Ош шаарынын 3018 жылдыгына карата өтүүчү маданий-массалык иш-чаралардын тизмеси

4-октябрь
Саат 10:00. Ош МУнун залы
«Байыркы Ош шаарындагы маданияттар баарлашуусу» симпозиуму

Бүгүн, 21-сентябрда С.Ибраимов атындагы Ош улуттук драма театрында 23-сентябрь- Мамлекеттик тил күнүнө арналган майрамдык салтанат болуп өттү. Ага Ош шаарынын вице-мэри Нурбек Кадыров, шаардык кеңештин депутаты Ашим Осмонов, тиешелүү мекеме ишканалардын кызматкерлери, мугалимдер жана студенттер катышты.

Н.Кадыров мамлекеттик тил күнү өзгөчө майрам экенин белгилеп, ар бир кыргыз жаранын мамлекттик тилди өнүктүрүүгө чакырды.

Майрамдык иш-чаранын жүрүшүндө мамлекеттик тилди өнүктүрүүгө кошкон бараандуу салымы, ак ниет эмгеги жана Ош шаарынын коомдук-саясий турмушуна активдүү катышкандыгы үчүн бир нече кызматкерлерге мэриянын ардак грамоталары жана баалуу белектери ыйгарылды. Ошондой эле, жаш кыргыз тилчи мугалимдерге баалуу белектер тапшырды.

 Иш-чара Ош шаардык маданият башкармалыгынын кызматкерлеринин, Ош кыргыз улуттук драмалык театрынын артисттеринин, окуу жайлардын чыгармачыл топторунун коштоосунда сахналаштырылган көрүнүштөр, концерттик программа менен коштолду.

 Ошондой эле, катышуучуларга атайын китеп көргөзмөсү уюштурулду.

Бүгүн, 11-август Ош шаарындагы "Ата-Түрк" эс алуу багында Эгемендүүлүктүн 27 жылдыгына карата "Алтынчы күнү кечинде" аттуу концерт уюштурулду.

Ош шаарынын мэри Таалайбек Сарыбашовдун атынан вице-мэр Нурбек Кадыров сөз сүйлөп, шаардыктарды Эгемендүүлүктүн 27 жылдыгы менен куттуктап, көз карандысыздыктын жана тынчтыктын желеги ар дайым желбирей берсин деген тилегин билдирди.

Ош шаарынын маданият башкармалыгы тарабынан даярдалган концертте шаардыктарга шайыр апалар, эстрада жылдыздары чыгармаларын арнап, бийчилер майрамдык маанай тартуулашты.

Ал эми Ош шаардык дене тарбия жана спорт комитети тарабынан аркан тартыш боюнча мелдеш уюштурулуп, билеги күчтүүлөр күч сынашты. Жеңүүчүлөргө баалуу белектер жана таттуулар берилди.

Эгемендүүлүктүн 27 жылдыгына карата уюштурулуп жаткан "Алтынчы күнү кечинде" аттуу концерт 18-август И.Раззаков эс алуу жайында жана 25 -август Жайкы сахнада (подиум) жалпы шаардыктарга жана конокторго тартууланат.

Кыргыз Республикасынын мамлекеттик көз карандысыздык күнүнүн 27 жылдыгына карата Ош шаарында 2018-жылдын август айынын ар ишемби күндөрү майрамдык иш-чаралар өтөт.

4-11-18-25-август күндөрү шаардагы эс алуу бактарында, Ош шаардык маданият башкармалыгы, шаардагы музыкалык мектептердин, балдардын чыгармачылык борборлорунун, театр кызматкерлери тарабынан концерттик , оюн-зоок программалар көрсөтүлөт. Ошондой эле шаардык дене тарбия жана спорт комитети тарабынан  спорттун улуттук түрлөрү боюнча мелдештер өтөт.

Майрамдык иш-чаралар төмөнкү эс алуу жайларында уюштурулат:

4-август – “ Алымбек Датка ”  этнографиялык борбору,

11-август –  “ Ата Түрк ” сейил багы,

18-август – “ И.Раззаков ” атындагы сейил багы,

25-август– “ Жайкы сахна” подиумда.

Башталашы: саат 18:00.