Материалы отфильтрованы по дате: Пятница, 03 Декабрь 2021

Пятница, 03 Декабрь 2021 19:56

Ош шаарынын мэри Алмаз Мамбетов "БУУ- Аялдар" структурасынын Кыргызстандагы өкүлү Улзийсурен Жамсран менен жолугушту

Ош шаарынын мэри Алмаз Мамбетов "БУУ- Аялдар" структурасынын Кыргызстандагы өкүлү Улзийсурен Жамсран менен жолугушту.

Жолугушууда эки тараптуу кызматташтыкты өнүктүрүү, жергиликтүү бийлик менен калк ортосундагы мамилени бекемдөө багытындагы долбоорлорду ишке ашыруу боюнча талкуу жүрдү.

Шаар башчысы өз сөзүндө гендердик теңчиликти камсыздоодо аталган уюмдун орду чоң экенин белгиледи. Улзийсурен Жамсран бийлик менен элдин ортосунда алаканы күчөтүү багытындагы пландар менен бөлүштү. Тараптар Ош шаарынын жашоочуларынын кызыкчылыгын көздөгөн иш-аракеттерди күчөтүү келишимине келди.

Жарыяланган категория Жаңылыктар

Подробнее ...

Пятница, 03 Декабрь 2021 17:59

Ош шаарында өткөн ишембиликте 2000 куб таштанды чыгарылды

3-4 - декабрда Ош шаарында жалпы ишембилик болуп өттү.

Ага Ош шаарынын мэриясынын мекеме-ишканалардын, билим берүү мекемелеринин, муниципалдык аймактык башкармалыктарынын кызматкерлери жана шаар тургундары катышты. Алар ишканалардын айланасын, эс алуу жайларын, көп кабаттуу үйлөрдүн короолорун тазалоо, бак-дарактардан түшкөн күзгү жалбырактарды чогултуу жумуштарын жүргүзүштү.

Ишембиликте жалпы 2000 куб таштанды чыгарылды.

Жарыяланган категория Жаңылыктар

Подробнее ...

Пятница, 03 Декабрь 2021 17:51

Ош шаарынын жашоочуларын арзан турак жай менен камсыз кылуу аракети күчөтүлдү

Бүгүн, 3-декабрда «Менин үйүм 2021-2026» мамлекеттик турак жай программасынын алкагында жана Ош шаарынын жарандарын арзан турак жай менен камсыз кылуу максатында «Мамлекеттик Ипотекалык Компания» ААКнын Башкармалыгынын Төрайымы Аида Тологонова менен Ош шаарынын мэри Алмаз Мамбетов кызматташуу боюнча Меморандумга кол коюшту.

Меморандумда Ош шаарында турак жайдын капиталдык курулушун ишке ашыруу жана турак жай фондун өнүктүрүү боюнча өз ара кызматташуу каралган. Ошондой эле, кол коюлган документтин алкагында, тараптардын Кыргыз Республикасынын жарандарын жеткиликтүү турак жай менен камсыз кылууга багытталган ресурстарын сарамжалдуу пайдаланууга мүмкүндүк берүүчү өз ара пайдалуу экономикалык кызматташтык түзүлүүдө.

Ош шаарынын мэриясы Мамлекеттик ипотекалык компания ишке ашырып жаткан турак-жай программасынын алкагында көп кабаттуу турак жай куруу үчүн Ош шаарынан жер тилкесин берип жатат. Документтерди даярдоону жана курулушту көзөмөлдөөнү да Ош шаардык мэриясы өз мойнуна алат. Өз кезегинде «Мамлекеттик ипотекалык компания» ААКсы турак жай программасынын катышуучуларын андан ары турак-жай менен камсыз кылуу үчүн курулушту толук каржылоону камсыздайт.

Жарыяланган категория Жаңылыктар

Подробнее ...

Пятница, 03 Декабрь 2021 17:48

Мэр мүмкүнчүлүгү чектелген балдардан кабар алды

Бүгүн Ош шаарында 3-декабрь мүмкүнчүлүгү чектелген жарандарды коргоо күнүнө карата бир катар иш-чаралар өттү. Мэр Алмаз Мамбетов мүмкүнчүлүгү чектелген балдарды реабилитациялоо борборуна жана көзү азиз, көрүүсү начар балдардын мектеп интернатына барды. Калаа башчы балдардын чакан концерттик программасына күбө болуп, коомдун аярлуу балдарына мэрия тараптан дайым көңүл бурулуп тураарын айтты.

Мэр реабилитациялоо борборунун жана мектеп интернатынын абалы менен да таанышып чыкты. Мындагы балдарга көмөк иретинде бөлүнгөн 10 миң сом акчалай жардам жана балдар үчүн азык-түлүк баштыктарын тапшырды.

Ош шаары боюнча жалпы мүмкүнчүлүгү чектелген жарандардын саны 7133. Анын 983ү 18 жашка чейинки балдар. Бүгүнкү күнгө карата жергиликтүү бюджеттен 150 миң сом акча каражаты бөлүнгөн. Анын 20 миңи ден соолугунан мүмкүнчүлүгү чектелген, өтө оор шартта жашаган 4 жаранга берилди. Дагы 100 жаранга 1000 сомдон тапшырылды. Аны менен катар мүмкүнчүлүгү чектелген балдарга кам көргөн 3 мекемеге 10 миң сомдон бөлүнгөн.

Жарыяланган категория Жаңылыктар

Подробнее ...