ТҮРКСОЙго мүчө болгон мамлекеттердин чечими менен 2019-жыл “Ош — түрк дүйнөсүнүн маданий борбору» деп жарыяланган.

Бүгүн, 8-февралда Ош шаарынын мэриясында эл аралык деңгээлде өтүүчү иш-чараларды талкуулаган жыйын болуп өттү. Жыйынга Ош шаарынын мэри Таалайбек Сарыбашов, президенттин кеңешчиси Султан Раев, Маданият, маалымат жана туризм министринин орун басары Кайрат Иманалиев, Улуттук маданият борборунун башкы директору Жумакадыр Курмангазиев, режиссер Эген Чалабаев жана башкалар катышты.

Эл аралык иш-чаранын ачылышы апрель айына пландалып, ачылуу салтанатын жогорку деңгээлде өткөрүү керектиги айтылды. Ага чейин Ош шаарындагы маданий борборлор оңдоп-түзөөдөн өтүп, келген туристтерге шарт түзүү маселелери көтөрүлдү.

Ушул жыл ичинде шаарда түрк элдеринин каада-салтын, тарыхын, маданиятын чагылдырган бир топ эл аралык иш-чаралар, фестивалдар жана спорттук оюндар өткөрүлмөкчү.

Театр фестивалын, кол өнөрчүлөрдүн «Оймо» фестивалы, акындардын эл аралык айтыштары, улуттук оюндар жана эл аралык илимий-практикалык конференциялар боло тургандыгы пландалууда. 

Cүрөттөр:

https://drive.google.com/open?id=13jTVeWbNsPMEIkEmPMwONEVb8ZW-jwDd

Бүгүн, 7-декабрда Ош шаарында Залкар жазуучу Ч.Айтматовдун 90 жылдыгына жана «Кыргыз Республикасынын мамлекеттик тили жөнүндө» Мыйзамынын кабыл алынгандыгынын 29 жылдыгына карата иш-чараларды уюшкандыкта даярдоо жана өткөрүү максатында «Эне тил жана Ч.Айтматов» деген теманын алкагында жарыяланган үч айлыктын жыйынтыгы чыгарылды.

Жарыяланган үч айлыктын алкагында Ош шаарында Мамлекеттик тил күнүн С.Ибраимов  атындагы Ош улуттук драмалык театрында жогорку денгээлде уюштурулуп, мекеме-уюмдардын жана билим берүү мекемелеринин жамааттарынын, студенттеринин катышуусунда майрамдык иш-чара өткөрүлгөн. Анда мамлекеттик тил күнүнө карата китеп көргөзмөлөрү, театралдык көрүнүштөр, чыгармалар, көркөм окуулар жана концерттик программалар уюшутурулган.           

             “Эне тил жана Айтматов” мамлекеттик тил үч айлыгына карата иш-чараларды даярдоо, өткөрүү боюнча, Ош шаарындагы массалык маалымат каражаттарынын арасында “Эне тил жана Ч.Айтматов” темасында документалдуу фильм сынагы, театр жамааттары арасында “Эне тил жана Ч.Айтматов” темасында  спектакль даярдоо жана коюу, жогорку окуу жайлары арасында Ч.Айтматовдун 90 жылдыгына жана Мамлекеттик тил күнүнө карата “Эне тил жана Айтматов” темасында студенттер арасында чыгарманы  сахналаштыруу боюнча сынак жарыяланган.

Аталган сынактын жеңүүчүлөрүнө жана үч айлыктын жүрүшүнө активдүү катышкандарга 11 номинация боюнча Ош шаарынын мэри Таалайбек Сарыбашов баалуу белектерди тапшырды. 

2-3-ноябрь күндөрү Ош шаарында республикалык деңгээлде "Ош-Чынгыз Айтматовдун тагдырында" аталышында Айтматовдун 90 жылдыгы белгиленет. Анын негизинде, шаардын борбордук аянтында “90 жылдыкка 90 көркөм өнөр” аталышындагы Ош шаары жана Ош облусунун көркөм сүрөт, скульптура, графика көргөзмөсү уюштурулат.

Борбордук аянтка боз үйлөр тигилип, кол өнөрчүлөрдүн көргөзмөсү, айыл-чарба жарманкеси өтөт.

Ал эми, ОУДТда Ош шаардык билим берүү башкармалыгы жана ЖОЖдор тарабынан Чынгыз Айтматовдун 90 жылдык мааракесине арналган окуу-усулдук колдонмолордун, тарбиялык иштердин, илимий, практикалык иштердин, жазуучунун өмүрүнө, чыгармачылыгына байланышкан китептердин көргөзмөсү болот.

Ошондой эле, ОУДТда Ч.Айтматовдун 90 жылдык мааракесине арналган театралдаштырылган эскерүү кечеси уюштурулуп, анда жазуучунун өмүрү, чыгармачылыгына байланышкан документалдуу фильм көрсөтүлөт.

Мындан сырткары, Ош облустук ат майданында «Жаныбарым Гүлсары! аттуу улуттук «Көк бөрү», «Ат чабыш», «Кыз куумай» , « Жорго салыш» оюндары боюнча мелдештер өтөт. Ат оюндарынын финалдык бөлүгү 3-ноябрь күнү болот.

Бүгүн, 5-октябрь Ош шаарынын 3018 жылдыгын белгиленүүдө. Анын негизинде А.Сүйүмбаев атындагы борбордук стадиондо чоң программадагы гала-концерт болуп өттү. Ош шаарынын мэри Таалайбек Сарыбашов, Жогорку Кеңештин депутаттары, шаардык кеңештин төрагасы Жапарбек Ормонов, дипломатиялык корпустардын өкүлөрү күбө болду.