Материалы отфильтрованы по дате: Понедельник, 20 Июнь 2022

Понедельник, 20 Июнь 2022 13:25

Ош шаарында 8-эл аралык йога күнү белгиленет

21-июнь күнү А.Сүйүмбаев атындагы борбордук стадиондо 8-эл аралык йога күнү белгиленип, бир катар иш-чаралар өткөрүлөт. Иш-чара саат 18:00дө башталат.

Жарыяланган категория Жаңылыктар

Подробнее ...

Понедельник, 20 Июнь 2022 13:23

Өз билемдик менен соода күркөлөрүн койгондорго чара көрүлөт

Буга чейин Уркуя Салиева көчөсүндөгү сейил бакка өз билемдик менен орнотулган соода күркөсү бүгүн мэр Алмаз Мамбетовдун тапшырмасы менен алынды. Ээсине карата түшүндүрүү иши жүргүзүлдү.

Урматтуу жарандар!

Уруксаты жок, өз билемдик менен соода обьектилерин орнотуп алгандарга мыйзам чегинде чара көрүлөт. Андыктан мыйзамсыз аракеттерден алыс болууну эскертебиз!

Жарыяланган категория Жаңылыктар

Подробнее ...

Понедельник, 20 Июнь 2022 13:16

Ош шаарынын Заднепровский көчөсүндө тротуарды реконструкциялоо башталды

Ош шаарында Заднепровский көчөсүнүн Ленин көчөсүнөн Алиев көчөсүнө чейинки бөлүгүндө жолдун эки тарабындагы тротуарларды реконструкциялоо иштери башталды. Анын узундугу 450 метр, туурасы 2,3 метр.

График боюнча оңдоп-түзөө иши 2-кварталдын аягына чейин бүтүшү керек.

Эске сала кетсек, Ош шаарынын мэри Алмаз Мамбетов тарабынан бекитилген иш-планга ылайык быйыл 38 көчөдөгү тротуарларды куруу жана реконструкциялоо иштери жүрөт.

Жарыяланган категория Жаңылыктар

Подробнее ...

Понедельник, 20 Июнь 2022 12:29

Ош шаарында муниципалдык кызматкерлердин күнүнө карата сууда сүзүү боюнча шаардык турнир өттү

Кечээ Оштогу “Дельфин” бассейнинде 23-июнь - мамлекеттик жана муниципалдык кызматкерлердин кесиптик майрамына карата сууда сүзүү боюнча шаардык турнир өткөрүлдү. Мелдешке шаардык коммуналдык чарба кызматкерлеринен жана муниципалдык аймактык башкармалыктардын адистеринен 90дон ашык адам катышып, эркектер жана аялдар арасында 6 жаш категориясы боюнча күч сынашты.

Сыйлык тапшыруу аземине шаардык кеңештин депутаттары Канжарбек Мамашов, Ильяз Турдуев жана Ош шаардык мэриясынын социалдык өнүгүү бөлүмүнүн башчысы Нурлан Закиров катышып, бардыгын келе жаткан майрамы менен куттуктап, спорттук мелдештерди өткөрүүнүн маанилүүлүгүн белгилешти.

Мелдештин жыйынтыгында турнирдин жеңүүчүлөрү, байге ээлери Ош шаардык дене тарбия жана спорт комитетинин медалдары, дипломдору, баалуу белектери менен сыйланышты.

Жарыяланган категория Жаңылыктар

Подробнее ...

Понедельник, 20 Июнь 2022 12:26

Ош шаарында 120 орундуу бала бакчанын жаңы имаратынын курулушу башталды

Ош шаарынын мэри Алмаз Мамбетов бекиткен иш-чаралардын графигине ылайык Юго-Восток кичи районунда 120 орундуу “Балажан” бала бакчасынын кошумча имаратынын курулушу башталды.

“СК-Лидер” ЖЧК курулуш компаниясынын прорабы Асылбек Таштаналиевдин айтымында, учурда фундаментти куюу иштери жүрүп жатат. Бекитилген мөөнөт боюнча объект 9 айда пайдаланууга берилиши керек. Аталган курулуш компаниясы тарабынан объектти быйылкы жылы бүткөрүп, колдонууга берүү аракеттери көрүлүүдө.

Жарыяланган категория Жаңылыктар

Подробнее ...