Материалы отфильтрованы по дате: Среда, 01 Декабрь 2021

Среда, 01 Декабрь 2021 17:45

Ош шаарында окуган окуучу Эл аралык сынакта биринчи орунга ээ болду

Ош шаарындагы «Профессор П.Купуев атындагы билим берүү Академиясынын» 5-классынын окуучусу Дарига Тайлакбаева Түркиянын Адана шаарында өткөн «Yurt Сağdaş Kültür ve Sanat» аттуу онлайн музыкалык сынагында биринчи орунду багындырды.

Жеңүүчүнү Ош шаарынын мэри Алмаз Мамбетов кабыл алып, жетишкендиги менен куттуктады. Ошондой эле окуучуну тарбиялаган Кыргызстанга белгилүү скрипкачы Айнура Замирбекованын эмгеги белгиленди. Шаар башчысы жаш талантка ийгилик каалап, келечек муундардын талантын, аракетин, жөндөмүн колдоого даяр экенин билдирди.

Эми аталган сынактын жеңүүчүлөрү жана шаардагы мектептердин активдүү 16 окуучусу «П.Купуев атындагы билим берүү Академиясынан» акысыз билим ала алышат. Бул аркылуу көп балалуу үй-бүлөлөргө, ата-энесиз балдарга, мугалимдердин жана дарыгерлердин балдарына колдоо көрсөтүү максатталган.

Жарыяланган категория Жаңылыктар

Подробнее ...

Среда, 01 Декабрь 2021 14:24

Алиев көчөсү пайдаланууга берилди

Ош шаарындагы Эргеш Алиев көчөсүн асфальттоо иштери аягына чыгып, бүгүнтөн тарта унаа каттамына уруксат берилди. Бүгүн мэр Алмаз Мамбетов тийиштүү тармактын жетекчилери менен бирге курулуштун жыйынтыгын көрүп чыкты.

Узундугу бир чакырымды түзгөн жолго эки катмар асфальт төшөлүп, жөө жүрүүчүлөр үчүн тротуар курулду. Көчөнүн эки тарабын жашылдандыруу үчүн бак-дарактар отургузулуп, ирригациялык лотоктор орнотулду. Буга чейин Алиев көчөсүндө унаалар бир багыттуу гана жүрүп келсе, эми эки тараптуу каттай алышат.

Жарыяланган категория Жаңылыктар

Подробнее ...