сүрүп, жергебизде бүгүнкүдөй салтанат, элибизде ынтымак, биримдик, тынчтык өкүм сүрүп турсун”,-деди шаар жетекчиси.

Концертте Өзбекстандын эстрада жылдызы Райхон, Кыргызстандын эстрада жылдыздары Мирбек Атабеков, Кайрат Примбердиев, Гүлнур Сатылганова, Асел Касымова, Сайкал Садыбакасова жана башка ырчылар шаар тургундарына жана меймандарына майрамдык маанай тартуулады. Ошондой эле,  “Мурас” тобу, фольклордук жана бий топтору өз өнөрлөрүн көрсөтүштү.

Майрамдык концертке 15 миңге жакын адам күбө болду.

Иш-чара жаштар үчүн уюштурулган бий кече менен жыйынтыкталды.

Айта кетсек, жыл сайын 5-октябрь күнү Ош шаарынын күнү белгиленип келет. Быйыл Ош шаарына 3018 жыл. 

Окулду 7101 жолу

Билдирүү кошуу


Сыр сөз
Жаңылоо