Материалы отфильтрованы по дате: Понедельник, 17 Январь 2022

Понедельник, 17 Январь 2022 13:04

Таштандыны туура эмес таштагандар айыпка жыгылат

Бүгүн Ош шаарынын вице-мэри Сонунбек Жунусбаев шаардык прокуратуранын жана Ош-Тазалык ишканасынын өкүлдөрүнүн жана муниципалдык аймактык башкармалыктардын башчыларынын катышуусунда жыйын өткөрдү. Жыйында КРнын бузуулар кодексинин аткарылышы талкууланып, прокуратура өкүлдөрү тарабынан түшүндүрүү иштери жүргүзүлдү.

Таштандыны туура эмес таштагандарга МАБтар тарабынан көзөмөл солгундап кеткени айтылды. Эми бул багытта иштерди күчөтүп, кодексте белгиленгендей айып пулдарды салуу, абоненттердин санын тактоо тапшырмалары берилди.

#Ош_мэрия

#Ош_тазалык

Жарыяланган категория Жаңылыктар

Подробнее ...

Понедельник, 17 Январь 2022 12:59

“Ош-Тазалык” Ош шаарындагы алдыңкы ишканага айланат

Бүгүн, 17-январда “Ош-Тазалык” адистештирилген муниципалдык ишканасы 2021-жылдын жыйынтыгын чыгарды. Иш-чарага Ош шаарынын вице-мэри Сонунбек Жунусбаев катышып, аталган ишкананын эмгек жамаатынын калаанын социалдык-экономикалык өнүгүүсүнө кошкон салымын белгиледи. Вице-мэр 2022-жылы шаарда тазалыкты калыбына келтирүү жаатында олуттуу реформалар жүргүзүлө турганын кошумчалады.

“Быйыл шаарда тартипти жана тазалыкты калыбына келтирүү жаатындагы иштерди күчөтөбүз. Андыктан “Ош-Тазалык” ишканасынын алдында чоң милдеттер турат”, - деди вице-мэр. Алардын ичинен негизгилерине токтолду.

- Абоненттердин санын көбөйтүү. Анын ичинде коммерциялык түзүмдөр менен иш алып баруу. Бул эң маанилүү багыттардын бири болуп саналат;

- “Ош-Тазалык” ишканасынын контейнерлерине таштанды таштаган Ош шаары менен Кара-Суу районунун чектешкен аймактарында жашагандарды абоненттик базага кошуу. Бул үчүн чектеш аймактардын тургундарына түшүндүрүү иштерин жүргүзүү пландалууда;

- Көп кабаттуу үйлөрдүн айланасын тазалоо үчүн кошумча 100 кызматкерди кабыл алууну шаардык кеңештин депутаттары менен макулдашуу. Муниципалдык аймактык башкармалыктарга көп кабаттуу үйлөрдүн жашоочулары менен жолугушууларды уюштуруу тапшырылды;

- Таштанды полигонуна таштандыны сорттоочу завод куруу.

“Ошону менен бирге быйылкы жылы эмгек акыны 50%га көтөрүү пландалууда. Бул шаар тазалыгын камсыздагандарга жакшы стимул болот. Ошондой эле атайын техникаларды жаңылоого өзгөчө көңүл бурулат. Жыл сайын 2-3 даана заманбап атайын техникаларды алуу планы бар. Жумушту жакшыртуу боюнча сиздердин демилгелериңиздер колдоого алынат. Сиздерден жакшы жыйынтыктарды күтөбүз. “Ош-Тазалык” алдыңкы ишканага айланышы керек”, - деп белгиледи вице-мэр.

Жыйындын жүрүшүндө ишкананын жетекчиси Исмаилов 2021-жылда аткарылган иштердин жыйынтыгына токтолду. Өткөн жылы абоненттердин саны 229 миңден 259 миңге көбөйгөнүн билдирди. “Ощ-Тазалык” тейлеген соода обьектилеринин саны 2776дан 3812ге өскөн.

Жыл жыйынтыгын чыгарган жыйында ишкананын кызматкерлери менен пикир алмашуу да болду.

Жарыяланган категория Жаңылыктар

Подробнее ...