Материалы отфильтрованы по дате: Четверг, 18 Ноябрь 2021

Четверг, 18 Ноябрь 2021 20:19

Шайлоого даярдык координациялык кеңешмеде каралды

Бүгүн, 18-ноябрда Ош шаарынын мэриясында шайлоого байланыштуу координациялык кеңешме өттү. Ага биринчи вице-мэр Марс Исаев, вице-мэрлер, укук коргоо органдарынын, аймактык шайлоо комиссиясынын жана муниципалдык аймактык башкармалыктардын өкүлдөрү катышты.

Кеңешмеде шайлоого байланыштуу коомдук саясий кырдаалды көзөмөлдөө, шайлоо участкаларындагы даярдык, үгүт учурундагы мыйзам бузуулардын алдын алуу тууралуу сөз жүрдү.

Ош шаарында жалпы 78 шайлоо участкасы бар. Ал эми шайлоочулардын саны 154 миңди түзөт. Бүгүнкү күндө мэрия тарабынан шайлоо өткөрүү үчүн участкаларда керектүү шарттар түзүлгөн. Алдыда добуш берүүчү тилкелерди дезинфекциялоо иштери жасалат.

Жарыяланган категория Жаңылыктар

Подробнее ...

Четверг, 18 Ноябрь 2021 20:14

Мэр ЮНИСЕФтин Оштогу өкүлү менен жолугушту

Мэр Алмаз Мамбетов ЮНИСЕФтин Оштогу өкүлү Чинаргуль Джумагулова менен жолугушту. Жолугушуунун жүрүшүндө эки тараптуу кызматташууну күчөтүү, бир катар долбоорлорду ишке ашыруу багытында сүйлөшүү жүрдү.

Шаар башчысы балдар укугун коргоодо, балдардын билим алуусунда, калыптануусунда ЮНИСЕФтин орду чоң экенин белгилеп, бул багытта жасап жатканы иштери үчүн ыраазылык билдирди.

Джумагулова ЮНИСЕФ Ош шаарынын мэриясы менен тыгыз кызматташууга, пландалган долбоорлорду ишке ашырууга даяр экенин билдирип, балдар маселесинде биргелешип чечүүчү маселелер бар экенине токтолду.

Жарыяланган категория Жаңылыктар

Подробнее ...