Материалы отфильтрованы по дате: Четверг, 09 Сентябрь 2021

Четверг, 09 Сентябрь 2021 14:42

Ош шаарына "Biotrend Energy" компаниясынын адистери келди

Бүгүн, 9-сентябрда Ош шаарынын вице-мэри Сонунбек Жунусбаев "Biotrend Energy" компаниясынын адистери менен жолугуп, шаардын инфраструктурасы менен тааныштырды.

Аталган компания менен мэрия "Ош шаарындагы таштандыларды кайра иштетүүчү заводду долбоорлоо жана куруу" меморандумуна августта кол койгон. Анын алкагында "Ош-Тазалык" жана "Ошшаарсууканал" муниципалдык ишканаларында пландалган жана аткарылып жаткан иштерди жеринен көрүштү.

"Biotrend Energy" компаниясы менен шаардыктарды таза суу менен камсыздоо тармагында долбоорлор боюнча сүйлөшүүлөрдү жүргүзүштү.

Жарыяланган категория Жаңылыктар

Подробнее ...

Четверг, 09 Сентябрь 2021 14:35

Ош шаарынын мэри А.Мамбетов «Газпром Кыргызстан» ЖЧКсынын «Ошгаз» филиалынын ишмердүүлүгү менен таанышты

Бүгүн, 9-сентябрда Ош шаарынын мэри Алмаз Мамбетов «Газпром Кыргызстан» ЖЧКсынын «Ошгаз» филиалына барып, ишмердүүлүгү менен таанышты.

Анда калаа башчысы кызматкерлерге түзүлгөн шарттар жана акыркы 5 жыл аралыгында аткарылган өндүрүштүк-техникалык чаралар боюнча маалымат алды. Ошондой эле перспективдүү пландар тууралуу видео тасма көрсөтүлдү.

Алмаз Мамбетов «Ошгаз» филиалынын кызматкерлерине аткарган иштери үчүн ыраазычылык айтып, алдыдагы кышкы жылытуу мезгилинде шаардыктар газ менен толук камсыз болооруна ишенимин билдирди.

2021 -жылы "Газпром Кыргызстан" ЖЧКнын "Ошгаз" филиалы 65246 абонентке газ жеткирсе, 2016 -жылы 61334 абонент болгон. Кызмат көрсөтүлүүчү газ түтүктөрүнүн жалпы узундугу 1077,77 км, анын ичинде 731,45 км Ош шаарында. Ошондой эле, акыркы беш жылда жакшы координацияланган жана пландалган оңдоо иштеринин алкагында жаратылыш газынын агып чыгуулары үч эсеге азайган. Мындан тышкары, үстүбүздөгү жылы эле узундугу 12,5 км болгон жер үстүндөгү газ түтүктөрүн сырдоо иштери жүргүзүлгөн. Мекемеде кардарларды тейлөө "Бирдиктүү терезе" принциби боюнча ишке ашат.

Жарыяланган категория Жаңылыктар

Подробнее ...

Четверг, 09 Сентябрь 2021 14:29

Ош шаарында комуз күнү белгиленип, 100 комузчу “Маш ботой” күүсүн чертишти

Бүгүн, 9-сентябрда Ош шаарынын борбордук аянтында комуз күнүнө арналган майрамдык иш-чара болуп өттү. Ага Ош шаарынын вице-мэри Жасур Азимов, шаар тургундары катышты.

Майрамдык иш-чаранын алкагында Ош шаардык маданият башкармалыгы тарабынан даярдалган концерттик программа тартууланып, “Акак-Ош” ансамблинин, “Этно-Ош” фольклордук тобунун, “Келечек” балдар чыгармачыл борборунун, Н.Борошев атындагы Ош мамлекеттик музыкалык окуу жайынын, С.Бекмуратов атындагы балдар музыкалык мектебинин, П.И.Чайковский атындагы искусство мектебинин комузчуларынын аткаруусунда Атай Огонбаевдин “Маш ботой” күүсү жаңырды. Жалпысынан 100 комузчу күү чертти.

Вице-мэр Жасур Азимов кыргызстандыктарды куттуктап, бир катар комузчуларга Ош шаарынын мэриясынын атынан комуз белек кылды.

Ошондой эле, ага улай Ош шаардык маданият башкармалыгынын башчысы Элдияр Кадыркулов ишкананын атынан маданиятка кошкон салымдары үчүн бир катар чыгармачыл инсандарга Ардак грамота тапшырды.

Комуз күнү Кыргызстанда 2019-жылдан бери 9-сентябрда белгиленип келет.

Жарыяланган категория Жаңылыктар

Подробнее ...