Материалы отфильтрованы по дате: Среда, 01 Сентябрь 2021

Среда, 01 Сентябрь 2021 11:50

Ош шаарында 3 көчөнү асфальттоо иштери жүрүп жатат, дагы 5 көчөнү асфальттоо пландалууда

Бүгүн, 1-сентябрда Ош шаарынын вице-мэри Жасур Азимов шаарында жүрүп жаткан жолдорду асфальттоо жана оңдоп-түзөө иштеринин жүрүшүн жеринен көрдү.

Анын алкагында Алиев, Достук кичи шаарчасындагы 51чи жана Мажрумтал көчөлөрүндө жүрүп жаткан иштерди текшерди.

Алиев көчөсүндөгү жолдун биринчи бөлүгүндө сугат лотокторун орнотуу иштери аяктап жатат, ири бүртүкчөлүү асфальттын биринчи катмары төшөлдү. Бул жерде бекемдөө иштери жана тротуарды асфальттоого даярдоо иштери жүргүзүлүүдө.

Жана ошондой эле, экинчи багытта суу түтүгүн өткөрүп берүү боюнча чаралардын комплекси көрүлүүдө, андан кийин жол тилкесин жана тротуарларды оңдоо иштери башталат. Жумуштун жалпы узундугу 0,9 км.

Достук кичи районунун 51 -көчөсүндө жолду асфальттоо иштери аяктап, учурда жолдун эки жээгин бекемдөө чаралары көрүлүүдө. Бул жерде жолдун жалпы узундугу 0,5 км, туурасы 5 м, жумуштун тендердик баасы 2,3 млн сомду түзөт. Мажрумтал көчөсүндө учурда тротуарды жана жолду асфальттоо, лотокторду орнотуу боюнча даярдык иш -чаралары жүрүп жатат. Сентябрдын биринчи жарымында аяктайт.

Ал эми 2021-жылга Төлөйкөн айылынын Ражапов көчөсүнүн, "Курманжан-Датка" МАБындагы Бобулов көчөсүнүн, Ак-Тилек кичи районундагы N16 көчөнүн, Тээк айылынын Алибеков көчөсүнүн, Татар айылынын Алиев көчөсүнүн жолдорун асфальттоо иштери жүрөт. Ошондой эле, "Туран" МАБындагы Ирригатор көчөсү, Анар кичи шаарчасындагы азиздер жана дүлөйлөр коомунун аймагын асфальттоо, тротуарларды жана лотокторду иретке келтирүү иштери болот. Жалпысынан быйыл 5 чакырымга жакын жолду асфальттоо пландалууда.

Жарыяланган категория Жаңылыктар

Подробнее ...

Среда, 01 Сентябрь 2021 11:48

Ош шаарында Түрк Кеңешинин жаш лидерлеринин форуму уланууда

Бүгүн, 1-сентябрь күнү Ош шаарынын биринчи вице-мэри Замир Юсупов Түрк Кеңешинин жаш лидерлери менен жолукту. Жолугушууга Азербайжан, Казакстан, Түркия, Өзбекстан жана Кыргызстандын аймактарынан келген 50дөн ашык жаш делегаттар катышты.

Биринчи вице-мэр Замир Юсупов жаштарга инвестиция салуу, келечекке чоң багыт берүү экендигин баса белгилеп, ушундай форумдар жаштардын тажрыйба алмашуусуна жана кайсыл тармакта болбосун калыптанышына мүмүкүнчүлүк түзөт деп кошумчалады.

Форумдун максаты-региондорду өнүктүрүү жана жаштар саясатынын алкагында тажрыйба алмашуу, шаардын потенциалын өнүктүрүүгө кошумча дем берүү, түрк тилдүү элдердин ортосундагы боордоштук жана достук мамилени чыңдоо болуп саналат.

Кыргыз Республикасынын Эгемендүүлүк күнүнүн 30 жылдыгына арналган майрамдык иш-чаралардын алкагында Түрк Кеңешинин Жаш лидерлеринин үчүнчү форуму уюштурулган.

Иш -чара 31-августтан 2-сентябрга чейин улантылат. Форумдун алкагында Түрк Кеңешинин өлкөлөрүндөгү активдүү жаштардын ишмердүүлүгү туурасында илимий жана практикалык конференциялар, эркин темалар боюнча жолугушуулар, тегерек столдор уюштурулууда.

Түрк Кеңешинин Жаш лидерлеринин форуму 2018-жылдан бери өтүп келет. Биринчи форум Азербайжанда, экинчи форум Казакстанда болгон. Ал эми кийинки эстафета Өзбекстанга узатылат.

Форум Кыргыз Республикасынын дене-тарбия, спорт жана жаштар иштери боюнча агенттиги жана Ош шаардык жаштар иштери боюнча комитети тарабынан уюштурулууда.

Жарыяланган категория Тарых жана маданият

Подробнее ...

Среда, 01 Сентябрь 2021 11:43

Ош шаарында Эгемендүүлүк күнүнө карата бир катар сыйлоолор болду

Бүгүн, 1-сентябрь күнү Ош шаарынын мэриясында Эгемендүүлүк күнүнүн 30 жылдыгына карата муниципалдык кызматтын бир катар кызматкерлери сыйланды.

Ош шаарынын вице-мэри Жасур Азимов шаардын социалдык-экономикалык өнүгүүсүнө кошкон салымы, үзүрлүү эмгеги жана коомдук саясий турмушка активдүү катышкандыгы үчүн муниципалдык менчик башкармалыгынын, капиталдык курулуш башкармалыгынын кызматкерлерине, ошондой эле, диаспоранын өкүлдөрүнө Ош шаарынын мэриясынын Ардак грамоталарын тапшырды.

Жарыяланган категория Жаңылыктар

Подробнее ...