Пресс служба мэрии города Ош

Понедельник, 06 Февраль 2023 12:39

Урматтуу Ош шаарынын тургундары жана меймандары!

Ош шаарынын мэриясы Ош шаарын 2023-2026-жылдарга социалдык-экономикалык өнүктүрүү жана калкты социалдык жактан коргоо программасынын долбоорун коомдук талкууга коет.

Андыктан шаардын өсүп-өнүгүүсүнө жана келечек муундардын татыктуу жашоосуна кайдыгер карабай, программанын ар бир иш планына өзүңүздөрдүн ой-пикирлериңиздерди билдирип кетүүгө чакырабыз.

Ой-пикириңиздерди Ош шаарынын мэриясынын социалдык тармактардагы баракчалары аркылуу калтырсаңыздар болот.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Пятница, 03 Февраль 2023 18:51

Ош шаарында “Асан-Үсөн” бала бакчасы үчүн кошумча имарат курулат

Бүгүн, 3-февралда Ош шаарынын мэри Бакытбек Жетигенов Курманжан-Датка муниципалдык аймактык башкармалыгынын жашоочулары менен жолугушту. Жолугушуунун жүрүшүндө тургундарга 2022-жыл ичинде ар кайсы тармактарда аткарылган иштер боюнча маалымат берилди. Андан соң жарандардан суроолор жана кайрылуулар кабыл алынып, орун алган көйгөйлөр боюнча өздөрүнүн суроо-талаптары айтылды.

Алсак, бир катар алыскы кичи райондордо инфраструктураны өнүктүрүү, анын ичинде эски электр мамыларын алмаштыруу, жолдорду оңдоо жана асфальттоо, таза суу менен камсыздоо, бала бакча куруу, мектептердин жанына жөө адамдар өтүүчү өтмөктөрдү орнотуу, жеке мончолордун газ түтүктөрүнө фильтрлерди орнотуу, балдар аянтчаларын жана “Асан-Үсөн” бала бакчасына кошумча имарат куруу маселелерин мэрге айтышты.

Ошондой эле, Озгур айылына каттаган №107 жана 109-маршруттук кичи автобустардын кыймылын жөнгө салуу, көп кабаттуу үйлөрдүн чатырын жылытуу жана оңдоо иштери тургундарды кызыктырды. Жарандардын кайрылууларын аткаруу боюнча жеринде тиешелүү кызматтардын жетекчилерине тапшырмалар берилди.

Ош шаардык жолдор башкармалыгынын быйылкы жылдагы бюджетинин долбооруна бир катар маселелер киргизилет.

Мындан сырткары, шаардагы бардык кичи райондорго быйылкы жылы жаңы электр мамычалары орнотулуп, “Асан-Үсөн” бала бакчасына кошумча имарат куруу да пландалып жатканын калаа башчы белгиледи.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Пятница, 03 Февраль 2023 10:47

Ош шаарынын мэриясы Кыргызстанда жашаган этностордун эне тилин өркүндөтүү боюнча жана “21-февраль – Эл аралык эне тил күнүнө” карата кароо-сынак жарыялайт!

Кароо-сынактын шарттары:

- кароо-сынак эки багытта өтөт, ыр жана эссе жазуу аркылуу;

- кароо-сынактын катышуучуларынын жаш курагы чектелбейт;

- жөнөтүлгөн ыр же эссе мамлекеттик тилде болууга тийиш;

- ырды кабыл алуу 17-февралдан токтойт, ал эми жыйынтыгы 21-февралда чыгат;

- жөнөтүлгөн ырлар мурда эч жерде жарыяланбаган болуусу шарт;

- эссе жазуу 17-февраль, саат 16:00дө Ош шаарынын мэриясынын жыйындар залында болот;

- жөнөтүлгөн ырлар мурда эч жерде жарыяланбаган болуусу шарт;

Жеңүүчүлөр кызыктыруучу белектер жана акчалай сыйлыктар менен сыйланат. Эң мыкты жазылган эссе “Ош шамы” гезитине жарыяланат. Ал эми жазылган ырлар жылдын аягында атайын жыйнак болуп Ош шаарынын мэриясынын алдындагы мамлекеттик тил боюнча комиссиясы тарабынан чыгарылат. Андан сырткары Ош шаарынын мэриясынын расмий баракчасына жарыяланат.

Ош шаарынын мэриясынын атынан жооптуулар:

- Ош шаарынын мэриясынын алдындагы мамлекеттик тил боюнча комиссиясы;

Кароо-сынак боюнча суроолор болсо, Ош шаарынын мэриясынын алдындагы мамлекеттик тил боюнча комиссиясынын катчысы, Ош шаарынын мэриясынын мамлекеттик тил боюнча жооптуу адиси Ч. Зулпукар уулуна (0556222335) байланыш номери аркылуу кайрылсаңыздар болот.

Жазылган ыр төмөнкү дарек боюнча кабыл алынат:

Этот адрес электронной почты защищен от спам-ботов. У вас должен быть включен JavaScript для просмотра.

#Ош_мэрия

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Пятница, 03 Февраль 2023 12:03

Ош шаарынын мэриясы эл аралык уюмдар жана бизнес-ассоциациялар менен тыгыз кызматташат

Бүгүн, 3-февралда Ош шаарынын мэри Бакытбек Жетигенов эл аралык уюмдардын жана фонддордун, каржы институттарынын, бизнес-ассоциациялардын жетекчилери, өкүлдөрү менен жолугушту.

Жыйындын алкагында Ош шаарын 2023-2026-жылдарга өнүктүрүү программасынын долбоорунун презентациясы болуп, аны ишке ашыруунун алкагында биргелешкен иш-аракеттер талкууланды.

Эл аралык уюмдардын жана фонддордун, бизнес-ассоциациялардын жетекчилери келечектүү багыттардагы иштери, анын ичинде консультациялык жана гранттык жардам көрсөтүү, билим берүү, экология, туризм, айыл чарба, калкты иш менен камсыз кылуу, тарыхый, маданий жана эс алуу объектилеринин инфраструктурасын реконструкциялоо долбоорлору, бизнес чөйрөнүн өкүлдөрү үчүн гранттар жана жергиликтүү өндүрүүчүлөрдү колдоо, электр энергияны үнөмдөөчү долбоорлор жана жашыл технологияларды өнүктүрүү, жаштардын бизнес-идеяларын колдоо жаатындагы иш-чаралар тууралуу айтып беришти.

Жыйындын катышуучулары шаарда индустриалдык парк (эркин өнөр жай аймагы) түзүү сунушун киргизип, Бакытбек Жетигенов тарабынан колдоого алынды.

“Ош шаарынын мэриясы калктын кызыкчылыгы үчүн тыгыз жана жемиштүү кызматташууга даяр. Сиздер тараптан айтылган сунуштарга жана демилгелерге биздин эшигибиз ар дайым ачык. Сүйүктүү Ош шаарыбызды чогуу өнүктүрөлү”, - деди мэр.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Четверг, 02 Февраль 2023 13:04

Ош шаарынын мэри “Амир-Тимур” МАБдын жашоочулары менен жолугушту

Бүгүн, 2-февралда Ош шаарынын мэри Бакытбек Жетигенов “Амир-Тимур” муниципалдык аймактык башкармалыгынын жашоочулары менен жолугушуу өткөрдү.

Иш-чаранын алкагында жарандар орун алган көйгөйлөр боюнча өздөрүнүн суроо-талаптарын айтышты. Алсак, борбордук поликлиниканын жанындагы тротуарды оңдоо, аймакка жөө жүргүнчүлөр өтүүчү өтмөк орнотуу, тез жардам кызматынын иши жакшыртуу маселери менен кайрылышты.

Ошондой эле трансформаторлорду алмаштыруу, электр мамыларын орнотуу, мектептерге балдар аянтчаларын куруу, квартал ичиндеги жолдордун кесилишине светофорлорду коюу, маршруттук кичи автобус линияларын жакшыртуу, аялдамаларды куруу маселелерин көтөрүштү.

Маанилүү маселелердин бири катары жолдорду оңдоп-түзөө зарылдыгы айтылды. Жарандардын кайрылуулары боюнча жеринде тиешелүү кызматтардын жетекчилерине тапшырмалар берилди. Айтылган маселелерди чечүү Капиталдык курулуш башкармалыгынын жана Ош шаардык жолдор башкармалыгынын быйылкы жылдагы бюджетинин долбооруна киргизүү пландалууда.

“Биздин негизги милдет – ар бир кичи райондун элинин көйгөйлөрү менен жеринде таанышып, өз убагында чечүү. Тиешелүү кызматтардын жетекчилерине жеринде тапшырмалар берилип, аткарылышы жылдын жыйынтыгы менен текшерилет”, - деп баса белгиледи Б.Жетигенов.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Четверг, 02 Февраль 2023 06:11

Ош шаарынын мэриясында кадрдык өзгөрүүлөр болду

Ош шаарынын мэри Бакытбек Жетигенов кол койгон буйрукка ылайык, Кадыров Нурбек Сүйүнбаевич Ош шаарынын социалдык маселелер боюнча вице-мэри болуп дайындалды.

Азат Кубатбек уулу Ош шаарынын мэриясынын аппарат жетекчиси болуп дайындалды.

Ал буга чейин Чүй райондук мамлекеттик администрациясынын уюштуруу иштери бөлүмүнүн башчысы болуп эмгектенген.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Среда, 01 Февраль 2023 18:55

Ош шаарынын мэри “Манас-Ата” МАБдын жашоочулары менен жолугушту

Бүгүн, 1-февралда Ош шаарынын мэри Бакытбек Жетигенов “Манас-Ата” муниципалдык аймактык башкармалыгынын жашоочулары менен жолугушту. Жолугушууда жашоочулар электр жарыгы үзгүлтүккө учураганда жаңы салынып жаткан имараттардын үстүнкү кабаттарында суунун жетишсиздиги, бала бакчаларды куруу зарылдыгы, көп кабаттуу үйлөрдүн жанындагы аймактарга уруксатсыз курулуштарга каршы туруу, ипотека алуу боюнча суроолорду беришти.

Мындан тышкары, жашоочуларды балдар аянтчаларынын курулушу, квартал ичиндеги жолдорду оңдоо, Салиев көчөсүндөгү жолдун сапаты, квартал ичиндеги жолдордун кесилиштерине кошумча жол белгилерин орнотуу, таштанды контейнерлерин алмаштыруу, коомдук тамактануучу жайлардан таштандылардын чыгарылышына көзөмөл жүргүзүү маселелери кызыктырды.

Жарандардын бардык кайрылууларына жооптор берилип, бир катар маселелер боюнча тиешелүү кызматтардын жетекчилерине кырдаалды жеринде чечүү тапшырмасы берилди.

Шаар тургундарынын Моторная көчөсүнөн Исхак Раззаков проспектикине чейинки аралыкты жабуу боюнча кайрылуусунун алкагында мэр жеринде абал менен таанышып, жөө жүргүнчүлөр өтүүсү үчүн аталган тилкедеги өтмөктү унаалар үчүн жабууну тапшырды.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Среда, 01 Февраль 2023 08:41

Ош шаарында 2022-жылы саламаттыкты сактоо мекемелерине медициналык жардам алуу үчүн 669 226 адам кайрылган

Кечээ Ош шаарынын вице-мэри Венера Рыскулованын катышуусунда Ош шаарындагы саламаттыкты сактоо мекемелеринин ишинин жыйынтыгы чыгарылды.

Ош шаардык клиникалык ооруканасынын жана төрөт үйүнүн, инфекциялык оорукананын жана шаардык саламаттыкты сактоо тармагынын 2022-жылдагы ишмердүүлүгүнүн жыйынтыгы боюнча маалымат угулду.

Ош шаарынын саламаттыкты сактоо тармагына төмөнкүлөр кирет: Ош шаардык клиникалык ооруканасы 936 орунга ылайыкташкан, төрөт үйү 185 койкага ылайыкташкан, көп функционалдуу жугуштуу оорулар бөлүмү 270 орундуу, Ош шаардык үй-бүлөлүк медицина борборунун 11 филиалы, 9 ФАП, 1 медициналык пункт, 12 үй-бүлөлүк дарыгерлер тобу, 40 орундуу Ош шаардык балдарды жана үй-бүлөнү реабилитациялоо борбору, 70 орундуу Ош шаардык кыймыл-таяныч тутумундагы мүмкүнчүлүгү чектелген балдардын ден-соолугун калыбына келтирүү борбору, санитардык-эпидемиологиялык көзөмөл борбору жана тез жардам станциясы, 2 стоматологиялык клиника, мамлекеттик профилактикалык дезинфекциялык станция болуп 22 мамлекеттик медициналык мекеме бар.

Медициналык мекемелерде жалпы 3212 медицина кызматкери эмгектенет, анын ичинен 799 дарыгер, анын 1505и орто, 484ү кенже медициналык кызматкерлер, 412си башка кызматкерлер.

2022-жылы Ош шаардык үй-бүлөлүк медицина борборуна жана анын филиалдарына кайрылган жарандардын жалпы саны 669 миң 226 адамды түзгөн.

Өткөн жылы Ош шаарында 7924 бала төрөлгөн, бул 2021-жылга салыштырмалуу 265 ымыркайга көп (2021-жылы 7659 бала).

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Среда, 01 Февраль 2023 08:39

Быйылкы жылы жергиликтүү бюджеттин киреше бөлүгүнүн долбоору 2,5 млрд. сомду түздү

Ош шаардык кеңешинин бюджет, экономика жана өнөр жай боюнча туруктуу депутаттык комиссиясынын отуруму болуп, анда Ош шаарынын мэриясы тарабынан сунушталган 2023-жылдын бюджетинин киреше бөлүгүнүн долбоору каралды.

Биринчи вице-мэр Марс Исаевдин айтымында, 2023-жылга жергиликтүү бюджеттин киреше көлөмү (бюджеттик мекемелердин атайын каражаттарын кошкондо) 2022-жылдын бекитилген бюджетине салыштырмалуу 156,8%га өсүп, же болбосо 908 796,2 миң сомго көбөйүп, 2 509 306,2 миң сомду түзүүдө, анын ичинен:

- салык кирешелери 2 023 126,2 миң сомду (жалпы бюджеттин көлөмүндө 80,7%);

- салык эмес кирешелери 356 180,0 миң сомду (жалпы бюджеттин көлөмүндө 14,1%);

- бюджеттик мекемелердин атайын каражаттары 130 000,0 миң сомду (жалпы бюджеттен 5,2%) түзөт. Жергиликтүү бюджеттин пландык көрсөткүчтөрү 2024-жылга 2 632 874,0 миң сомду, 2025-жылга 2 768 117,7 миң сомду түзүүдө.

Отурумдун алкагында бир катар маселелерди талкуулап, бюджеттин киреше бөлүгүн Ош шаардык кеңешинин бюджет, экономика жана өнөр жай боюнча туруктуу депутаттык комиссиясы жактырды.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...

Вторник, 31 Январь 2023 14:34

2023-2026-жылдарга Ош шаарын социалдык-экономикалык өнүктүрүү жана калкты социалдык жактан колдоо программасынын долбоору талкууланды

Бүгүн, 31-январда Ош шаарынын мэриясында 2023-2026-жылдарга Ош шаарын социалдык-экономикалык өнүктүрүү жана калкты социалдык жактан колдоо программасынын долбоору талкууланды.

Иш-чарага программаны иштеп чыгуу боюнча туруктуу жумушчу топтун мүчөлөрү, тактап айтканда, ОшМУнун ректору Кудайберди Кожобеков, Ош шаарынын биринчи вице-мэри Марс Исаев, вице-мэр Жасур Азимов, мэрдин кеңешчиси Муктарбек Зулпукаров, "OloloOsh" компаниясынын башкы менеджери Гүлнура Абылкасымова, ошондой эле Тышкы байланыштар жана аналитика башкармалыгынын өкүлдөрү, ОшМУнун профессорлору жана факультеттеринин ректорлору, бизнес-эксперттер, экономисттер, экологдор, илимпоздор кеңешинин мүчөлөрү катышты.

Жыйындын алкагында программанын долбоорунун бет ачары болуп, экономикалык, экологиялык, санитардык-эпидемиологиялык чөйрөдөгү эксперттер, окумуштуулар тиешелүү сунуштарды жана демилгелерди айтышты.

Программанын долбооруна ылайык 5 негизги багыт тандалып алынган:

- экономикалык саясат;

- шаарды башкаруунун заманбап системасын түзүү;

- шаар куруу жана муниципалдык менчик чөйрөсү;

- коммуналдык чөйрөнүн инфраструктурасын жакшыртуу;

- социалдык чөйрө.

Санариптик технологияларды өнүктүрүүгө көңүл буруу, суу менен камсыздоо жана саркынды сууларды тазалоо системаларын реабилитациялоо, экологиялык көйгөйлөр, атап айтканда, катуу таштандыларды чогултуу жана кайра иштетүү, калк арасында экологиялык маданиятты тарбиялоого көңүл буруу боюнча сунуштар айтылды.

Ош шаарынын биринчи вице-мэри Марс Исаев белгилегендей, 2023-2026-жылдарга Ош шаарын социалдык-экономикалык өнүктүрүү жана калкты социалдык жактан колдоо программасын иштеп чыгууда бардык сунуштар эске алынат.

Жарыяланган категория Жаңылыктар

Теги

Биринчилерден болуп комментарий жазыңыз!

Подробнее ...